ਭਾਰਤੀ ਬੇਟੀਆਂ ਨੇ ਜਿੱਤਿਆ ਏਸ਼ੀਆ ਕੱਪ, ਪੜ੍ਹੋ ਪਿਤਾ ਦਾ ਆਪਣੀ ਬੇਟੀ ਲਈ ਭਾਵੁਕ ਸੰਦੇਸ਼

ਜਾਪਾਨ (ਬਿਊਰੋ)— ਜਾਪਾਨ ਵਿਚ ਆਯੋਜਿਤ ਮਹਿਲਾ ਏਸ਼ੀਆ ਕੱਪ ਹਾਕੀ ਫਾਈਨਲ ਦੇ ਮੁਕਾਬਲੇ ਵਿਚ ਭਾਰਤੀ ਟੀਮ ਦੀ ਸ਼ਾਨਦਾਰ ਜਿੱਤ ਦੇ ਬਾਅਦ ਟੀਮ ਵਿਚ ਸ਼ਾਮਲ ਸਾਬਕਾ ਕਪਤਾਨ ਅਤੇ ਖਿਡਾਰੀ ਵੰਦਨਾ ਕਟਾਰਿਆ ਦੇ ਪਿੰਡ ਔਰੰਗਾਬਾਦ ਦੇ ਲੋਕ ਵੀ ਜਸ਼ਨ ਵਿਚ ਡੁੱਬ ਗਏ। ਟੀਮ ਦੀ ਜਿੱਤ ਦੇ ਬਾਅਦ ਵੰਦਨਾ ਦੇ ਪਿਤਾ ਨਾਹਰ ਸਿੰਘ ਭਾਵੁਕ​ ਹੋ ਗਏ ਅਤੇ ਆਪਣੀ ਬੇਟੀ ਨੂੰ ਇਹ ਸੁਨੇਹਾ ਭੇਜਿਆ। ਉਨ੍ਹਾਂ ਨੇ ਕਿਹਾ, ''ਮੈਨੂੰ ਮੇਰੀ ਬੇਟੀ ਨਾਲ-ਨਾਲ ਪੂਰੀ ਭਾਰਤੀ ਟੀਮ ਉੱਤੇ ਨਾਜ਼ ਹੈ ਅਤੇ ਉਹ ਇਸਦਾ ਜਸ਼ਨ ਧੂਮ-ਧਾਮ ਨਾਲ ਮਨਾਉਣਗੇ।'' ਹਾਲਾਂਕਿ ਬੇਟੀ ਦੇ ਇਸ ਮਾਣ ਵਾਲੇ ਕਾਰਨਾਮੇ ਨੂੰ ਨਾ ਹੀ ਪਿੰਡ ਦੇ ਲੋਕ ਅਤੇ ਨਾ ਹੀ ਪਰਿਵਾਰ ਵਾਲੇ ਦੇਖ ਸਕੇ।

ਮਾਤਾ-ਪਿਤਾ ਦੀ ਖੁਸ਼ੀ ਦਾ ਠਿਕਾਣਾ ਨਹੀਂ ਰਿਹਾ
ਪਿਤਾ ਨਾਹਰ ਸਿੰਘ ਅਤੇ ਮਾਂ ਸਵਰਣ ਦੇਵੀ ਵਿਆਹ ਵਿਚ ਸ਼ਾਮਲ ਹੋਣ ਗਏ ਸਨ। ਉਹ ਵੀ ਬੇਟੀ ਦਾ ਖੇਡ ਨਹੀਂ ਦੇਖ ਸਕੇ। ਪਿਤਾ ਨਾਹਰ ਸਿੰਘ ਨੇ ਆਪਣੇ ਬੇਟੀ ਨੂੰ ਦਿੱਤੇ ਸੁਨੇਹਾ ਵਿਚ ਕਿਹਾ ਕਿ ਉਨ੍ਹਾਂ ਨੂੰ ਇੰਨੀ ਖੁਸ਼ੀ ਹੋ ਰਹੀ ਹੈ ਜਿਸਦਾ ਅੰਦਾਜ਼ਾ ਨਹੀ ਲਗਾਇਆ ਜਾ ਸਕਦਾ। ਵੰਦਨਾ ਨੇ ਦੇਸ਼ ਦਾ ਨਾਮ ਰੋਸ਼ਨ ਕਰਨ ਦੇ ਨਾਲ ਹੀ ਪਰਿਵਾਰ, ਪਿੰਡ ਦਾ ਨਾਮ ਰੋਸ਼ਨ ਕੀਤਾ ਹੈ। ਮਾਂ ਸਵਰਣ ਦੇਵੀ ਨੇ ਦੱਸਿਆ ਕਿ ਉਨ੍ਹਾਂ ਦੀ ਬੇਟੀ ਨੇ ਦੇਸ਼ ਲਈ ਤਮਗਾ ਜਿੱਤਿਆ ਹੈ ਪੂਰਾ ਦੇਸ਼ ਮਾਣ ਮਹਿਸੂਸ ਕਰ ਰਿਹਾ ਹੈ। ਮਾਂ ਹੋਣ ਦੇ ਨਾਤੇ ਮੈਨੂੰ ਬਹੁਤ ਖੁਸ਼ੀ ਹੋ ਰਹੀ ਹੈ। ਮੈਨੂੰ ਆਪਣੀ ਬੇਟੀ ਉੱਤੇ ਨਾਜ਼ ਹੈ।

