ਨੇਮਾਰ ਸਮੇਤ 5 ਖਿਡਾਰੀਆਂ ਨੂੰ ਮਿਲਿਆ ਰੈੱਡ ਕਾਰਡ, ਮਾਰਸ਼ਲੇ ਨੇ PSG ਨੂੰ ਹਰਾਇਆ
09/14/2020 7:52:13 PM
ਪੈਰਿਸ- ਨੇਮਾਰ ਸਮੇਤ ਪੰਜ ਖਿਡਾਰੀਆਂ ਨੂੰ ਸਟਾਪੇਜ਼ ਟਾਈਮ 'ਚ ਲਾਲ ਕਾਰਡ (ਰੈੱਡ ਕਾਰਡ) ਦਿਖਾਇਆ ਗਿਆ, ਜਿਸ ਨਾਲ ਪੈਰਿਸ ਸੇਂਟ ਜਰਮਨ ਫੁੱਟਬਾਲ ਕਲੱਬ ਨੂੰ ਸਖਤ ਮੁਕਾਬਲੇ 'ਚ ਮਾਰਸ਼ਲੇ ਨੇ ਹਰਾ ਦਿੱਤਾ। ਪੀ. ਐੱਸ. ਜੀ. ਸਟਾਰ ਨੇਮਾਰ ਨੂੰ ਸਿੱਧੇ ਲਾਲ ਕਾਰਡ ਮਿਲਿਆ ਜੋ ਸੇਂਟਰ ਹਾਫ ਅਲਵਾਰੋ ਗੋਂਜਾਲੇਸ ਨਾਲ ਟਕਰਾ ਗਏ ਸਨ। ਮਾਰਸ਼ਲੇ ਨੇ ਇਹ ਮੈਚ 1-0 ਨਾਲ ਜਿੱਤਿਆ। ਬ੍ਰਾਜ਼ੀਲ ਦੇ ਸਟਾਰ ਫੁੱਟਬਾਲਰ ਨੇਮਾਰ ਨੇ ਬਾਅਦ 'ਚ ਅਧਿਕਾਰੀਆਂ ਨੂੰ ਕਿਹਾ ਕਿ ਉਸ 'ਤੇ ਨਸਲਵਾਦੀ ਟਿੱਪਣੀ ਕੀਤੀ ਗਈ ਸੀ। ਪਿਛਲੇ 9 ਸਾਲ 'ਚ ਮਾਰਸ਼ਲੇ ਦੇ ਹੱਥੋਂ ਇਹ ਪੀ. ਐੱਸ. ਜੀ. ਦੀ ਪਹਿਲੀ ਹਾਰ ਹੈ।