ਡਿਏਗੋ ਮਾਰਾਡੋਨਾ ਨੇ ਵਿਵਾਦਤ ''ਹੈਂਡ ਆਫ ਗਾਡ'' ਨੂੰ ਦਿੱਤਾ ਹੁਕਮ, ਬੋਲੇ- ਕੋਰੋਨਾ ਖਤਮ ਕਰੋ

ਬਿਊਨਰਸ ਆਇਰਸ : ਅਰਜਨਟੀਨਾ ਦੇ ਆਪਣੇ ਜ਼ਮਾਨੇ ਦੇ ਦਿੱਗ ਫੁੱਟਬਾਲਰ ਡਿਏਗੋ ਮਾਰਾਡੋਨਾ ਨੇ 'ਹੈਂਡ ਆਫ ਗਾਡ' ਤੋਂ ਮੁਕਤੀ ਦਿਵਾਉਣ ਦੀ ਪ੍ਰਾਰਥਾ ਕੀਤੀ ਜਿਸ ਨਾਲ ਸਾਰੇ ਲੋਕ ਫਿਰ ਤੋਂ ਆਮ ਜ਼ਿੰਦਗੀ ਜੀ ਸਕਣ। ਵਿਸ਼ਵ ਕੱਪ ਜੇਤੂ ਮਾਰਾਡੋਨਾ ਨੇ 1986 ਦੇ ਵਿਸ਼ਵ ਕੱਪ ਦੀ ਉਸ ਘਟਨਾ ਦਾ ਜ਼ਿਕਰ ਕੀਤਾ ਜਦੋਂ ਉਸ ਦੇ ਹੱਥ ਦੀ ਮਦਦ ਨਾਲ ਗੋਲ ਕੀਤਾ ਸੀ। ਬਾਅਦ ਵਿਚ ਉਸ ਨੇ ਇਸ 'ਹੈਂਡ ਆਫ ਗਾਡ' ਭਾਵ ਈਸ਼ਵਰ ਦਾ ਹੱਥ ਕਰਾਰ ਦਿੱਤਾ ਸੀ। 

ਮਾਰਾਡੋਨਾ ਨੇ ਇੰਗਲੈਂਡ ਖਿਲਾਫ ਕੀਤੇ ਗਏ ਵਿਵਾਦਤ ਗੋਲ ਦੇ ਬਾਰੇ ਕਿਹਾ ਕਿ ਅੱਜ ਸਾਡੇ ਨਾਲ ਇਹ ਹੋਇਆ ਹੈ ਅਤੇ ਕਈ ਲੋਕ ਕਹਿ ਰਹੇ ਹਨ ਕਿ ਇਹ ਈਸ਼ਵਰ ਦਾ ਹੱਥ ਹੈ ਪਰ ਅੱਜ ਮੈਂ ਇਸ ਹੱਥ ਤੋਂ ਇਹ ਮਹਾਮਾਰੀ ਖਤਮ ਕਰਨ ਦੇ ਲਈ ਕਹਿ ਰਿਹਾ ਹਾਂ। ਫਿਰ ਤੋਂ ਸਿਹਤ ਅਤੇ ਖੁਸ਼ੀਆਂ ਨਾਲ ਭਰੀ ਜ਼ਿੰਦਗੀ ਜੀ ਸਕਣ।

ਮਾਰਾਡੋਨਾ 1986 ਵਿਚ ਮੈਕਸੀਕੋ ਵਿਚ ਖੇਡੇ ਗਏ ਵਿਸ਼ਵ ਕੱਪ ਵਿਚ ਅਰਜਨਟੀਨਾ ਦੇ ਕਪਤਾਨ ਸੀ। ਉਸ ਨੇ ਕੁਆਰਟਰ ਫਾਈਨਲ ਵਿਚ ਅਰਜਨਟੀਨਾ ਇੰਗਲੈਂਡ ਖਿਲਾਫ 2-1 ਨਾਲ ਜਿੱਤ ਤੋਂ ਬਾਅਦ ਕਿਹਾ ਸੀ ਕਿ ਇਹ ਈਸ਼ਵਰ ਦਾ ਹੱਥ ਭਾਵ 'ਹੈਂਡ ਆਫ ਗਾਡ' ਸੀ। ਉਸ ਦਾ ਇਹ ਕਹਿਣਾ ਖੇਡ ਜਗਤ ਦੀ ਸਭ ਤੋਂ ਮਸ਼ਹੂਰ ਟਿੱਪਣੀਆਂ ਵਿਚ ਸ਼ਾਮਲ ਹੈ।