ਧੋਨੀ ਅਤੇ ਰੋਹਿਤ ਕੋਲ ਹੈ ਘੱਟ ਬਜਟ, ਇਸ ਕਾਰਨ ਨਹੀਂ ਖਰੀਦ ਸਕਣਗੇ ਮਹਿੰਗੇ ਖਿਡਾਰੀ

ਨਵੀਂ ਦਿੱਲੀ, (ਬਿਊਰੋ)— ਅੱਜ ਅਤੇ ਕੱਲ ਨੂੰ ਬੈਂਗਲੁਰੂ ਵਿੱਚ ਆਈ.ਪੀ.ਐੱਲ. ਦੀ ਬਹੁਤ ਵੱਡੀ ਨਿਲਾਮੀ ਹੋਣ ਵਾਲੀ ਹੈ । ਇਨ੍ਹਾਂ 2 ਦਿਨਾਂ ਵਿੱਚ ਆਈ.ਪੀ.ਐੱਲ. ਦੀਆਂ 8 ਟੀਮਾਂ ਕਰੀਬ 182 ਕਰਿਕਟਰਾਂ ਲਈ ਬੋਲੀ ਲਗਾਉਣਗੀਆਂ । ਜਿਸਦੇ ਲਈ 578 ਕਰਿਕਟਰ ਲਾਈਨ ਵਿੱਚ ਹਨ । ਅਜੇ ਤੱਕ ਰਾਜਸਥਾਨ ਰਾਇਲਸ ਅਤੇ ਕਿੰਗਸ ਇਲੈਵਨ ਪੰਜਾਬ ਦੀਆਂ ਟੀਮਾਂ ਨੇ ਇੱਕ-ਇੱਕ ਖਿਡਾਰੀ ਨੂੰ ਰਿਟੇਨ ਕੀਤਾ ਹੈ । 

ਇਸ ਵਾਰ ਸਾਰੀਆਂ ਟੀਮਾਂ ਦੇ ਕੋਲ 80 ਕਰੋੜ ਰੁਪਏ ਦਾ ਫੰਡ ਸੀ ਅਤੇ ਆਈ.ਪੀ.ਐੱਲ. ਦੀ ਨਿਲਾਮੀ ਤੋਂ ਪਹਿਲਾਂ ਹੀ ਸਾਰੀਆਂ ਟੀਮਾਂ ਆਪਣੇ ਪੁਰਾਣੇ ਖਿਡਾਰੀਆਂ ਨੂੰ ਰਿਟੇਨ ਕਰਨ ਵਿੱਚ ਹੀ ਕਾਫ਼ੀ ਪੈਸਾ ਖਰਚ ਕਰ ਚੁੱਕੀਆਂ ਹਨ ਅਤੇ ਹੁਣ ਨਿਲਾਮੀ ਲਈ ਸਭ ਤੋਂ ਘੱਟ ਪੈਸਾ ਰੋਹਿਤ ਦੀ ਮੁੰਬਈ ਇੰਡੀਅਨਸ ਅਤੇ ਧੋਨੀ ਦੀ ਚੇਨਈ ਸੁਪਰ ਕਿੰਗਸ  ਦੇ ਕੋਲ ਬਚਿਆ ਹੈ । 

ਜ਼ਿਕਰਯੋਗ ਹੈ ਕਿ ਦੋਨਾਂ ਹੀ ਟੀਮਾਂ ਦੇ ਕੋਲ ਹੁਣ 47 ਕਰੋੜ ਰੁਪਏ ਦਾ ਬਜਟ ਬਚਿਆ ਹੋਇਆ ਹੈ । ਅਜਿਹੇ ਵਿੱਚ ਦੋਨਾਂ ਹੀ ਟੀਮਾਂ ਦੇ ਸਾਹਮਣੇ ਇਹ ਮੁਸ਼ਕਲ ਖੜੀ ਹੋ ਗਈ ਹੈ ਕਿ ਹੁਣ ਉਹ ਵੱਡੇ ਖਿਡਾਰੀਆਂ ਉੱਤੇ ਬਹੁਤ ਜ਼ਿਆਦਾ ਪੈਸਾ ਖਰਚ ਨਹੀਂ ਕਰ ਸਕਣਗੇ ।  ਅਜਿਹੇ ਵਿੱਚ ਦੋਨਾਂ ਹੀ ਟੀਮਾਂ ਨੂੰ ਬਹੁਤ ਹੀ ਸੰਭਲ ਕੇ ਖਰੀਦਦਾਰੀ ਕਰਨੀ ਹੋਵੇਗੀ।