ਆਸਟਰੇਲੀਆ vs ਪਾਕਿਸਤਾਨ ਵਨ ਡੇ ਸੀਰੀਜ਼ ਦੀ ਟਿਕਟ ਮਿਲੇਗੀ 500 ਰੁਪਏ ''ਚ, 3 ਹਜ਼ਾਰ ''ਚ VVIP
03/23/2022 11:27:59 PM
ਲਾਹੌਰ- ਟੈਸਟ ਸੀਰੀਜ਼ ਤੋਂ ਬਾਅਦ ਪਾਕਿਸਤਾਨ ਅਤੇ ਆਸਟਰੇਲੀਆ ਦੀਆਂ ਟੀਮਾਂ ਵਨ ਡੇ ਸੀਰੀਜ਼ ਦੇ ਲਈ ਆਹਮੋ-ਸਾਹਮਣੇ ਹੋਣਗੀਆਂ। ਅਜਿਹੇ ਵਿਚ ਪਾਕਿਸਤਾਨ ਕ੍ਰਿਕਟ ਬੋਰਡ ਨੇ ਵਨ ਡੇ ਮੈਚਾਂ ਦੇ ਲਈ ਟਿਕਟ ਦੇ ਰੇਟ ਜਾਰੀ ਕਰ ਦਿੱਤੇ ਹਨ। ਇਸ ਵਿਚ ਜਨਰਲ ਤੋਂ ਲੈ ਕੇ ਵੀ. ਵੀ. ਆਈ. ਪੀ. ਦੇ ਲਈ ਤੁਹਾਨੂੰ 500 ਤੋਂ 3000 ਰੁਪਏ ਖਰਚ ਕਰਨ ਦੀ ਜ਼ਰੂਰਤ ਹੋਵੇਗੀ। ਲਾਹੌਰ ਦੇ ਮੈਦਾਨ 'ਤੇ ਜਨਰਲ ਕੈਟੇਗਿਰੀ ਦੇ ਲਈ 8 ਸਟੈਡ ਹਨ ਜੋਕਿ ਹਨੀਮ ਮੁਹੰਮਦ, ਸਈਦ ਅਹਿਮਦ, ਸਾਜ਼ਿਦ ਖਾਨ, ਇਜ਼ਮਾਮ ਉੱਲ ਹੱਕ ਅਤੇ ਜ਼ਹੀਰ ਅੱਬਾਸ ਦੇ ਨਾਂ 'ਤੇ ਹੈ, ਜਿਸ 'ਚ 500 ਰੁਪਏ ਦੇ ਕੇ ਬੈਠਿਆ ਜਾ ਸਕਦਾ ਹੈ।
ਇਹ ਖ਼ਬਰ ਪੜ੍ਹੋ- ICC ਟੈਸਟ ਰੈਂਕਿੰਗ : ਜਡੇਜਾ ਫਿਰ ਤੋਂ ਬਣੇ ਨੰਬਰ 1 ਆਲਰਾਊਂਡਰ, ਵਿਰਾਟ ਆਪਣੇ ਸਥਾਨ 'ਤੇ ਬਰਕਰਾਰ
ਇਸ ਤੋਂ ਬਾਅਦ ਫਸਟ ਕਲਾਸ ਵਿਚ 1000 ਤਾਂ ਪ੍ਰੀਮੀਅਰ 'ਚ 1000 ਤੋਂ 1500 ਰੁਪਏ ਤਾਂ ਵੀ. ਆਈ. ਪੀ. ਸੀਟਾਂ 'ਤੇ 2000 ਰੁਪਏ ਦੇ ਕੇ ਬੈਠਿਆ ਜਾ ਸਕਦਾ ਹੈ। ਸਭ ਤੋਂ ਮਹਿੰਗਾ ਸਟੈਂਡ ਵਸੀਮ ਅਕਰਮ ਅਤੇ ਵਕਾਰ ਯੂਨਿਸ ਦੇ ਨਾਂ 'ਤੇ ਹੈ, ਜਿਸ ਵਿਚ ਵੀ. ਵੀ. ਆਈ. ਪੀ. ਦਾ ਦਰਜਾ ਦਿੱਤਾ ਗਿਆ ਹੈ। ਇੱਥੇ ਬੈਠਣ ਦੇ ਲਈ 3000 ਰੁਪਏ ਖਰਚ ਕਰਨੇ ਹੋਣਗੇ।
