ਗੁਰਜੀਤ ਦੇ ਆਖਰੀ ਮਿੰਟ ''ਚ ਕੀਤੇ ਗੋਲ ਨਾਲ ਭਾਰਤੀ ਮਹਿਲਾ ਹਾਕੀ ਟੀਮ ਨੇ ਜਿੱਤਿਆ ਮੁਕਾਬਲਾ

ਸਪੋਰਟਸ ਡੈਸਕ— ਭਾਰਤੀ ਮਹਿਲਾ ਹਾਕੀ ਟੀਮ ਨੇ ਗੁਰਜੀਤ ਕੌਰ ਦੇ ਆਖਰੀ ਮਿੰਟ ਦੇ ਗੋਲ ਨਾਲ ਪੰਜ ਮੈਚਾਂ ਦੀ ਸੀਰੀਜ਼ ਦੇ ਸ਼ੁਰੂਆਤੀ ਮੈਚ 'ਚ ਗ੍ਰੇਟ ਬ੍ਰਿਟੇਨ ਨੂੰ 2-1 ਨਾਲ ਹਰਾਇਆ। ਸ਼ਰਮੀਲਾ ਦੇਵੀ ਅਤੇ ਗੁਰਜੀਤ ਦੇ ਗੋਲ ਦੀ ਮਦਦ ਨਾਲ ਭਾਰਤੀ ਟੀਮ 0-1 ਤੋਂ ਪਿਛੜਨ ਤੋਂ ਬਾਅਦ ਵਾਪਸੀ ਕਰਦੇ ਹੋਈ ਇਹ ਮੁਕਾਬਲਾ ਜਿੱਤਿਆ। ਪਹਿਲੇ ਕੁਆਰਟਰ 'ਚ ਦੋਵਾਂ ਟੀਮਾਂ ਦੇ ਖਿਡਾਰਣਾਂ ਨੇ ਗੋਲ ਕਰਨ ਦੀਆਂ ਕਈ ਕੋਸ਼ਿਸ਼ਾਂ ਕੀਤੀਆਂ ਪਰ ਸਫਲ ਨਹੀਂ ਹੋ ਸਕੀਆਂ। ਗ੍ਰੇਟ ਬ੍ਰਿਟੇਨ ਨੇ ਇਕ ਵਧੀਆ ਮੌਕੇ ਦਾ ਫਾਇਦਾ ਉਠਾਉਣ ਦੀ ਕੋਸ਼ਿਸ਼ ਕੀਤੀ, ਪਰ ਭਾਰਤੀ ਗੋਲਕੀਪਰ ਸਵਿਤਾ ਪੂਨੀਆ ਨੇ ਉਨ੍ਹਾਂ ਦੀਆਂ ਉਮੀਦਾਂ 'ਤੇ ਪਾਣੀ ਫੇਰ ਦਿੱਤਾ। ਪਹਿਲੇ ਹਾਫ ਦਾ ਮੁਕਾਬਲਾ ਬਿਨਾਂ ਕੋਈ ਗੋਲ ਕੀਤੇ ਹੀ ਖਤਮ ਹੋ ਗਿਆ।

ਦੂਜੇ ਕੁਆਰਟਰ 'ਚ, ਭਾਰਤ ਨੇ ਮੈਚ' ਤੇ ਦਬਦਬਾ ਬਣਾਇਆ, ਦੋ ਪੈਨਲਟੀ ਕਾਰਨਰ ਹਾਸਲ ਕੀਤੇ ਪਰ ਵਿਰੋਧੀ ਟੀਮ ਦੇ ਗੋਲਕੀਪਰ ਮੈਡੀ ਹਿਚ ਨੇ ਸ਼ਾਨਦਾਰ ਬਚਾਅ ਕੀਤਾ। ਆਖਰੀ ਕੁਆਰਟਰ 'ਚ, ਗ੍ਰੇਟ ਬ੍ਰਿਟੇਨ ਦੀ ਐਮਿਲੀ ਡੇਨਫ੍ਰੋਡ ਨੇ 46 ਵੇਂ ਮਿੰਟ 'ਚ ਗੋਲ ਕਰ ਆਪਣੀ ਟੀਮ ਲਈ 1-0 ਦੀ ਬੜਤ ਬਣਾ ਲਈ। ਮੁਤਾਬਲੇ 'ਚ ਪਿਛੜਣ ਤੋਂ ਬਾਵਜੂਦ, ਭਾਰਤ ਨੇ ਜਲਦੀ ਹੀ ਸ਼ਰਮਿਲਾ ਵਲੋਂ ਕੀਤੇ ਗੋਲ ਨਾਲ ਮੁਕਾਬਲਾ 1-1 ਦੀ ਬਰਾਬਰੀ ਪਹੁੰਚਾ ਦਿੱਤਾ। ਮੈਚ ਖ਼ਤਮ ਹੋਣ 'ਚ 48 ਸੈਕਿੰਡ ਬਚੇ ਸਨ ਕਿ ਭਾਰਤ ਨੇ ਸ਼ਾਟ ਕਾਰਨਰ ਹਾਸਲ ਕਰ ਲਿਆ ਅਤੇ ਗੁਰਜੀਤ ਨੇ ਇਸ ਨੂੰ ਗੋਲ 'ਚ ਬਦਲ ਕੇ ਮੁਕਾਬਲਾ ਜਿੱਤ ਲਿਆ। ਸੀਰੀਜ਼ ਦਾ ਦੂਜਾ ਮੈਚ ਐਤਵਾਰ ਨੂੰ ਖੇਡਿਆ ਜਾਵੇਗਾ।