ਬੋਪੰਨਾ ਅਤੇ ਸ਼ਾਪੋਵਾਲੋਵ ਨੇ ਵਿਏਨਾ ਏ. ਟੀ. ਪੀ. ਦੇ ਦੂੱਜੇ ਦੌਰ 'ਚ ਬਣਾਈ ਜਗ੍ਹਾ

ਸਪੋਰਸਟ ਡੈਸਕ— ਭਾਰਤ ਦੇ ਰੋਹਨ ਬੋਪੰਨਾ ਅਤੇ ਕੈਨੇਡਾ ਦੇ ਡੈਨਿਸ ਸ਼ਾਪੋਵਾਲੋਵ ਨੇ ਵਿਏਨਾ 'ਚ ਚੱਲ ਰਹੇ 2,296,490 ਯੂਰੋ ਦੀ ਇਨਾਮੀ ਰਾਸ਼ੀ ਵਾਲੇ ਐਰਸਟੇ ਬੈਂਕ ਓਪਨ ਏ. ਟੀ. ਪੀ-500 ਟੈਨਿਸ ਟੂਰਨਾਮੈਂਟ ਦੇ ਪੁਰਸ਼ ਡਬਲਜ਼ ਵਰਗ ਦੇ ਦੂੱਜੇ ਦੌਰ 'ਚ ਜਗ੍ਹਾ ਬਣਾ ਲਈ ਹੈ।

ਬੋਪੰਨਾ-ਡੈਨਿਸ ਦੀ ਜੋੜੀ ਨੇ ਆਸਟਰੇਲੀਆ ਦੇ ਓਲਿਵਰ ਮਰਾਚ ਅਤੇ ਜੁਰਗੇਨ ਮੇਲਜਰ ਦੀ ਜੋੜੀ ਨੂੰ ਪਹਿਲੇ ਰਾਊਂਡ 'ਚ ਲਗਾਤਾਰ ਸੈੱਟਾਂ 'ਚ 7-6 (6),6-2 ਨਾਲ ਹਰਾ ਦਿੱਤਾ। ਇਹ ਮੈਚ 77 ਮਿੰਟ 'ਚ ਖ਼ਤਮ ਹੋਇਆ ਜਿਸ 'ਚ ਭਾਰਤੀ-ਕੈਨੇਡੀਅਨ ਜੋੜੀ ਨੇ ਤਿੰਨ ਐੱਸ ਲਾਏ ਅਤੇ ਚਾਰ ਡਬਲ ਫਾਲਟ ਕੀਤੇ। ਵਿਰੋਧੀ ਜੋੜੀ ਨੇ ਪੰਜ ਐੱਸ ਲਾਏ ਅਤੇ ਤਿੰਨ ਡਬਲ ਫਾਲਟ ਕੀਤੇ। ਬੋਪੰਨਾ-ਡੈਨਿਸ ਦੀ ਜੋੜੀ ਨੇ ਦੋ ਬ੍ਰੇਕ ਅੰਕ ਬਚਾਏ ਅਤੇ ਅੱਠ 'ਚੋਂ ਤਿੰਨ ਵਾਰ ਵਿਰੋਧੀ ਜੋੜੀ ਦੀ ਸਰਵਿਸ ਵੀ ਤੋੜੀ। ਪਹਿਲੀ ਸਰਵ 'ਤੇ ਉਨ੍ਹਾਂ ਨੇ 58 ਫੀਸਦੀ ਅੰਕ ਹਾਸਲ ਕੀਤੇ। ਮਰਾਚ-ਮੇਲਜਰ ਨੇ ਅੱਠ 'ਚੋਂ ੰਪੰਜ ਬ੍ਰੇਕ ਅੰਕ ਬਚਾਏ ਅਤੇ ਤਿੰਨ ਬ੍ਰੇਕ ਅੰਕ ਜਿੱਤੇ ਜਦ ਕਿ ਪਹਿਲੀ ਸਰਵਿਸ 'ਤੇ 76 ਫੀਸਦੀ ਅੰਕ ਜਿੱਤੇ।

ਪਹਿਲੇ ਸੈਟ 'ਚ ਬੋਪੰਨਾ-ਡੈਨਿਸ 2-4 ਨਾਲ ਪਿਛੜ ਗਏ ਸਨ। ਭਾਰਤੀ-ਕੈਨੇਡੀਅਨ ਜੋੜੀ ਨੇ ਪਰ ਵਾਪਸੀ ਕਰਦੇ ਹੋਏ 4-4 ਅਤੇ 6-6 ਨਾਲ ਸਕੋਰ ਬਰਾਬਰ ਕੀਤਾ। ਉਨ੍ਹਾਂ ਨੇ ਫਿਰ ਸੈੱਟ ਦਾ ਟਾਈ ਬ੍ਰੇਕ ਜਿੱਤਿਆ। ਦੂੱਜੇ ਸੈੱਟ 'ਚ ਬੋਪੰਨਾ-ਸ਼ਾਪੋਵਾਲੋਵ ਨੇ 2-0 ਦੀ ਬੜ੍ਹਤ ਬਣਾਈ ਅਤੇ 3-2 ਦੇ ਸਕੋਰ 'ਤੇ ਲਗਾਤਾਰ ਤਿੰਨ ਗੇਮ ਜਿੱਤੀਆਂ ਸੈੱਟ ਅਤੇ ਮੈਚ ਆਪਣੇ ਨਾਂ ਕਰ ਲਿਆ।