ਗੋਕੁਲਮ ਤੋਂ ਹਾਰ ਕੇ ਈਸਟ ਬੰਗਾਲ ਖਿਤਾਬੀ ਦੌੜ ਤੋਂ ਬਾਹਰ ਹੋਇਆ

ਕੋਝੀਕੋਡ, (ਬਿਊਰੋ)— ਗੋਕੁਲਮ ਐੱਫ.ਸੀ. ਨੇ ਸ਼ਨੀਵਾਰ ਨੂੰ ਇੱਥੇ ਆਈ ਲੀਗ ਫੁੱਟਬਾਲ ਮੁਕਾਬਲੇ 'ਚ ਈਸਟ ਬੰਗਾਲ ਨੂੰ 2-1 ਨਾਲ ਹਰਾ ਕੇ ਉਸ ਦਾ ਖਿਤਾਬ ਜਿੱਤਣ ਦਾ ਸੁਪਨਾ ਤੋੜ ਦਿੱਤਾ। ਈਸਟ ਬੰਗਾਲ ਦੀ ਇਹ ਹਾਰ ਮੈਚ ਦੇ 87ਵੇਂ ਮਿੰਟ 'ਚ ਰੰਜਨ ਸਿੰਘ ਦੇ ਆਤਮਘਾਤੀ ਗੋਲ ਦੇ ਕਾਰਨ ਹੋਈ। 

ਇਸ ਮੈਚ ਦੇ ਬਾਅਦ ਈਸਟ ਬੰਗਾਲ ਦੇ 15 ਮੈਚਾਂ 'ਚ 26 ਅੰਕ ਹਨ ਜਦਕਿ ਚੋਟੀ ਦੇ ਚਲ ਰਹੀ ਨੇਰੋਕਾ ਐੱਫ.ਸੀ. ਦੇ 16 ਮੈਚਾਂ 'ਚ 31 ਅੰਕ ਅਤੇ ਸਕੋਰ ਬੋਰਡ ਦੂਜੇ ਸਥਾਨ 'ਤੇ ਮੌਜੂਦ ਮਿਨਰਵਾ ਪੰਜਾਬ ਦੇ 14 ਮੈਚਾਂ 'ਚ 29 ਅੰਕ ਹਨ। ਕਾਤਸੁਮੀ ਯੁਸਾ ਨੇ ਈਸਟ ਬੰਗਾਲ ਨੂੰ ਹਾਫ ਟਾਈਮ ਤੋਂ ਪਹਿਲਾਂ (45+4 ਮਿੰਟ) ਪੈਨਲਟੀ ਨੂੰ ਗੋਲ 'ਚ ਬਦਲ ਕੇ ਬੜ੍ਹਤ ਦਿਵਾਈ। ਈਸਟ ਬੰਗਾਲ ਦੀ ਟੀਮ ਦੂਜੇ ਹਾਫ 'ਚ ਬੜ੍ਹਤ ਨੂੰ ਬਰਕਰਾਰ ਨਹੀਂ ਰਖ ਸਕੀ। ਮੈਚ ਦੇ 51ਵੇਂ ਮਿੰਟ 'ਚ ਕਿਵੀ ਝਿਮੋਮੀ ਦੇ ਗੋਲ ਨਾਲ ਗੋਕੁਲਮ ਨੇ ਬਰਾਬਰੀ ਹਾਸਲ ਕੀਤੀ। ਜਦੋਂ ਮੈਚ ਡਰਾਅ ਵੱਲ ਵੱਧ ਰਿਹਾ ਸੀ ਤੱਦ ਰੰਜਨ ਸਿੰਘ ਦਾ ਆਤਮਘਾਤੀ ਗੋਲ ਈਸਟ ਬੰਗਾਲ 'ਤੇ ਭਾਰੀ ਪਿਆ ਅਤੇ ਟੀਮ ਖਿਤਾਬੀ ਦੌੜ ਤੋਂ ਬਾਹਰ ਹੋ ਗਈ।