ਹਿਮਾ ਦਾਸ ਕਮਰ ਦੀ ਤਕਲੀਫ ਕਾਰਨ ਵਿਸ਼ਵ ਚੈਂਪੀਅਨਸ਼ਿਪ ''ਚੋਂ ਬਾਹਰ

ਸਪੋਰਟਸ ਡੈਸਕ— ਵਿਸ਼ਵ ਜੂਨੀਅਰ ਚੈਂਪੀਅਨ ਹਿਮਾ ਦਾਸ ਕਮਰ ਦੀ ਤਕਲੀਫ ਕਾਰਨ ਆਗਾਮੀ ਵਿਸ਼ਵ ਚੈਂਪੀਅਨਸ਼ਿਪ 'ਚ ਹਿੱਸਾ ਨਹੀਂ ਲੈ ਸਕੇਗੀ। ਭਾਰਤੀ ਐਥਲੈਟਿਕਸ ਮਹਾਸੰਘ ਦੇ ਪ੍ਰਧਾਨ ਆਦਿਲੇ ਸੁਮਰਿਵਾਲਾ ਨੇ ਕਿਹਾ, ''ਹਿਮਾ ਕਮਰ ਦੀ ਸੱਟ ਕਾਰਨ ਦੋਹਾ 'ਚ ਵਿਸ਼ਵ ਚੈਂਪੀਅਨਸ਼ਿਪ ਨਹੀਂ ਖੇਡ ਸਕੇਗੀ।'' ਭਾਰਤੀ ਐਥਲੈਟਿਕਸ ਮਹਾਸੰਘ ਨੇ 9 ਸਤੰਬਰ ਨੂੰ ਹਿਮਾ ਸਮੇਤ 7 ਮਹਿਲਾ ਐਥਲੀਟਾਂ ਨੂੰ 27 ਸਤੰਬਰ ਤੋਂ 6 ਅਕਤੂਬਰ ਤਕ ਦੋਹਾ 'ਚ ਹੋਣ ਵਾਲੀ ਚੈਂਪੀਅਨਸ਼ਿਪ ਲਈ ਟੀਮ 'ਚ ਚੁਣਿਆ ਸੀ।

ਏ.ਐੱਫ.ਆਈ. ਨੇ ਹਾਲਾਂਕਿ ਆਈ.ਏ.ਏ.ਐੱਫ. ਨੂੰ ਦਿ ਰਿਲੇ ਰੇਸ ਲਈ ਜੋ ਸ਼ੁਰੂਆਤੀ ਇੰਦਰਾਜ ਭੇਜੀ ਸੀ, ਉਸ 'ਚ ਹਿਮਾ ਦਾ ਨਾਂ ਨਹੀਂ ਸੀ। ਇਸ ਤੋਂ ਬਾਅਦ ਤੋਂ ਰਿਲੇਅ ਦੌੜ 'ਚ ਉਨ੍ਹਾਂ ਦੇ ਹਿੱਸੇਦਾਰ ਨੂੰ ਲੈ ਕੇ ਅਟਕਲਾਂ ਲਗਾਈਆਂ ਜਾ ਰਹੀਆਂ ਸਨ। ਫਰਾਟਾ ਦੌੜਾਕ ਦੁਤੀ ਚੰਦ ਨੂੰ ਬਾਅਦ 'ਚ ਆਈ.ਏ.ਏ.ਐੱਫ. ਦੇ ਸੱਦੇ 'ਤੇ 100 ਮੀਟਰ 'ਚ ਸ਼ਾਮਲ ਕੀਤਾ ਗਿਆ। ਹਿਮਾ ਯੂਰੋਪ 'ਚ ਅਭਿਆਸ ਦੇ ਦੌਰਾਨ ਵੀ ਕਮਰ ਦੇ ਦਰਦ ਨਾਲ ਜੂਝਦੀ ਰਹੀ ਹੈ। ਉਸ ਨੇ 2 ਤੋਂ 20 ਜੁਲਾਈ ਤਕ 200 ਮੀਟਰ ਅਤੇ 400 ਮੀਟਰ 'ਚ ਇਕ ਸੋਨ ਤਮਗਾ ਜਿੱਤਿਆ ਹਾਲਾਂਕਿ ਇਹ ਪ੍ਰਤੀਯੋਗਿਤਾ ਆਲਾ ਦਰਜੇ ਦੀ ਨਹੀਂ ਸੀ।