ਤਮਗਾ ਜਿੱਤਣ ਦਾ ਕੀਤਾ ਸੀ ਬਚਨ
ਪਿਤਾ ਨਾਹਰ ਸਿੰਘ ਮੁਤਾਬਕ ਉਹ ਵਿਆਹ ਵਿਚ ਵਿਅਸਤ ਹੋਣ ਦੀ ਵਜ੍ਹਾ ਨਾਲ ਐਤਵਾਰ ਨੂੰ ਜਸ਼ਨ ਤਾਂ ਨਹੀਂ ਮਨਾ ਪਾਏ। ਸੋਮਵਾਰ ਨੂੰ ਢੋਲ ਨਗਾਰਿਆਂ ਨਾਲ ਪਿੰਡ ਵਿਚ ਜਸ਼ਨ ਮਨਾਉਣਗੇ। ਪਿਤਾ ਨਾਹਰ ਸਿੰਘ ਅਤੇ ਭੈਣ ਰੀਨਾ ਕਟਾਰਿਆ ਦੀ ਮੰਨੀਏ ਤਾਂ ਵੰਦਨਾ ਨੇ ਤਮਗਾ ਜਿੱਤਣ ਦੀ ਉਮੀਦ ਜਿਤਾਈ ਸੀ। ਪਿਤਾ ਨਾਹਰ ਸਿੰਘ ਮੁਤਾਬਕ ਇੱਕ ਮੁਕਾਬਲੇ ਵਿਚ ਭਾਰਤੀ ਟੀਮ ਦਾ ਪ੍ਰਦਰਸ਼ਨ ਕੁਝ ਵਧੀਆ ਨਾ ਹੋਣ ਦੀ ਵਜ੍ਹਾ ਨਾਲ ਉਹ ਨਿਰਾਸ਼ ਸੀ, ਪਰ ਉਸਨੇ ਬਚਨ ਕੀਤਾ ਸੀ ਕਿ ਅਗਲੇ ਮੈਚ ਵਿਚ ਬਿਹਤਰ ਪ੍ਰਦਰਸ਼ਨ ਕਰੇਗੀ ਜਿਸਨੂੰ ਉਸਨੇ ਕਰਕੇ ਵਿਖਾਇਆ ਹੈ।

ਪਰਿਵਾਰ ਵਿਚ ਚੱਲ ਰਹੀਆਂ ਹਨ ਵਿਆਹ ਦੀਆਂ ਤਿਆਰਿਆਂ
ਪਰਿਵਾਰ ਵਾਲਿਆਂ ਦੀਆਂ ਮੰਨੀਏ ਤਾਂ ਇਲਾਹਾਬਾਦ ਵਿਚ ਰੇਲਵੇ ਅਧਿਕਾਰੀ ਅਤੇ ਹਾਕੀ ਖਿਡਾਰਨ ਰੀਨਾ ਕਟਾਰਿਆ ਦਾ ਫਰਵਰੀ ਵਿਚ ਵਿਆਹ ਹੈ, ਜਿਸਦੀਆਂ ਤਿਆਰੀਆਂ ਚਲ ਰਹੀਆਂ ਹਨ। ਰੀਨਾ ਮੁਤਾਬਕ ਵਿਆਹ ਵਿਚ ਭਾਰਤੀ ਟੀਮ ਦੇ ਕਈ ਖਿਡਾਰੀ ਸ਼ਾਮਲ ਹੋ ਸਕਦੇ ਹਨ।

ਦੱਸ ਦਈਏ ਕਿ ਜਾਪਾਨ ਵਿਚ ਆਯੋਜਿਤ ਮਹਿਲਾ ਹਾਕੀ ਏਸ਼ੀਆ ਕੱਪ ਵਿਚ ਫਾਈਨਲ ਮੁਕਾਬਲੇ ਵਿਚ ਭਾਰਤੀ ਟੀਮ ਦਾ ਸਾਹਮਣਾ ਚੀਨ ਦੀ ਟੀਮ ਨਾਲ ਹੋਇਆ। ਸ਼ੂਟਆਊਟ ਤੱਕ ਚਲੇ ਇਸ ਰੋਮਾਂਚਕ ਮੁਕਾਬਲੇ ਵਿਚ ਆਖ਼ਰਕਾਰ ਭਾਰਤੀ ਟੀਮ ਨੇ ਮੁਕਾਬਲਾ 5-4 ਨਾਲ ਜਿੱਤ ਲਿਆ। ਭਾਰਤੀ ਟੀਮ ਵਿਚ ਸ਼ਾਮਲ ਸਾਬਕਾ ਕਪਤਾਨ ਔਰੰਗਾਬਾਦ ਨਿਵਾਸੀ ਵੰਦਨਾ ਕਟਾਰਿਆ ਨੇ ਜਿੱਤ ਵਿਚ ਅਹਿਮ ਭੂਮਿਕਾ ਨਿਭਾਈ।