ਰਗਬੀ ਦੇ ''ਬੈਡ ਬੁਆਏ'' ਮੰਨੇ ਜਾਂਦੇ ਡੈਨੀ ''ਤੇ ਫਿਦਾ ਹੋਈ 8 ਸਾਲ ਵੱਡੀ ਕੈਰੋਲੀਨ
04/03/2019 4:36:36 AM
ਜਲੰਧਰ - ਮਸ਼ਹੂਰ ਟੈਲੀਵਿਜ਼ਨ ਐਂਕਰ ਕੈਰੋਲੀਨ ਫਲੈਕ ਇਨ੍ਹੀਂ ਦਿਨੀਂ ਆਪਣੇ ਤੋਂ 8 ਸਾਲ ਛੋਟੇ ਰਗਬੀ ਖਿਡਾਰੀ ਡੈਨੀ ਸਿਪ੍ਰਿਆਨੀ ਨਾਲ ਨੇੜਤਾ ਵਧਾਉਂਦੇ ਹੋਏ ਦਿਸ ਰਹੀ ਹੈ। ਬੇਤੇ ਦਿਨੀਂ ਕੈਰੋਲੀਨ ਤੇ ਡੈਨੀ ਨੂੰ ਕਾਰ ਵਿਚ ਗੁੱਡ ਬਾਏ ਕਿੱਸ ਦਿੰਦੇ ਹੋਏ ਦੇਖਿਆ ਗਿਆ ਸੀ। ਡੈਨੀ ਨੂੰ ਰਗਬੀ ਖੇਡ ਦਾ 'ਬੈਡ ਬੁਆਏ' ਮੰਨਿਆ ਜਾਂਦਾ ਹੈ। ਉਸ ਦੇ ਕੈਰੋਲੀਨ ਨਾਲ ਜੁੜਦੇ ਰਿਸ਼ਤੇ 'ਤੇ ਇਕ ਸੂਤਰ ਨੇ ਕਿਹਾ ਕਿ ਉਹ ਸਪੱਸ਼ਟ ਤੌਰ 'ਤੇ ਇਕ-ਦੂਜੇ ਦੇ ਨਾਲ ਹਨ। ਉਹ ਸ਼ਾਨਦਾਰ ਹਨ। ਉਨ੍ਹਾਂ ਦੀ ਟਿਊਨਿੰਗ ਬਹੁਤ ਹੀ ਜਲਦੀ ਹੋ ਗਈ।
ਸੂਤਰ ਨੇ ਕਿਹਾ ਕਿ ਭਾਵੇਂ ਹੀ ਰਿਸ਼ਤਿਆਂ ਦੇ ਮਾਮਲੇ ਵਿਚ ਡੈਨੀ 'ਬੈਡ ਬੁਆਏ' ਦੀ ਖਾਸੀਅਤ ਰੱਖਦਾ ਹੈ ਪਰ ਕੈਰੋਲੀਨ ਆਪਣੇ ਤੌਰ 'ਤੇ ਸਪੱਸ਼ਟ ਤੇ ਆਸਵੰਦ ਹੈ ਕਿ ਉਹ ਖੁਦ ਨੂੰ ਸੰਭਾਲ ਲਵੇਗੀ। ਇਕ ਹੋਰ ਸੂਤਰ ਦਾ ਕਹਿਣਾ ਹੈ ਕਿ ਕੈਰੋਲੀਨ ਨੂੰ ਡੈਨੀ ਦੀਆਂ ਸਾਰੀਆਂ ਹਰਕਤਾਂ ਬਾਰੇ ਜਾਣਕਾਰੀ ਹੈ ਪਰ ਉਹ ਮੰਨਦੀ ਹੈ ਕਿ ਇਸ ਉਮਰ ਵਿਚ ਇਹ ਸਭ ਆਮ ਚੀਜ਼ਾਂ ਹਨ।
ਜ਼ਿਕਰਯੋਗ ਹੈ ਕਿ ਡੈਨੀ ਤੇ ਕੈਰੋਲੀਨ ਪਿਛਲੇ ਦਿਨੀਂ ਉਸ ਸਮਰਸੈੱਟ ਹੋਟਲ ਦੇ ਬਾਹਰ ਦੇਖੇ ਗਏ ਸਨ, ਜਿਥੇ ਕੁਝ ਦਿਨ ਪਹਿਲਾਂ ਕੈਟ ਮਾਸ, ਜੇਮਸ ਕੋਰਡਨ, ਜੋਏ ਬਾਲ, ਮਿਲੀ ਮੈਕਨਟੋਸ਼ ਇਕੱਠੇ ਪਾਰਟੀ ਕਰਦੇ ਹੋਏ ਦਿਖਾਈ ਦਿੱਤੇ ਸਨ। ਇਥੇ ਹੀ ਕੈਰੋਲੀਨ ਪਹਿਲਾਂ ਇਕ ਕੁੱਤੇ ਨੂੰ ਘੁਮਾਉਂਦੇ ਹੋਏ ਦੇਖੀ ਗਈ। ਬਾਅਦ 'ਚ ਉਹ ਡੈਨੀ ਤੋਂ ਗੁੱਡ ਬਾਏ ਕਿੱਸ ਲੈ ਕੇ ਕਾਰ ਵਿਚ ਰਵਾਨਾ ਹੋ ਗਈ। ਦੱਸਿਆ ਜਾਂਦਾ ਹੈ ਕਿ ਦੋਵੇਂ ਦੋ ਦਿਨਾਂ ਤੋਂ ਇਸੇ ਹੋਟਲ 'ਚ ਰੁਕੇ ਹੋਏ ਸਨ।