WWE ਫੈਨਜ਼ ਲਈ ਵੱਡੀ ਖ਼ਬਰ ; ਸੁਪਰਸਟਾਰ ਨੇ ਅਚਾਨਕ ਕੀਤਾ ਸੰਨਿਆਸ ਦਾ ਐਲਾਨ

ਨੈਸ਼ਨਲ ਡੈਸਕ- ਪ੍ਰੋਫੈਸ਼ਨਲ ਰੈਸਲਿੰਗ ਦੀ ਦੁਨੀਆ ਤੋਂ ਇੱਕ ਵੱਡੀ ਅਤੇ ਹੈਰਾਨ ਕਰ ਦੇਣ ਵਾਲੀ ਖ਼ਬਰ ਸਾਹਮਣੇ ਆਈ ਹੈ। ਪੂਰਵ WWE ਸੁਪਰਸਟਾਰ ਅਤੇ NXT ਟੈਗ ਟੀਮ ਚੈਂਪੀਅਨ ਫੈਂਡੈਂਗੋ ਨੇ ਅਚਾਨਕ ਇਨ-ਰਿੰਗ ਐਕਸ਼ਨ ਤੋਂ ਸੰਨਿਆਸ  ਲੈਣ ਦਾ ਐਲਾਨ ਕਰ ਦਿੱਤਾ ਹੈ।
2026 ਵਿੱਚ ਹੋਵੇਗਾ ਆਖਰੀ ਮੈਚ
42 ਸਾਲਾ ਫੈਂਡੈਂਗੋ ਨੇ ਐਲਾਨ ਕੀਤਾ ਹੈ ਕਿ ਉਹ ਜਨਵਰੀ 2026 ਵਿੱਚ ਡੈਲਸ ਵਿੱਚ ਹੋਣ ਵਾਲੇ TNA ਦੇ Genesis PPV (ਪੇ-ਪਰ-ਵਿਊ) ਈਵੈਂਟ ਤੋਂ ਬਾਅਦ ਰਿੰਗ ਨੂੰ ਅਲਵਿਦਾ ਕਹਿ ਦੇਣਗੇ। ਫੈਂਡੈਂਗੋ ਨੇ ਫੁੱਲ ਸੈੱਲ ਯੂਨੀਵਰਸਿਟੀ ਵਿੱਚ ਆਪਣੇ ਸੰਨਿਆਸ ਦਾ ਐਲਾਨ ਕੀਤਾ। ਉਨ੍ਹਾਂ ਦਾ ਇਹ ਅਚਾਨਕ ਫੈਸਲਾ ਬਹੁਤ ਸਾਰੇ ਲੋਕਾਂ ਨੂੰ ਸਮਝ ਨਹੀਂ ਆਇਆ ਹੋਵੇਗਾ ਅਤੇ ਉਨ੍ਹਾਂ ਦੇ ਪ੍ਰਸ਼ੰਸਕ ਇਸ ਗੱਲ ਤੋਂ ਜ਼ਰੂਰ ਨਾਰਾਜ਼ ਹੋਏ ਹੋਣਗੇ।

JDC (Fandango) will retire from in-ring competition following TNA Genesis in January 2026pic.twitter.com/nnK6FJl7W0

