ਆਰਸਨੈੱਲ, ਮਾਨਚੈਸਟਰ, ਰੋਮਾ ਤੇ ਵਿਲਾਰੀਆਲ ਯੂਰੋਪਾ ਲੀਗ ਦੇ ਸੈਮੀਫਾਈਨਲ ’ਚ

ਲੰਡਨ– ਪਿਛਲੇ ਕੁਝ ਸਮੇਂ ਤੋਂ ਖਰਾਬ ਲੈਅ ਵਿਚ ਚੱਲ ਰਹੇ ਆਰਸਨੈੱਲ ਐੱਫ. ਸੀ. ਨੇ ਯੂਰੋਪਾ ਲੀਗ ਫੁੱਟਬਾਲ ਟੂਰਨਾਮੈਂਟ ਦੇ ਕੁਆਰਟਰ ਫਾਈਨਲ ਦੇ ਦੂਜੇ ਗੇੜ ਦੇ ਮੈਚ ਵਿਚ ਸਲਾਵੀਆ ਪਰਾਗ ਨੂੰ 4-0 ਨਾਲ ਹਰਾ ਕੇ ਕੁਲ 5-1 ਦੇ ਨਤੀਜੇ ਨਾਲ ਸੈਮੀਫਾਈਨਲ ਵਿਚ ਜਗ੍ਹਾ ਪੱਕੀ ਕਰ ਲਈ। ਆਰਸਨੈੱਲ ਨੇ ਚੈੱਕ ਗਣਰਾਜ ਦੀ ਟੀਮ ਵਿਰੁੱਧ ਪਹਿਲੇ ਹਾਫ ਵਿਚ 18ਵੇਂ ਤੋਂ 24ਵੇਂ ਮਿੰਟ ਦੇ ਅੰਦਰ 3 ਗੋਲ ਕਰਕੇ ਮੈਚ ਦੀ ਸ਼ਾਨਦਾਰ ਸ਼ੁਰੂਆਤ ਕੀਤੀ। ਉਸ ਨੇ ਮੈਚ ਦੇ 77ਵੇਂ ਮਿੰਟ ਵਿਚ ਆਪਣੀ ਬੜ੍ਹਤ ਨੂੰ 4-0 ਕੀਤਾ। ਦੋਵਾਂ ਟੀਮਾਂ ਵਿਚਾਲੇ ਪਹਿਲੇ ਦੌਰ ਦਾ ਮੁਕਾਬਲਾ 1-1 ਨਾਲ ਬਰਾਬਰੀ ’ਤੇ ਰਿਹਾ ਸੀ। ਸੈਮੀਫਾਈਨਲ ਵਿਚ ਉਸਦਾ ਸਾਹਮਣਾ ਵਿਲਾਰੀਆਲ ਨਾਲ ਹੋਵੇਗਾ। ਵਿਲਾਰੀਆਲ ਨੇ ਡਾਇਨੇਮੋ ਜਗਰੇਬ ਨੂੰ 2-1 ਨਾਲ ਹਰਾਇਆ, ਜਿਸ ਨਾਲ ਦੋ ਦੌਰ ਤੋਂ ਬਾਅਦ ਉਸਦੀ ਕੁਲ ਬੜ੍ਹਤ 3-1 ਦੀ ਹੋ ਗਈ ਹੈ।

ਇਹ ਖ਼ਬਰ ਪੜ੍ਹੋ- ਆਈ. ਪੀ. ਐੱਲ. ਮੈਚ ’ਤੇ ਸੱਟਾ ਲਾਉਂਦੇ 7 ਲੋਕ ਗ੍ਰਿਫਤਾਰ

ਦੂਜਾ ਸੈਮੀਫਾਈਨਲ ਮੁਕਾਬਲਾ ਮਾਨਚੈਸਟਰ ਯੂਨਾਈਟਿਡ ਤੇ ਰੋਮਾ ਵਿਚਾਲੇ ਹੋਵੇਗਾ। ਯੂਨਾਈਟਿਡ ਨੇ ਸਪੇਨ ਦੀ ਟੀਮ ਗ੍ਰਾਨਾਡਾ ਨੂੰ 2-0 ਨਾਲ ਹਰਾ ਕੇ ਕੁਲ 4-0 ਦੀ ਬੜ੍ਹਤ ਦੇ ਨਾਲ ਆਖਰੀ 4 ਵਿਚ ਜਗ੍ਹਾ ਪੱਕੀ ਕੀਤੀ। ਰੋਮਾ ਤੇ ਐਜੇਕਸ ਦਾ ਮੁਕਾਬਲਾ 1-1 ਨਾਲ ਬਰਾਬਰੀ ’ਤੇ ਰਿਹਾ ਸੀ ਪਰ ਰੋਮਾ ਨੇ ਪਹਿਲੇ ਦੌਰ ਦੇ ਮੈਚ ਨੂੰ 2-1 ਨਾਲ ਜਿੱਤਿਆ ਸੀ, ਜਿਸ ਨਾਲ 3-2 ਦੀ ਬੜ੍ਹਤ ਦੇ ਨਾਲ ਉਸ ਨੇ ਸੈਮੀਫਾਈਨਲ ਦੀ ਟਿਕਟ ਕਟਾਈ।

ਨੋਟ- ਇਸ ਖ਼ਬਰ ਸਬੰਧੀ ਕਮੈਂਟ ਕਰਕੇ ਦਿਓ ਆਪਣੀ ਰਾਏ।