ਗੁਲਾਬੀ ਗੇਂਦ 'ਤੇ ਸਾਬਕਾ ਅੰਪਾਇਰ ਟਫਲ ਨੇ ਕਿਹਾ- ਅੰਪਾਇਰਾਂ ਨੂੰ ਟ੍ਰੇਨਿੰਗ ਸੈਸ਼ਨ ਦੀ ਹੈ ਲੋਡ਼

ਸਪੋਰਟਸ ਡੈਸਕ— ਭਾਰਤ ਬਨਾਮ ਬੰਗਲਾਦੇਸ਼ ਵਿਚਾਲੇ ਦੋ ਮੈਚਾਂ ਦੀ ਟੈਸਟ ਸੀਰੀਜ਼ ਦਾ ਦੂਜਾ ਅਤੇ ਆਖਰੀ ਮੁਕਾਬਲਾ 22-26 ਨਵੰਬਰ ਕੋਲਕਾਤਾ ਦੇ ਈਡਨ ਗਾਰਡਨ 'ਚ ਖੇਡਿਆ ਜਾਵੇਗਾ। ਇਹ ਡੇ- ਨਾਈਟ ਟੈਸਟ ਹੋਵੇਗਾ ਜੋ ਗੁਲਾਬੀ ਗੇਂਦ ਨਾਲ ਖੇਡਿਆ ਜਾਵੇਗਾ। ਭਾਰਤ ਅਤੇ ਬੰਗਲਾਦੇਸ਼ੀ ਪਲੇਅਰਸ ਲਈ ਇਹ ਇਕ ਨਵਾਂ ਅਨੁਭਵ ਹੋਵੇਗਾ, ਅਜਿਹੇ 'ਚ ਫੈਨਜ਼ ਦੇ ਨਾਲ-ਨਾਲ ਪਲੇਅਰਸ ਵੀ ਇਸ ਇਤਿਹਾਸਕ ਟੈਸਟ ਲਈ ਕਾਫ਼ੀ ਉਤਸ਼ਾਹਤ ਹਨ। ਹਾਲਾਂਕਿ ਗੁਲਾਬੀ ਗੇਂਦ ਟੈਸਟ 'ਚ ਅੰਪਾਇਰਾਂ ਲਈ ਕੀ ਚੁਣੋਤੀ ਹੋਵੇਗੀ, ਇਸ 'ਤੇ ਸਾਬਕਾ ਆਸਟਰੇਲੀਆਈ ਅੰਪਾਇਰ ਸਾਈਮਨ ਟਫਲ ਨੇ ਆਪਣੀ ਗੱਲ ਰੱਖੀ ਹੈ।
ਲੈਨਜ਼ ਲਗਾ ਕੇ ਮੈਦਾਨ 'ਚ ਉਤਰਣਗੇ ਅੰਪਾਇਰ
ਐਡੀਲੇਡ 'ਚ ਖੇਡੇ ਗਏ ਪਹਿਲੇ ਗੁਲਾਬੀ ਗੇਂਦ ਟੈਸਟ 'ਚ ਬਤੌਰ ਅੰਪਾਇਰ ਰਹੇ ਸਾਈਮਨ ਟਫਲ ਨੇ ਭਾਰਤ 'ਚ ਹੋਣ ਵਾਲੇ ਪਹਿਲੇ ਦਿਨ-ਰਾਤ ਟੈਸਟ ਲਈ ਅੰਪਾਇਰਾਂ ਨੂੰ ਖਾਸ ਸਲਾਹ ਦਿੱਤੀ ਹੈ। ਟਫਲ ਦਾ ਕਹਿਣਾ ਹੈ ਜਿਸ ਤਰ੍ਹਾਂ ਖਿਡਾਰੀ ਗੁਲਾਬੀ ਬਾਲ ਨਾਲ ਤਾਲਮੇਲ ਬਿਠਾਉਣ ਲਈ ਨੈੱਟ ਅਭਿਆਸ ਕਰ ਰਹੇ ਹਨ ਉਸੀ ਤਰ੍ਹਾਂ ਅੰਪਾਇਰਾਂ ਨੂੰ ਵੀ ਗੁਲਾਬੀ ਬਾਲ ਨਾਲ ਟ੍ਰੇਨਿੰਗ ਕਰਨੀ ਚਾਹੀਦੀ ਹੈ ਤਾਂ ਕਿ ਉਨ੍ਹਾਂ ਨੂੰ ਮੈਚ ਦੌਰਾਨ ਗੇਂਦ ਦੇਖਣ 'ਚ ਕੋਈ ਮੁਸ਼ਕਿਲ ਨਾ ਹੋਵੇ। ਟਫਲ ਨੇ ਕਿਹਾ ਕਿ ਮੈਨੂੰ ਨਹੀਂ ਪਤਾ ਕਿ ਉਹ ਗੇਂਦ ਨੂੰ ਵੱਖ ਤਰੀਕੇ ਨਾਲ ਦੇਖਣ ਲਈ ਕੋਈ ਵਿਸ਼ੇਸ਼ ਲੈਨਜ਼ ਪਹਿਨਣਗੇ। ਇਹ ਪੂਰੀ ਤਰ੍ਹਾਂ ਨਾਲ ਉਨ੍ਹਾਂ ਦੇ  'ਤੇ ਨਿਰਭਰ ਹੈ ਪਰ ਇਹ ਜਰੂਰੀ ਹੈ ਕਿ ਉਨ੍ਹਾਂ ਨੂੰ ਟ੍ਰੇਨਿੰਗ 'ਚ ਹਿੱਸਾ ਲੈਣਾ ਚਾਹੀਦਾ ਹੈ।
ਅੰਪਾਇਰਾਂ ਲਈ ਹੋਵੇਗੀ ਵੱਡੀ ਚੁਣੌਤੀ
ਦੁਨੀਆ ਦੇ ਸਭ ਤੋਂ ਬਿਹਤਰੀਨ ਅੰਪਾਇਰਾਂ 'ਚੋਂ ਇਕ ਰਹੇ ਸਾਈਮਨ ਟਫਲ ਨੇ ਕਿਹਾ, ਸ਼ਾਮ ਦੇ ਸਮੇਂ ਅਜਿਹਾ ਹੁੰਦਾ ਹੈ ਜਦੋਂ ਸੂਰਜ ਦੀ ਰੋਸ਼ਨੀ ਤੋ੍ਂ ਆਰਟੀਫਿਸ਼ੀਅਲ ਲਾਈਟ 'ਚ ਮੈਚ ਖੇਡਿਆ ਜਾਂਦਾ ਹੈ। ਇਹ ਉਹ ਸਮਾਂ ਹੈ ਜਦੋਂ ਬੱਲੇਬਾਜ਼ਾਂ ਨੂੰ ਗੇਂਦ ਖੇਡਣ 'ਚ ਥੋੜ੍ਹੀ ਮੁਸ਼ਕਿਲ ਤਾਂ ਹੋਵੇਗੀ, ਨਾਲ ਹੀ ਅੰਪਾਇਰਾਂ ਨੂੰ ਵੀ ਪ੍ਰੇਸ਼ਾਨੀ ਆਵੇਗੀ। ਮੈਂ ਅੰਪਾਇਰਾਂ ਲਈ ਵੀ ਇਸੇ ਤਰ੍ਹਾਂ ਦੀ ਚੁਣੌਤੀ ਦੀ ਉਮੀਦ ਕਰਾਂਗਾ। ਇਹ ਅੰਪਾਇਰਾਂ ਲਈ ਵੀ ਓਨਾ ਹੀ ਔਖਾ ਅਤੇ ਚੁਣੌਤੀ ਨਾਲ ਭਰਪੂਰ ਹੋਵੇਗਾ।

ਮੈਚ ਦੇਖਣ ਆ ਸਕਦੇ ਹਨ ਟਫਲ
ਦਸ ਦੇਈਏ ਸਾਈਮਨ ਟਫਲ ਕੋਲਕਾਤਾ 'ਚ ਹੋਣ ਵਾਲੇ ਇਤਿਹਾਸਕ ਟੈਸਟ ਦੇਖਣ ਸਟੇਡੀਅਮ 'ਚ ਆ ਸਕਦੇ ਹਨ। ਇਸ ਦੌਰਾਨ ਸਾਈਮਨ ਟੌਫਲ ਨੇ ਮਹਿਸੂਸ ਕੀਤਾ ਕਿ ਬੰਗਲਾਦੇਸ਼ ਦੇ ਖਿਡਾਰੀਆਂ ਨੂੰ ਜ਼ਿਆਦਾ ਚੌਕਨਾ ਰਹਿਣਾ ਹੋਵੇਗਾ ਕਿਉਂਕਿ ਉਨ੍ਹਾਂ ਨੂੰ ਗੁਲਾਬੀ ਗੇਂਦ ਨਾਲ ਖੇਡਣ ਦਾ ਅਨੁਭਵ ਨਹੀਂ ਹੈ। ਘਰੇਲੂ ਕ੍ਰਿਕਟ 'ਚ ਕਈ ਭਾਰਤੀ ਕ੍ਰਿਕਟਰਾਂ ਨੇ ਗੁਲਾਬੀ ਗੇਂਦ ਨਾਲ ਖੇਡਿਆ ਹੈ।