ਵਿਰਾਟ ਕੋਹਲੀ ਨੇ 35 ਕਰੋੜ ''ਚ ਖ਼ਰੀਦਿਆ ਅਨੁਸ਼ਕਾ ਲਈ ਇਹ ਘਰ, ਵੇਖੋ ਆਲੀਸ਼ਾਨ ਬੰਗਲੇ ਦੀਆਂ ਤਸਵੀਰਾਂ
11/17/2020 12:56:32 PM
ਜਲੰਧਰ (ਬਿਊਰੋ) — ਬਾਲੀਵੁੱਡ ਅਦਾਕਾਰਾ ਅਨੁਸ਼ਕਾ ਸ਼ਰਮਾ ਤੇ ਵਿਰਾਟ ਕੋਹਲੀ ਦੁਨੀਆ ਦੀਆਂ ਮਸ਼ਹੂਰ ਜੋੜੀਆਂ 'ਚੋਂ ਇਕ ਹੈ। ਵਿਰਾਟ ਕੋਹਲੀ ਨੇ ਖ਼ੇਡ ਜਗਤ ਤੇ ਅਨੁਸ਼ਕਾ ਨੇ ਫ਼ਿਲਮ ਇੰਡਸਟਰੀ 'ਚ ਕਾਫ਼ੀ ਨਾਮ ਕਮਾਇਆ ਹੈ। ਦੋਵੇਂ ਆਪਣੀ ਲਗਜ਼ਰੀ ਲਾਈਫ਼ ਸਟਾਈਲ ਲਈ ਵੀ ਜਾਣੇ ਜਾਂਦੇ ਹਨ। ਆਓ ਦੇਖਦੇ ਹਾਂ ਅਨੁਸ਼ਕਾ ਤੇ ਵਿਰਾਟ ਦੇ ਮੁੰਬਈ ਵਾਲੇ ਆਲੀਸ਼ਾਨ ਘਰ ਦੇ ਅੰਦਰ ਦਾ ਨਜ਼ਾਰਾ :-
ਇਕ-ਦੂਜੇ ਨੂੰ ਲੰਬੇ ਸਮੇਂ ਤੱਕ ਡੇਟ ਕਰਨ ਤੋਂ ਬਾਅਦ ਦੋਵਾਂ ਨੇ ਸਾਲ 2017 'ਚ ਇਟਲੀ 'ਚ ਵਿਆਹ ਕਰਵਾਇਆ ਸੀ, ਜਿਸ 'ਚ ਸਿਰਫ਼ ਉਨ੍ਹਾਂ ਦੇ ਪਰਿਵਾਰਕ ਤੇ ਕੁਝ ਕਰੀਬੀ ਦੋਸਤ ਹੀ ਸ਼ਾਮਲ ਹੋਏ ਸਨ।
ਇਨ੍ਹਾਂ ਦਾ ਵਿਆਹ ਕਾਫ਼ੀ ਸ਼ਾਹੀ ਅੰਦਾਜ਼ ਹੋਇਆ ਸੀ, ਜੋ ਸੋਸ਼ਲ ਮੀਡੀਆ 'ਤੇ ਕਾਫ਼ੀ ਸੁਰਖੀਆਂ ਦਾ ਕਾਰਨ ਬਣਿਆ ਸੀ।
ਵਿਆਹ ਤੋਂ ਬਾਅਦ ਵਿਰਾਟ ਕੋਹਲੀ ਤੇ ਅਨੁਸ਼ਕਾ ਸ਼ਰਮਾ ਆਪਣੇ ਲਗਜ਼ਰੀ ਅਪਾਰਟਮੈਂਟ 'ਚ ਸ਼ਿਫ਼ਟ ਹੋ ਗਏ ਸਨ, ਜਿਸ ਨੂੰ ਉਨ੍ਹਾਂ ਨੇ ਸਾਲ 2016 'ਚ ਖਰੀਦਿਆ ਸੀ। ਵਿਰਾਟ ਦਾ ਇਹ ਘਰ 7,171 ਸਕੇਅਰ ਫੁੱਟ 'ਚ ਫੈਲਿਆ ਹੋਇਆ ਹੈ। ਘਰ 'ਚ ਸੁੱਖ-ਸੁਵਿਧਾ ਦੇ ਸਾਰੇ ਸਾਧਨ ਮੌਜੂਦ ਹਨ।
ਦੱਸ ਦਈਏ ਕਿ ਵਿਰਾਟ ਤੇ ਅਨੁਸ਼ਕਾ ਦਾ ਇਹ ਫਲੈਟ 35ਵੇਂ ਫਲੋਰ 'ਤੇ ਹੈ। ਘਰ ਦੀ ਬਾਲਕਨੀ ਤੋਂ ਅਰਬ ਸਾਗਰ ਦਾ ਖ਼ੂਬਸੂਰਤ ਨਜਾਰਾ ਦਿਸਦਾ ਹੈ। ਘਰ ਦੇ ਅੰਦਰ ਦੀ ਸਜਾਵਟ ਵੀ ਪ੍ਰੋਫੇਸ਼ਨਲ ਤਰੀਕੇ ਨਾਲ ਕਰਵਾਈ ਗਈ ਹੈ। ਇਹ ਫਲੈਟ ਅੰਦਰ ਤੋਂ ਇੰਨਾਂ ਸ਼ਾਨਦਾਰ ਹੈ ਕਿ ਦੇਖਣ 'ਚ ਕਿਸੇ ਫਾਈਵ ਸਟਾਰ ਹੋਟਲ ਰੂਮ ਤਾਂ ਘੱਟ ਨਹੀਂ ਲੱਗਦਾ ਹੈ।
ਦੱਸਣਯੋਗ ਹੈ ਕਿ ਇਸ ਅਪਾਰਟਮੈਂਟ ਦੇ 29ਵੇਂ ਫਲੋਰ 'ਤੇ ਵਿਰਾਟ ਦੇ ਸਾਥੀ ਕ੍ਰਿਕਟਰ ਯੁਵਰਾਜ ਸਿੰਘ ਨੇ ਵੀ ਫਲੈਟ ਖਰੀਦਿਆ ਹੋਇਆ ਹੈ।
ਖ਼ਬਰਾਂ ਦੀ ਮੰਨੀਏ ਤਾਂ ਵਿਰਾਟ ਕੋਹਲੀ ਤੇ ਅਨੁਸ਼ਰਾ ਸ਼ਰਮਾ ਨੇ ਇਹ ਫਲੈਟ 2016 'ਚ ਖਰੀਦਿਆ ਸੀ। ਵਿਰਾਟ ਕੋਹਲੀ ਨੇ ਇਸ ਅਪਾਰਟਮੈਂਟ ਨੂੰ ਲਗਭਗ 35 ਕਰੋੜ ਰੁਪਏ ਦੀ ਕੀਮਤ 'ਚ ਖਰੀਦਿਆ ਸੀ।