ਐਂਥੋਨੀ, ਕਾਨਿਤਕਰ ਬੀ.ਡਬਲਯੂ.ਐੱਫ. ਸੀਨੀਅਰ ਵਿਸ਼ਵ ਚੈਂਪੀਅਨਸ਼ਿਪ ''ਚ ਅੱਗੇ ਵਧੇ

ਕੋਚੀ — ਭਾਰਤ ਦੇ ਜਾਏ ਟੀ ਐਂਥੋਨੀ ਨੇ ਸ਼੍ਰੀਲੰਕਾ ਦੇ ਸੇਨੇਕਾ ਅਤਾਨਾਯਕੇ ਨੂੰ ਹਰਾ ਕੇ ਇੱਥੇ ਬੀ.ਡਬਲਯੂ.ਐੱਫ. ਵਿਸ਼ਵ ਸੀਨੀਅਰ ਬੈਡਮਿੰਟਨ ਚੈਂਪੀਅਨਸ਼ਿਪ ਦੇ ਪੁਰਸ਼ ਸਿੰਗਲਜ਼ ਦੇ ਦੂਸਰੇ ਦੌਰ 'ਚ ਜਗ੍ਹਾ ਬਣਾਈ। ਦੂਸਰੇ ਦਰਜਾ ਐਂਥੋਨੀ ਨੇ 40 ਸਾਲ ਤੋਂ ਜ਼ਿਆਦਾ ਵਰਗ 'ਚ ਸ਼੍ਰੀਲੰਕਾ ਦੇ ਅਤਾਨਾਯਕੇ ਨੂੰ ਸਿਰਫ 16 ਮਿੰਟ 'ਚ 21-6, 21-4 ਨਾਲ ਹਰਾ ਦਿੱਤਾ। ਉਹ ਅਗਲੇ ਦੌਰ 'ਚ ਬੈਲਜੀਅਮ ਦੇ ਜੂਸਟ ਵਾਨ ਡੇਨ ਬ੍ਰਾਂਡੇ ਨਾਲ ਮੁਕਾਬਲਾ ਹੋਵੇਗਾ। ਸਾਬਕਾ ਉਲੰਪੀਅਨ ਨਿਖਿਲ ਕਾਨਿਤਕਰ ਵੀ 35 ਸਾਲ ਤੋਂ ਜ਼ਿਆਦਾ ਵਰਗ ਦੇ ਪੁਰਸ਼ ਸਿੰਗਲਜ਼ ਦੇ ਦੂਸਰੇ ਦੌਰ 'ਚ ਪ੍ਰਵੇਸ਼ ਕਰਨ 'ਚ ਸਫਲ ਰਹੇ।
ਉਨ੍ਹਾਂ ਨੇ ਕੋਨਸਟੇਨਟੀਨ ਮਯਾਕੇਸ਼ਿਵ ਨੂੰ ਸਿੱਧੇ ਸੈੱਟ 'ਚ 24 ਮਿੰਟ 'ਚ 21-5, 23-21 ਨਾਲ ਹਰਾ ਦਿੱਤਾ। ਉਹ ਅਗਲੇ ਦੌਰ 'ਚ ਸਵਿਜ਼ਰਲੈਂਡ ਦੇ ਉਲਿਵਰ ਕੋਲਿਨ ਦੇ ਖਿਲਾਫ ਖੇਡੇਗਾ। ਮਹਿਲਾ ਸਿੰਗਲਜ਼ 'ਚ ਸਵਾਤੀ ਚੌਹਾਨ ਨੇ ਗਰੁੱਪ 'ਸੀ' ਨੇ ਆਪਣੇ ਪਹਿਲੇ ਰਾਊਂਡ ਰੋਬਿਨ ਮੈਚ 'ਚ 35 ਸਾਲ ਤੋਂ ਜ਼ਿਆਦਾ ਵਰਗ 'ਚ ਫਰਾਂਸ ਦੇ ਕੈਰਿਨ ਬਾਰਬੋਤ ਨੂੰ ਹਰਾਇਆ।