ਕ੍ਰਿਕਟ ਮੈਦਾਨ ''ਤੇ ਵੱਡਾ ਹਾਦਸਾ, ਸਿਰ ''ਤੇ ਗੇਂਦ ਲੱਗਣ ਕਾਰਨ ਖਿਡਾਰਨ ਪੁੱਜੀ ਹਸਪਤਾਲ

ਐਡੀਲੇਡ— ਕ੍ਰਿਕਟ ਦੇ ਮੈਦਾਨ 'ਤੇ ਜ਼ਿਆਦਾਤਰ ਹਾਦਸੇ ਹੁੰਦੇ ਰਹਿੰਦੇ ਹਨ, ਕੁਝ ਅਜਿਹਾ ਹੀ ਐਡੀਲੇਡ ਦੇ ਮੈਦਾਨ 'ਤੇ ਐਤਵਾਰ ਨੂੰ ਮਹਿਲਾ ਵਿਸ਼ਵ ਟੀ-20 ਦੇ ਅਭਿਆਸ ਮੈਚ 'ਚ ਦੱਖਣੀ ਅਫਰੀਕਾ ਤੇ ਸ਼੍ਰੀਲੰਕਾ ਦੀਆਂ ਟੀਮਾਂ ਦੇ ਵਿਚ ਮੁਕਾਬਲਾ ਚੱਲ ਰਿਹਾ ਸੀ, ਇਸ ਮੈਚ ਦੇ ਦੌਰਾਨ ਸ਼੍ਰੀਲੰਕਾਈ ਖਿਡਾਰੀ ਅਚਿਨਿ ਕੁਲਾਸੂਰੀਆ ਦੇ ਸੱਟ ਲੱਗ ਗਈ ਤੇ ਉਹ ਮੈਦਾਨ 'ਤੇ ਹੀ ਬੇਹੋਸ਼ ਹੋ ਗਈ। ਕੁਲਾਸੂਰੀਆ ਦੇ ਨਾਲ ਇਹ ਹਾਦਸਾ ਕੈਚ ਕਰਦੇ ਸਮੇਂ ਹੋਇਆ। 29 ਸਾਲ ਦੀ ਇਹ ਖਿਡਾਰਨ ਦੱਖਣੀ ਅਫਰੀਕਾ ਬੱਲੇਬਾਜ਼ ਕਲਾਯ ਟਰਾਇਨ ਦਾ ਕੈਚ ਕਰਨ ਗਈ ਪਰ ਗੇਂਦ ਸਿੱਧੇ ਉਸਦੇ ਸਿਰ 'ਤੇ ਲੱਗ ਗਈ ਜਿਸ ਤੋਂ ਬਾਅਦ ਕੁਲਾਸੂਰੀਆ ਜ਼ਮੀਨ 'ਤੇ ਡਿੱਗ ਗਈ।

ਕੁਲਾਸੂਰੀਆ ਨੂੰ ਜ਼ਮੀਨ 'ਤੇ ਡਿੱਗਦਿਆ ਦੇਖ ਤੁਰੰਤ ਸ਼੍ਰੀਲੰਕਾ ਦੀ ਮੈਡੀਕਲ ਟੀਮ ਮੈਦਾਨ 'ਤੇ ਆਈ ਪਰ ਉਹ ਕੋਈ ਹਰਕਤ ਨਹੀਂ ਕਰ ਰਹੀ ਸੀ ਇਹ ਦੇਖ ਮੈਦਾਨ 'ਚ ਮੌਜੂਦ ਸਾਰੇ ਲੋਕਾਂ ਦੇ ਹੋਸ਼ ਉੱਡ ਗਏ ਤੇ ਮੈਦਾਨ 'ਚ ਤੁਰੰਤ ਐਂਬੂਲੈਂਸ ਪਹੁੰਚੀ। ਉਹ ਸਟ੍ਰੇਚਰ ਨਾਲ ਕੁਲਾਸੂਰੀਆ ਨੂੰ ਮੈਦਾਨ ਤੋਂ ਬਾਹਰ ਲਿਆਂਦਾ ਗਿਆ, ਉਸ ਤੋਂ ਬਾਅਦ ਉਸ ਨੂੰ ਸਿੱਧੇ ਨਿਜ਼ੀ ਹਸਪਤਾਲ 'ਚ ਦਾਖਲ ਕਰਵਾਇਆ ਗਿਆ। ਹਸਪਤਾਲ ਪਹੁੰਚਣ ਤੋਂ ਬਾਅਦ ਕੁਲਾਸੂਰੀਆ ਦਾ ਇਲਾਜ਼ ਕੀਤਾ ਗਿਆ ਤੇ ਬਾਅਦ 'ਚ ਉਸ ਨੂੰ ਹੋਸ਼ ਆ ਗਿਆ ਤੇ ਫਿਰ ਡਾਕਟਰਾਂ ਨੇ ਉਸ ਨੂੰ ਹਸਪਤਾਲ ਤੋਂ ਛੁੱਟੀ ਵੀ ਦੇ ਦਿੱਤੀ।