ਰੋਨਾਲਡੋ ਦਾ ਗੋਲ, ਅਲ ਨਾਸਰ ਏਸ਼ੀਅਨ ਚੈਂਪੀਅਨਜ਼ ਲੀਗ ਦੇ ਕੁਆਰਟਰ ਫਾਈਨਲ ''ਚ
02/22/2024 6:11:15 PM
ਰਿਆਦ, (ਭਾਸ਼ਾ) : ਸਟਾਰ ਫੁੱਟਬਾਲਰ ਕ੍ਰਿਸਟੀਆਨੋ ਰੋਨਾਲਡੋ ਦੀ ਮਦਦ ਨਾਲ ਅਲ ਨਾਸਰ ਕਲੱਬ ਨੇ ਅਲ ਫਾਹੀਆ ਨੂੰ 3-0 ਨਾਲ ਹਰਾ ਕੇ ਏਸ਼ੀਅਨ ਚੈਂਪੀਅਨਜ਼ ਲੀਗ ਦੇ ਕੁਆਰਟਰ ਫਾਈਨਲ 'ਚ ਪ੍ਰਵੇਸ਼ ਕਰ ਲਿਆ। ਰੋਨਾਲਡੋ ਦੇ ਗੋਲ ਨੇ ਪਹਿਲੇ ਗੇੜ ਵਿੱਚ ਅਲ ਨਾਸਰ ਨੂੰ 1-0 ਨਾਲ ਜਿੱਤ ਦਿਵਾਈ, ਜਦੋਂ ਕਿ ਦੂਜੇ ਗੇੜ ਵਿੱਚ ਉਸਨੇ ਮੈਚ ਖਤਮ ਹੋਣ ਤੋਂ ਚਾਰ ਮਿੰਟ ਪਹਿਲਾਂ ਗੋਲ ਕੀਤਾ। ਅਲ ਨਾਸਰ ਨੇ ਦੂਜੇ ਗੇੜ ਵਿੱਚ ਰੋਨਾਲਡੋ (86ਵੇਂ ਮਿੰਟ) ਅਤੇ ਓਟਾਵੀਓ (17ਵੇਂ ਮਿੰਟ) ਦੇ ਗੋਲਾਂ ਨਾਲ 2-0 ਨਾਲ ਜਿੱਤ ਦਰਜ ਕੀਤੀ। ਹੁਣ ਅਲ ਨਾਸਰ ਦੀ ਨਜ਼ਰ ਆਪਣੇ ਪਹਿਲੇ ਮਹਾਂਦੀਪੀ ਖਿਤਾਬ 'ਤੇ ਹੈ ਅਤੇ ਅਗਲੇ ਮਹੀਨੇ ਕੁਆਰਟਰ ਫਾਈਨਲ 'ਚ ਉਸ ਦਾ ਸਾਹਮਣਾ ਸੰਯੁਕਤ ਅਰਬ ਅਮੀਰਾਤ ਦੇ ਅਲ ਆਇਨ ਕਲੱਬ ਨਾਲ ਹੋਵੇਗਾ।