ਇਹ ਖ਼ਬਰ ਪੜ੍ਹੋ- PAK v AUS : ਪਾਕਿ 268 ਦੌੜਾਂ 'ਤੇ ਢੇਰ, ਪੈਟ ਕਮਿੰਸ ਨੇ ਬਣਾਇਆ ਇਹ ਰਿਕਾਰਡ
ਦੱਸ ਦੇਈਏ ਕਿ ਵਨ ਡੇ ਸੀਰੀਜ਼ ਦੇ ਤਿੰਨੇ ਮੈਚ ਲਾਹੌਰ ਦੇ ਮੈਦਾਨ 'ਤੇ 29 ਮਾਰਚ ਤੋਂ ਖੇਡੇ ਜਾਣਗੇ। ਇਕਲੌਤਾ ਟੀ-20 ਮੈਚ ਵੀ ਪੰਜ ਅਪ੍ਰੈਲ ਨੂੰ ਇਸੀ ਮੈਦਾਨ 'ਤੇ ਹੋਣਾ ਹੈ। ਦੋਵੇਂ ਟੀਮਾਂ ਇਸ ਸਮੇਂ ਲਾਹੌਰ ਵਿਚ ਹੀ ਤੀਜਾ ਟੈਸਟ ਮੈਚ ਖੇਡ ਰਹੀਆਂ ਹਨ। ਸੀਰੀਜ਼ ਦੇ ਪਹਿਲੇ ਦੋਵੇਂ ਟੈਸਟ ਡਰਾਅ ਹੋ ਚੁੱਕੇ ਹਨ।
ਵਨ ਡੇ ਸੀਰੀਜ਼ ਦੇ ਲਈ ਦੋਵੇਂ ਟੀਮਾਂ-
ਪਾਕਿਸਤਾਨ:- ਬਾਬਰ ਆਜ਼ਮ (ਕਪਤਾਨ), ਅਬਦੁੱਲਾ ਸ਼ਫੀਕ, ਆਸਿਫ ਅਲੀ, ਫਖਰ ਜ਼ਮਾਨ, ਹੈਦਰ ਅਲੀ, ਇਮਾਮ-ਉੱਲ-ਹੱਕ, ਖੁਸ਼ਦਿਲ ਸ਼ਾਹੀ, ਇਫਤਿਖਾਰ ਅਹਿਮਦ, ਸਊਦ ਸ਼ਕੀਲ, ਸ਼ਾਦਾਬ ਖਾਨ, ਮੁਹੰਮਦ ਨਵਾਜ਼, ਮੁਹੰਮਦ ਵਸੀਮ ਜੂਨੀਅਰ, ਆਸਿਫ ਅਫਰੀਦੀ, ਮੁਹੰਮਦ ਹਾਰਿਸ, ਮੁਹੰਮਦ ਰਿਜ਼ਵਾਨ, ਹਾਰਿਸ ਰਊਫ, ਹਸਨ ਅਲੀ, ਸ਼ਾਹੀਨ ਅਫਰੀਦੀ, ਸ਼ਾਹਨਵਾਜ਼ ਦਹਾਨੀ, ਉਸਮਾਨ ਕਾਦਿਰ।
ਆਸਟਰੇਲੀਆ:- ਅਰੋਨ ਫਿੰਚ (ਕਪਤਾਨ), ਸਟੀਵ ਸਮਿਥ, ਟ੍ਰੈਵਿਸ ਹੈੱਡ, ਮਾਰਨਸ ਲਾਬੁਸ਼ੇਨ, ਮਿਸ਼ੇਲ ਮਾਰਸ਼, ਮਾਰਕਸ ਸਟੋਇਨਿਸ, ਸੀਨ ਐਬੋਟ, ਐਸ਼ਟਨ ਐਗਰ, ਕੈਮਰਨ ਗ੍ਰੀਨ, ਅਲੈਕਸ ਕੈਰੀ, ਜੋਸ਼ ਇੰਗਲਿਸ, ਬੇਨ ਮੈਕਡਰਮੋਟ, ਜੇਸਨ ਬੇਹਰਨਡੋਰਫ, ਨਾਥਨ ਐਲਿਸ, ਐਡਮ ਜ਼ੈਂਪਾ, ਬੈਨ ਡਵਾਰਸ਼ੂਇਸ
ਨੋਟ- ਇਸ ਖ਼ਬਰ ਸਬੰਧੀ ਕਮੈਂਟ ਕਰਕੇ ਦਿਓ ਆਪਣੀ ਰਾਏ।