— WrestleTalk (@WrestleTalk_TV) November 14, 2025

WWE ਤੋਂ ਰਿਲੀਜ਼ ਹੋਣ ਮਗਰੋਂ TNA ਵਿੱਚ ਕਰ ਰਹੇ ਸਨ ਕੰਮ
ਫੈਂਡੈਂਗੋ, ਜਿਨ੍ਹਾਂ ਦਾ ਅਸਲੀ ਨਾਮ ਜੇਡੀਸੀ (JDC) ਹੈ, ਨੂੰ ਸਾਲ 2021 ਵਿੱਚ WWE ਤੋਂ ਰਿਲੀਜ਼ ਕਰ ਦਿੱਤਾ ਗਿਆ ਸੀ। WWE ਤੋਂ ਰਿਲੀਜ਼ ਹੋਣ ਤੋਂ ਬਾਅਦ, ਉਹ TNA (ਪਹਿਲਾਂ TNA ਇਮਪੈਕਟ) ਵਿੱਚ JDC ਨਾਮ ਹੇਠ ਕੰਮ ਕਰ ਰਹੇ ਸਨ। TNA ਵਿੱਚ ਉਹ 'ਸਿਸਟਮ ਸਟੇਬਲ' ਨਾਮਕ ਗਰੁੱਪ ਦੇ ਮੈਂਬਰ ਵੀ ਰਹੇ।
ਜ਼ਿਕਰਯੋਗ ਹੈ ਕਿ WWE ਵਿੱਚ ਉਨ੍ਹਾਂ ਨੇ ਟਾਇਲਰ ਬ੍ਰੀਜ਼ ਦੇ ਨਾਲ NXT ਵਿੱਚ ਵਾਪਸੀ ਕੀਤੀ ਸੀ ਅਤੇ ਦੋਵਾਂ ਨੇ ਇੱਕ ਵਾਰ NXT ਟੈਗ ਟੀਮ ਚੈਂਪੀਅਨਸ਼ਿਪ 'ਤੇ ਵੀ ਕਬਜ਼ਾ ਕੀਤਾ ਸੀ।
WWE Survivor Series 2025 ਦੀਆਂ ਤਿਆਰੀਆਂ ਜ਼ੋਰਾਂ 'ਤੇ
ਇੱਕ ਪਾਸੇ ਫੈਂਡੈਂਗੋ ਸੰਨਿਆਸ ਲੈ ਰਹੇ ਹਨ, ਉੱਥੇ ਹੀ WWE ਵਿੱਚ Survivor Series 2025 ਦੀਆਂ ਤਿਆਰੀਆਂ ਜ਼ੋਰਾਂ 'ਤੇ ਚੱਲ ਰਹੀਆਂ ਹਨ। ਇਹ ਵੱਡਾ ਈਵੈਂਟ 29 ਨਵੰਬਰ ਨੂੰ ਹੋਣ ਵਾਲਾ ਹੈ। ਇਸ ਈਵੈਂਟ ਵਿੱਚ ਮਰਦਾਂ ਅਤੇ ਔਰਤਾਂ ਦੇ ਵਾਰਗੇਮਜ਼ (WarGames) ਮੈਚਾਂ 'ਤੇ ਸਾਰਿਆਂ ਦੀਆਂ ਨਜ਼ਰਾਂ ਟਿਕੀਆਂ ਹਨ।
ਮਰਦਾਂ ਦੇ ਵਾਰਗੇਮਜ਼ ਮੈਚ ਵਿੱਚ CM ਪੰਕ ਦੀ ਟੀਮ (ਕੋਡੀ ਰੋਡਜ਼ ਅਤੇ ਜੇ ਊਸੋ) ਦਾ ਮੁਕਾਬਲਾ 'ਦ ਵਿਜ਼ਨ ਗਰੁੱਪ' (ਬ੍ਰੌਨਸਨ ਰੀਡ, ਬ੍ਰੌਨ ਬ੍ਰੇਕਰ ਅਤੇ ਲੋਗਨ ਪਾਲ) ਨਾਲ ਹੋਵੇਗਾ। CM ਪੰਕ ਦੀ ਟੀਮ ਵਿੱਚ ਰੋਮਨ ਰੇਂਸ ਅਤੇ ਜਿੰਮੀ ਊਸੋ ਅਤੇ ਵਿਜ਼ਨ ਗਰੁੱਪ ਵਿੱਚ ਬ੍ਰੌਕ ਲੈਸਨਰ ਅਤੇ ਡਰੂ ਮੈਕਇੰਟਾਇਰ ਵੀ ਸ਼ਾਮਲ ਹੋ ਸਕਦੇ ਹਨ।