ਜਰਮਨੀ ਨੂੰ ਵਿਸ਼ਵ ਕੱਪ ਦਾ ਖਿਤਾਬ ਜਿੱਤਾਉਣ ਵਾਲੇ ਡਿਫੇਂਡਰ ਹਾਵੇਡਸ ਨੇ ਲਿਆ ਸੰਨਿਆਸ

ਬਰਲਿਨ- ਜਰਮਨੀ ਨੂੰ 2014 'ਚ ਵਿਸ਼ਵ ਕੱਪ ਖਿਤਾਬ ਦਿਵਾਉਣ 'ਚ ਮਦਦ ਕਰਨ ਵਾਲੇ ਡਿਫੇਂਡਰ ਬੇਨੇਡਿਕਟ ਹਾਵੇਡਸ ਨੇ ਸ਼ੁੱਕਰਵਾਰ ਨੂੰ ਪਰਿਵਾਰਕ ਕਾਰਨਾਂ ਨਾਲ ਫੁੱਟਬਾਲ ਤੋਂ ਸੰਨਿਆਸ ਲੈ ਲਿਆ। ਇਸ 32 ਸਾਲਾ ਖਿਡਾਰੀ ਨੇ ਪਿਛਲੇ ਮਹੀਨੇ ਆਪਸੀ ਰਜਾਮੰਦੀ ਨਾਲ ਲੋਕੋਮੋਟਿਵ ਮਾਸਕੋ ਨੂੰ ਛੱਡਣ ਦਾ ਫੈਸਲਾ ਕੀਤਾ ਸੀ ਜਦਕਿ ਕੋਰੋਨਾ ਵਾਇਰਸ ਦੇ ਕਾਰਨ ਰੂਸੀ ਲੀਗ ਨੂੰ ਵੀ ਮੁਲਤਵੀ ਕਰ ਦਿੱਤਾ ਗਿਆ ਸੀ।
ਹਾਵੇਡਸ ਨੇ ਜਰਮਨੀ ਦੀ ਮੈਗਜ਼ੀਨ 'ਡਰ ਸਿਪਗੇਲ' ਨੂੰ ਕਿਹਾ ਕਿ ਛੁੱਟੀਆਂ 'ਤੇ ਛੋਟੇ ਬੇਟੇ ਦੇ ਨਾਲ ਸਮਾਂ ਬਿਤਾਉਣ ਤੋਂ ਬਾਅਦ ਉਨ੍ਹਾਂ ਨੂੰ ਪਰਿਵਾਰ ਤੋਂ ਦੂਰ ਹੋਣ 'ਚ ਪ੍ਰੇਸ਼ਾਨੀ ਹੋਣ ਲੱਗੀ ਤੇ 'ਅਚਾਨਕ ਉਨ੍ਹਾਂ ਨੂੰ ਫੁੱਟਬਾਲ ਆਮ ਜਿਹਾ ਲੱਗਣ ਲੱਗਾ'। ਉਨ੍ਹਾਂ ਨੇ ਇਸ ਤੋਂ ਸੰਨਿਆਸ ਲੈਣ ਦਾ ਫੈਸਲਾ ਕੀਤਾ।