ਵਿਆਹ ਦੇ ਬੰਧਣ ''ਚ ਬੱਝੇ ਹੈਰਿਸ ਰਾਊਫ, PCB ਨੇ ਖਿਡਾਰੀਆਂ ਦੇ ਸ਼ਾਮਲ ਹੋਣ ''ਤੇ ਲਗਾਈ ਪਾਬੰਦੀ

ਸਪੋਰਟਸ ਡੈਸਕ— ਪਾਕਿਸਤਾਨ ਦੇ ਤੇਜ਼ ਗੇਂਦਬਾਜ਼ ਹੈਰਿਸ ਰਾਊਫ ਨੇ ਮਾਡਲ ਮੁਜਨਾ ਮਸੂਦ ਮਲਿਕ ਨਾਲ ਇਸਲਾਮਾਬਾਦ 'ਚ ਵਿਆਹ ਕਰਵਾ ਲਿਆ। ਜੋੜੇ ਦਾ ਪਿਛਲੇ ਸਾਲ ਦਸੰਬਰ 'ਚ ਨਿਕਾਹ ਹੋ ਚੁੱਕਾ ਸੀ। ਪਰ ਹੁਣ ਉਨ੍ਹਾਂ ਨੇ ਪਰਿਵਾਰਕ ਮੈਂਬਰਾਂ ਅਤੇ ਨਜ਼ਦੀਕੀ ਦੋਸਤਾਂ ਦੀ ਮੌਜੂਦਗੀ 'ਚ ਪਾਕਿਸਤਾਨੀ ਰੀਤੀ-ਰਿਵਾਜਾਂ ਦੇ ਅਨੁਸਾਰ ਇੱਕ ਰਵਾਇਤੀ ਵਿਆਹ ਕੀਤਾ ਸੀ। ਇਸ ਵਾਰ ਜੋੜਾ ਮੀਡੀਆ ਦਾ ਜ਼ਿਆਦਾ ਧਿਆਨ ਖਿੱਚਣ ਤੋਂ ਬਚ ਗਿਆ।

MUZNA LOOKS SO GORGEOUS MASHAALLAH pic.twitter.com/NSt9a0fXej

— a. (@chicaaesthetics) July 7, 2023

ਹੈਰਿਸ ਰਾਊਫ ਅਤੇ ਮੁਜਨਾ ਮਸੂਦ ਮਲਿਕ ਦੇ ਵਿਆਹ ਦੇ ਜਸ਼ਨ ਦੀ ਸ਼ੁਰੂਆਤ ਕੱਵਾਲੀ ਰਾਤ ਨਾਲ ਹੋਈ। 29 ਸਾਲਾਂ ਸੱਜੇ ਹੱਥ ਦੇ ਤੇਜ਼ ਗੇਂਦਬਾਜ਼ ਨੇ ਸ਼ਰੀਕ-ਏ-ਹਯਾਤ ਨਾਲ ਵਿਆਹ ਦੀਆਂ ਸਹੁੰਆਂ ਲਈਆਂ। ਕਾਲੀ ਸ਼ੇਰਵਾਨੀ ਅਤੇ ਲਾਲ ਰੰਗ ਦੀ ਪੱਗ 'ਚ ਇਹ ਕ੍ਰਿਕਟਰ ਕਾਫ਼ੀ ਖੂਬਸੂਰਤ ਲੱਗ ਰਿਹਾ ਸੀ। ਹਰ ਲਾੜੇ ਵਾਂਗ ਰਾਊਫ ਦੇ ਗਲੇ 'ਚ ਵੀ ਮਾਲਾ ਸੀ। ਇਸ ਦੌਰਾਨ ਮੁਜਨਾ ਰਵਾਇਤੀ ਲਾਲ ਲਹਿੰਗੇ 'ਚ ਖੂਬਸੂਰਤ ਲੱਗ ਰਹੀ ਸੀ।
ਪਾਕਿਸਤਾਨੀ ਕ੍ਰਿਕਟਰ ਨਹੀਂ ਆਏ

Harry - Shaadi Mubarak! 🎆@HarisRauf14 pic.twitter.com/BARiTPoa1H

— Shaheen Shah Afridi (@iShaheenAfridi) July 7, 2023

ਪਾਕਿਸਤਾਨੀ ਕ੍ਰਿਕਟਰ ਹੈਰਿਸ ਰਾਊਫ ਦੇ ਵਿਆਹ 'ਚ ਸ਼ਾਮਲ ਨਹੀਂ ਹੋ ਸਕੇ। ਦਰਅਸਲ ਪਾਕਿਸਤਾਨ ਕ੍ਰਿਕਟ ਬੋਰਡ (ਪੀ.ਸੀ.ਬੀ.) ਨੇ ਇਸ ਦੇ ਲਈ ਪਾਕਿਸਤਾਨੀ ਕ੍ਰਿਕਟਰਾਂ ਨੂੰ ਰੋਕ ਦਿੱਤਾ ਸੀ। ਪੀਸੀਬੀ ਦੇ ਬੁਲਾਰੇ ਅਨੁਸਾਰ, ਬੋਰਡ ਨੇ ਖਿਡਾਰੀਆਂ ਨੂੰ ਕਰਾਚੀ ਤੋਂ ਇਸਲਾਮਾਬਾਦ ਜਾਣ ਦੀ ਇਜਾਜ਼ਤ ਨਹੀਂ ਦਿੱਤੀ ਕਿਉਂਕਿ ਖਰਾਬ ਮੌਸਮ ਅਤੇ ਉਡਾਣਾਂ ਦੀ ਉਪਲਬਧਤਾ ਨਹੀਂ ਸੀ। ਕੁਝ ਪਾਕਿਸਤਾਨੀ ਖਿਡਾਰੀਆਂ ਨੇ ਸ਼ਨੀਵਾਰ ਦੁਪਹਿਰ ਨੂੰ ਇਸਲਾਮਾਬਾਦ ਜਾਣ ਅਤੇ ਕਰਾਚੀ ਪਰਤਣ ਦੀ ਯੋਜਨਾ ਬਣਾਈ ਸੀ ਪਰ ਫਲਾਈਟਾਂ ਦੀ ਉਪਲਬਧਤਾ ਨਾ ਹੋਣ ਕਾਰਨ ਉਨ੍ਹਾਂ ਦੀਆਂ ਯੋਜਨਾਵਾਂ ਨਾਕਾਮ ਹੋ ਗਈਆਂ ਪਰ ਉਨ੍ਹਾਂ ਨੇ ਹੈਰਿਸ ਨੂੰ ਵਧਾਈ ਦੇਣ ਲਈ ਇਕ ਵੀਡੀਓ ਪਾਈ।

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8