ਜਲੰਧਰ ਦੇ ਵਿਦਿਤ ਜੈਨ ਨੇ ਟਾਪ ਸੀਡ ਇਲਮਪਾਰਥੀ ਨੂੰ ਹਰਾ ਕੇ ਕੀਤਾ ਉਲਟਫੇਰ

ਗੁਰੂਗ੍ਰਾਮ (ਨਿਕਲੇਸ਼ ਜੈਨ) - ਅਖਿਲ ਭਾਰਤੀ ਸ਼ਤਰੰਜ ਸੰਘ ਅਤੇ ਹਰਿਆਣਾ ਸ਼ਤਰੰਜ ਸੰਘ ਦੇ ਫੰਡਾਮੈਂਟਲਜ਼ 'ਚ ਸ਼੍ਰੀਧਾਮ ਗਲੋਬਲ ਸਕੂਲ 'ਚ ਆਰੰਭ ਹੋਈ ਰਾਸ਼ਟਰੀ ਅੰਡਰ-9 ਸ਼ਤਰੰਜ ਚੈਂਪੀਅਨਸ਼ਿਪ ਦੇ ਦੂਜੇ ਹੀ ਦਿਨ ਟਾਪ ਸੀਡ ਅਤੇ ਕਈ ਅੰਤਰਰਾਸ਼ਟਰੀ ਤਮਗਾ ਜੇਤੂ ਤਮਿਲਨਾਡੂ ਦੇ ਆਰ. ਇਲਮਪਾਰਥੀ ਉਲਟ ਫੇਰ ਦਾ ਸ਼ਿਕਾਰ ਹੋ ਗਿਆ ਅਤੇ   ਸਰਿਆਂ ਨੂੰ ਹੈਰਾਨ ਕਰਦੇ ਹੋਏ ਉਸ ਨੂੰ ਜਲੰਧਰ ਦੇ ਨਵੋਦਿਤ ਖਿਡਾਰੀ ਵਿਦਿਤ ਜੈਨ ਨੇ ਹਰਾਇਆ। 
ਮੈਚ 'ਚ ਵਿਦਿਤ ਜੈਨ ਸਫੈਦ ਮੋਹਰਾਂ ਨਾਲ ਖੇਡ ਰਿਹਾ ਸੀ। ਉਸ ਨੇ ਰਾਜਾ ਦੇ ਪਿਆਦੇ ਨੂੰ 2 ਘਰ ਅੱਗੇ ਚਲਾਉਂਦੇ ਹੋਏ  ਖੇਡ ਦੀ ਸ਼ੁਰੂਆਤ ਕੀਤੀ। ਜਵਾਬ 'ਚ ਅਨੁਭਵੀ ਇਲਮਪਾਰਥੀ ਨੇ ਸਿਸਿਲੀਅਨ ਓਪਨਿੰਗ 'ਚ ਖੇਡਦੇ ਹੋਏ ਮੈਚ ਨੂੰ ਅੱਗੇ ਵਧਾਇਆ। ਵਿਦਿਤ ਨੇ ਬੇਹਦ ਹੀ ਹਮਲਾਵਰ ਅੰਦਾਜ਼ 'