ਦਿਲ ਦਾ ਦੌਰਾ ਪੈਣ ਕਾਰਨ ਇੰਗਲੈਂਡ ਦੇ ਸਾਬਕਾ ਤੇਜ਼ ਗੇਂਦਬਾਜ਼ ਦਾ ਹੋਇਆ ਦਿਹਾਂਤ

ਲੰਡਨ: ਇੰਗਲੈਂਡ ਦੇ ਸਾਬਕਾ ਤੇਜ਼ ਗੇਂਦਬਾਜ਼ ਜੋ ਬੈਂਜਾਮਿਨ ਦਾ ਇਥੇ ਮੰਗਲਵਾਰ ਨੂੰ ਦਿਲ ਦਾ ਦੌਰਾ ਪੈਣ ਕਾਰਨ ਦਿਹਾਂਤ ਹੋ ਗਿਆ। ਉਹ 60 ਸਾਲ ਦੇ ਸਨ। ਇੰਗਲੈਂਡ ਐਂਡ ਵੇਲਸ ਕ੍ਰਿਕਟ ਬੋਰਡ (ਈ.ਸੀ.ਬੀ.) ਨੇ ਬੁੱਧਵਾਰ ਨੂੰ ਟਵੀਟ ’ਚ ਕਿਹਾ ਕਿ ਅਸੀਂ ਇੰਗਲੈਂਡ ਦੇ ਸਾਬਕਾ ਤੇਜ਼ ਗੇਂਦਬਾਜ਼ ਜੋ ਬੈਂਜਾਮਿਨ ਦੇ ਦਿਹਾਂਤ ਬਾਰੇ ਸੁਣ ਕੇ ਦੁਖੀ ਹਾਂ ਜਿਨ੍ਹਾਂ ਦਾ 60 ਸਾਲ ਦੀ ਉਮਰ ’ਚ ਦਿਹਾਂਤ ਹੋ ਗਿਆ। ਜੋ ਦੇ ਪਰਿਵਾਰ ਅਤੇ ਦੋਸਤਾਂ ਦੇ ਪ੍ਰਤੀ ਸਾਡੀ ਸੰਵੇਦਨਾ। 
ਬੈਂਜਾਮਿਨ ਨੇ ਇੰਗਲੈਂਡ ਦੇ ਇਕ ਟੈਸਟ ਅਤੇ 2 ਵਨਡੇ ਮੈਚ ਖੇਡੇ ਸਨ। ਉਹ ਸਰੇ ਅਤੇ ਵਾਰਵਿਕਸ਼ਾਇਰ ਦੇ ਨਾਲ ਕਾਊਂਟੀ ਕ੍ਰਿਕਟ ’ਚ ਆਪਣੇ ਪ੍ਰਰਦਸ਼ਨ ਲਈ ਜਾਣੇ ਜਾਂਦੇ ਸਨ। ਕੈਰੀਬਿਆਈ ਦੇਸ਼ ਸੇਂਟ ਕਿਟਸ ’ਚ ਪੈਦਾ ਹੋਏ ਜੋ ਘੱਟ ਉਮਰ ’ਚ ਹੀ ਇੰਗਲੈਂਡ ਜਾ ਵਸੇ। ਉਹ ਆਪਣੇ ਪ੍ਰਭਾਵੀ ਆਊਟਸਵਿੰਗ ਗੇਂਦਬਾਜ਼ੀ ਦੇ ਲਈ ਜਾਣੇ ਜਾਂਦੇ ਸਨ। ਉਨ੍ਹਾਂ ਨੂੰ ਸਾਲ 1992 ’ਚ ਸਰੇ ’ਚ ਜਾਣ ਤੋਂ ਪਹਿਲਾਂ ਵਾਰਵਿਕਸ਼ਾਇਰ ਵੱਲੋਂ ਇਕ ਇਕਰਾਰਨਾਮੇ ਦੀ ਪੇਸ਼ਕਸ਼ ਕੀਤੀ ਗਈ ਸੀ। 
ਬੈਂਜਾਮਿਨ ਸਰੇ ’ਚ ਵੱਡੇ ਅਤੇ ਇਥੇ ਆਪਣੇ ਤਿੰਨ ਸੈਸ਼ਨਾਂ ’ਚ ਕੁੱਲ 144 ਵਿਕਟਾਂ ਲਈਆਂ। ਆਖ਼ਿਰਕਾਰ 33 ਸਾਲ ਦੀ ਉਮਰ ’ਚ ਉਨ੍ਹਾਂ ਨੇ ਸਾਲ 1994 ’ਚ ਓਵਲ ’ਚ ਦੱਖਣੀ ਅਫਰੀਕਾ ਦੇ ਖ਼ਿਲਾਫ਼ ਟੈਸਟ ਮੈਚ ’ਚ ਇੰਗਲੈਂਡ ਲਈ ਡੈਬਿਊ ਕਰਨ ਦੀ ਮੌਕਾ ਮਿਲਿਆ। ਬੈਂਜਾਮਿਨ ਨੇ ਪਹਿਲੀ ਪਾਰੀ ’ਚ 42 ਦੌੜਾਂ ’ਤੇ ਚਾਰ ਵਿਕਟਾਂ ਦਾ ਸ਼ਾਨਦਾਰ ਪ੍ਰਦਰਸ਼ਨ ਨਾਲ ਸਭ ਨੂੰ ਪ੍ਰਭਾਵਿਤ ਕੀਤਾ ਪਰ ਉਹ ਇਸ ਤੋਂ ਬਾਅਦ ਟੈਸਟ ’ਚ ਨਹੀਂ ਦਿਖੇ। ਇਹ ਉਨ੍ਹਾਂ ਦਾ ਇਕਮਾਤਰ ਟੈਸਟ ਸੀ। 
ਭਾਵੇਂ ਹੀ ਬੈਂਜਾਮਿਨ ਟੈਸਟ ’ਚ ਨਹੀਂ ਦਿਖੇ ਪਰ ਉਹ ਆਸਟ੍ਰੇਲੀਆ ’ਚ 2 ਵਾਰ ਵਨਡੇ ਕ੍ਰਿਕਟ ’ਚ ਟੀਮ ਦਾ ਹਿੱਸਾ ਰਹੇ। ਅੰਤ ’ਚ ਉਨ੍ਹਾਂ ਨੇ ਸਾਲ 1999 ’ਚ ਸਰੇ ਵੱਲੋਂ ਰਿਲੀਜ਼ ਕਰ ਦਿੱਤਾ ਗਿਆ। ਬੈਂਜਾਮਿਨ ਨੇ 387 ਪਹਿਲੀ ਸ਼੍ਰੇਣੀ ਵਿਕਟ ਦੇ ਨਾਲ ਆਪਣਾ ਕੈਰੀਅਰ ਖਤਮ ਕੀਤਾ ਅਤੇ ਬਾਅਦ ’ਚ ਸਰੇ ’ਚ ਕੋਚਿੰਗ ਦੇਣੀ ਸ਼ੁਰੂ ਕਰ ਦਿੱਤੀ।