ਜੇਕਰ ਕੋਹਲੀ ਕਰਦੇ ਹਨ ਇਹ ਕਾਰਨਾਮਾ, ਤਾਂ ਇਸ ਮਾਮਲੇ ''ਚ ਸਚਿਨ ਦੀ ਕਰ ਲੈਣਗੇ ਬਰਾਬਰੀ

ਜਗ ਬਾਣੀ ਸਪੈਸ਼ਲ— ਭਾਰਤ ਅਤੇ ਸ਼੍ਰੀਲੰਕਾ ਦਰਮਿਆਨ ਦਿੱਲੀ ਦੇ ਫਿਰੋਜਸ਼ਾਹ ਕੋਟਲਾ ਵਿਚ ਖੇਡੇ ਜਾ ਰਹੇ ਟੈਸਟ ਮੈਚ ਦੇ ਪਹਿਲਾ ਦਿਨ ਭਾਰਤ ਦੀ 'ਰਨ ਮਸ਼ੀਨ' ਵਿਰਾਟ ਕੋਹਲੀ ਦੇ ਨਾਮ ਰਿਹਾ। ਇਹ ਤਿੰਨ ਟੈਸਟ ਮੈਚਾਂ ਦੀ ਸੀਰੀਜ ਦਾ ਆਖਰੀ ਟੈਸਟ ਹੈ। ਕੋਹਲੀ ਨੇ ਬਹੁਤ ਸਾਰੇ ਰਿਕਾਰਡ ਆਪਣੇ ਨਾਂ ਕੀਤੇ ਹਨ। ਪਰ ਜੇਕਰ ਉਹ ਇਕ ਹੋਰ ਸੈਂਕੜਾ ਬਣਾ ਲੈਂਦੇ ਹਨ ਤਾਂ ਕੈਲੰਡਰ ਸਾਲ 'ਚ ਇਸ ਮਹਾਨ ਦਿਗਜ ਦੇ ਰਿਕਾਰਡ ਦੀ ਬਰਾਬਰੀ ਕਰ ਲੈਣਗੇ।

ਸਚਿਨ ਦੇ ਰਿਕਾਰਡ ਦੀ ਕਰ ਲੈਣਗੇ ਬਰਾਬਰੀ
ਵਿਰਾਟ ਕੋਹਲੀ ਲਈ 2017 ਕੈਲੰਡਰ ਸਾਲ ਬੇਹੱਦ ਖਾਸ ਰਿਹਾ ਹੈ। ਤਿੰਨਾਂ ਹੀ ਪ੍ਰਾਰੂਪਾਂ ਨੂੰ ਮਿਲਾ ਕੇ ਉਨ੍ਹਾਂ ਨੇ ਇਸ ਸਾਲ ਹੁਣ ਤੱਕ 2,681 ਦੌੜਾਂ ਬਣਾ ਲਈਆਂ ਹਨ। ਉਨ੍ਹਾਂ ਨੇ ਵਨਡੇ ਵਿਚ 1,460, ਟੈਸਟ ਵਿਚ 922 ਅਤੇ ਟੀ-20 ਵਿਚ 299 ਦੌੜਾਂ ਬਣਾਈਆਂ ਹਨ। ਵਿਰਾਟ ਕੋਹਲੀ ਕਿਸੇ ਇਕ ਕੈਲੰਡਰ ਸਾਲ ਵਿਚ ਸਭ ਤੋਂ ਜ਼ਿਆਦਾ 11 ਸੈਂਕੜੇ ਬਣਾਉਣ ਵਾਲੇ ਦੁਨੀਆ ਦੇ ਇਕਮਾਤਰ ਕਪਤਾਨ ਬਣ ਗਏ ਹਨ। ਜੇਕਰ ਉਹ 2017 ਵਿਚ ਇਕ ਹੋਰ ਸੈਂਕੜਾ ਬਣਾ ਲੈਂਦੇ ਹਨ ਤਾਂ ਖਿਡਾਰੀ ਦੇ ਰੂਪ ਵਿਚ ਵੀ ਇਕ ਕੈਲੰਡਰ ਸਾਲ ਵਿਚ ਸਭ ਤੋਂ ਜ਼ਿਆਦਾ 12 ਸੈਂਕੜੇ ਬਣਾਉਣ ਦੇ ਸਚਿਨ ਤੇਂਦੁਲਕਰ ਦੇ ਰਿਕਾਰਡ ਦਾ ਮੁਕਾਬਲਾ ਕਰ ਲੈਣਗੇ ਅਤੇ ਫਿਲਹਾਲ ਇਸਦੀ ਕਾਫ਼ੀ ਸੰਭਾਵਨਾ ਨਜ਼ਰ ਆ ਰਹੀ ਹੈ।

3 ਮੈਚਾਂ ਦੀ ਟੈਸਟ ਸੀਰੀਜ਼ ਦੇ ਸਾਰੇ ਮੈਚਾਂ 'ਚ ਸੈਂਕੜਾ ਬਣਾਉਣ ਵਾਲੇ ਇਕਲੌਤੇ ਕਪਤਾਨ
ਵਿਰਾਟ ਮੌਜੂਦਾ ਸੀਰੀਜ ਦੇ ਤਿੰਨਾਂ ਮੈਚਾਂ ਵਿਚ ਸੈਂਕੜਾ ਠੋਕ ਕੇ ਤਿੰਨ ਮੈਚਾਂ ਦੀ ਟੈਸਟ ਸੀਰੀਜ਼ ਦੇ ਸਾਰੇ ਮੈਚਾਂ ਵਿਚ ਸੈਂਕੜਾ ਬਣਾਉਣ ਵਾਲੇ ਦੁਨੀਆ ਦੇ ਇਕਲੌਤੇ ਕਪਤਾਨ ਬਣ ਗਏ ਹਨ। ਉਨ੍ਹਾਂ ਨੇ ਕੋਲਕਾਤਾ ਅਤੇ ਨਾਗਪੁਰ ਵਿਚ ਵੀ ਸੈਂਕੜਾ ਲਗਾਇਆ ਸੀ। ਹਾਲਾਂਕਿ ਕਿਸੇ ਸੀਰੀਜ਼ ਦੇ ਲਗਾਤਾਰ ਤਿੰਨ ਮੈਚਾਂ ਵਿਚ ਇਕ ਕਪਤਾਨ ਦੇ ਰੂਪ ਵਿਚ ਉਹ ਇਹ ਕੰਮ ਇੱਕ ਵਾਰ ਹੋਰ ਕਰ ਚੁੱਕੇ ਹਨ। ਉਨ੍ਹਾਂਨੇ 2014-15 ਦੇ ਆਸਟਰੇਲੀਆ ਦੌਰੇ ਉੱਤੇ ਤਿੰਨ ਲਗਾਤਾਰ ਮੈਚਾਂ ਵਿਚ ਸੈਂਕੜੇ ਲਗਾਏ ਸਨ। ਪਰ ਤਦ ਉਹ ਸੀਰੀਜ਼ ਚਾਰ ਮੈਚਾਂ ਦੀ ਸੀ।