ਵਿਵਾਦਿਤ ਟੈਨਿਸ ਖਿਡਾਰੀ Nick Kyrgios ਨੇ ਗਰਲਫ੍ਰੈਂਡ ਨਾਲ ਕੀਤੀ ਮੰਗਣੀ, ਸ਼ੇਅਰ ਕੀਤੀ ਫੋਟੋ
04/29/2022 12:36:15 AM
ਖੇਡ ਡੈਸਕ- ਨਿਕ ਕਿਰਗਿਓਸ ਨੇ ਆਪਣੇ ਚੈਰਿਟੀ ਬਾਸਕਟਬਾਲ ਮੈਚ ਵਿਵਾਦ ਦੇ ਮੱਦੇਨਜ਼ਰ ਆਪਣੀ ਪ੍ਰੇਮਿਕਾ ਕੋਸਟੀਨ ਹਟਜ਼ੀ ਦੇ ਨਾਲ ਮੰਗਣੀ ਕਰ ਲਈ ਹੈ। ਐਤਵਾਰ ਨੂੰ ਬੀਮਾਰ ਬੱਚਿਆਂ ਦੇ ਲਈ ਇਕ ਚੈਰਿਟੀ ਮੈਚ ਵਿਚ ਹੋਰ ਮਸ਼ਹੂਰ ਹਸਤੀਆਂ ਦੇ ਵਿਰੁੱਧ ਮੁਕਾਬਲਾ ਕਰਨ ਤੋਂ ਬਾਅਦ ਟੈਨਿਸ ਖਿਡਾਰੀ ਨੂੰ ਵਿਰੋਧ ਦਾ ਸਾਹਮਣਾ ਕਰਨਾ ਪਿਆ ਸੀ। ਨਿਕ 'ਤੇ ਕੋਰਟ 'ਤੇ ਧੱਕਾ ਕਰਨ ਅਤੇ ਬਦਤਮੀਜ਼ੀ ਕਰਨ ਦਾ ਦੋਸ਼ ਲਗਾਇਆ ਗਿਆ ਸੀ। ਬੁੱਧਵਾਰ ਨੂੰ ਕਿਰਗਿਓਸ ਦਾ 27ਵਾਂ ਜਨਮਦਿਨ ਸੀ। ਅਜਿਹੇ ਵਿਚ ਉਨ੍ਹਾਂ ਨੇ 21 ਸਾਲਾ ਹਟਜ਼ੀ ਦੇ ਨਾਲ ਜਸ਼ਨ ਮਨਾਉਂਦੇ ਦੀ ਇਕ ਰੋਮਾਂਟਿਕ ਫੋਟੋ ਇੰਸਟਾਗ੍ਰਾਮ 'ਤੇ ਸ਼ੇਅਰ ਕੀਤੀ। ਇਸ ਵਿਚ ਹਟਜ਼ੀ ਦੇ ਉਂਗਲੀ ਵਿਚ ਇਕ ਅੰਗੂਠੀ ਦਿਖ ਰਹੀ ਹੈ।
ਇਹ ਖ਼ਬਰ ਪੜ੍ਹੋ- ਲਿਵਰਪੂਲ ਨੇ ਵਿਲਾਰੀਅਲ ਨੂੰ ਹਰਾਇਆ, ਚੈਂਪੀਅਨਸ ਲੀਗ ਫਾਈਨਲ 'ਚ ਜਗ੍ਹਾ ਬਣਾਉਣ ਦੇ ਕਰੀਬ
ਕਿਰਗਿਓਸ ਜੋ ਦਸੰਬਰ ਤੋਂ ਹੀ ਯੂਨੀਵਰਸਿਟੀ ਦੇ ਗ੍ਰੈਜੂਏਟ ਹਟਜ਼ੀ ਨੂੰ ਡੇਟ ਕਰ ਰਹੇ ਹਨ। ਉਨ੍ਹਾਂ ਨੇ ਇੰਸਟਾਗ੍ਰਾਮ 'ਤੇ ਜੋ ਫੋਟੋ ਸ਼ੇਅਰ ਕੀਤੀ ਹੈ, ਉਸ ਵਿਚ ਉਹ ਹਟਜ਼ੀ ਨੂੰ ਬਾਹਾਂ ਵਿਚ ਫੜਿਆ ਹੋਇਆ ਹੈ। ਉਨ੍ਹਾਂ ਨੇ ਤਸਵੀਰ 'ਤੇ ਇਕ ਪੈਡਲਾਕ ਇਮੋਜੀ ਅਤੇ ਡਾਇਮੰਡ ਰਿੰਗ ਇਮੋਜੀ ਵੀ ਦਿੱਤੀ ਹੈ। ਨਾਲ ਹੀ ਉਨ੍ਹਾਂ ਨੇ ਲਿਖਿਆ ਹੈ -ਮਾਈ ਬੇਬ। ਇਸ ਵਿਚਾਲੇ ਹਟਜ਼ੀ ਨੇ ਇੰਸਟਾਗ੍ਰਾਮ 'ਤੇ ਆਪਣੇ ਪ੍ਰੇਮੀ ਨੂੰ ਜਨਮਦਿਨ ਦੀ ਵਧਾਈ ਵੀ ਦਿੱਤੀ, ਉਸਦੇ ਚਾਰ ਮਹੀਨੇ ਦੇ ਰਿਸ਼ਤੇ ਦਾ ਦਸਤਾਵੇਜ਼ੀ ਕਰਦੇ ਹੋਏ ਥ੍ਰੋਬੈਕ ਦੀ ਇਕ ਗੈਲਰੀ ਅਪਲੋਡ ਕੀਤੀ।
ਇਹ ਖ਼ਬਰ ਪੜ੍ਹੋ- ਓਸਲੋ ਈ-ਸਪੋਰਟਸ ਕੱਪ ਸ਼ਤਰੰਜ : ਡੂਡਾ ਤੋਂ ਹਾਰੇ ਪ੍ਰਗਿਆਨੰਧਾ, ਕਾਰਲਸਨ ਫਿਰ ਅੱਗੇ
ਹਟਜ਼ੀ ਨੇ ਲਿਖਿਆ- ਮੈਂ ਹੁਣ ਤੱਕ ਮਿਲੇ ਸਭ ਤੋਂ ਸ਼ਾਨਦਾਰ ਵਿਅਕਤੀ ਨੂੰ ਜਨਮਦਿਨ ਦੀ ਵਧਾਈ ਦਿੰਦੀ ਹਾਂ। ਮੈਂ ਆਪਣੇ ਲਈ ਬਹੁਤ ਖੁਸ਼ਕਿਸਮਤ ਹਾਂ ਅਤੇ ਤੁਸੀਂ ਮੇਰੇ ਲਈ ਜੋ ਕੁਝ ਵੀ ਕੀਤਾ ਹੈ ਉਸਦੇ ਲਈ ਹਮੇਸ਼ਾ ਸ਼ੁਕਰਗੁਜ਼ਾਰ ਹਾਂ। ਵਿਆਹ ਦੀ ਯੋਜਨਾ ਕੀਤੀ ਅਤੇ ਇਸ਼ਾਰਾ ਕਰਦੇ ਹੋਏ ਹਟਜ਼ੀ ਨੇ ਕਿਹਾ ਕਿ ਮੈਂ ਤੁਹਾਡੇ ਨਾਲ ਜੀਵਨ ਬਿਤਾਉਣ ਤੇ ਇਕੱਠੇ ਦੁਨੀਆ ਘੁੰਮਣ ਦੇ ਲਈ ਹੋਰ ਇੰਤਜ਼ਾਰ ਨਹੀਂ ਕਰ ਸਕਦੀ ਹਾਂ, ਮੈਂ ਅੱਜ ਤੇ ਹਮੇਸ਼ਾ ਦੇ ਲਈ ਤੁਹਾਨੂੰ ਪਿਆਰ ਕਰਦੀ ਹਾਂ, ਮੇਰ ਸ਼ਕੁਈਸ਼।
ਇਹ ਪਹਿਲੀ ਵਾਰ ਨਹੀਂ ਹੈ ਜਦੋ ਕਿਰਗਿਓਸ ਨੇ ਮੰਗਣੀ ਦੀਆਂ ਅਫਵਾਹਾਂ ਫੈਲਾਈਆਂ ਹਨ, ਕਿਉਂਕਿ ਪਿਛਲੇ ਹਫਤੇ ਹੀ ਉਨ੍ਹਾਂ ਨੇ ਜੋੜੇ ਦੇ ਇੰਸਟਾਗ੍ਰਾਮ ਸਨੈਪ ਦੇ ਹੇਠਾ ਡਾਇਮੰਡ ਇਮੋਜੀ ਦੀ ਇਕ ਸੀਰੀਜ਼ ਪੋਸਟ ਕੀਤੀ ਸੀ।
ਨੋਟ : ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ। ਕੁਮੈਂਟ ਕਰਕੇ ਦਿਓ ਜਵਾਬ।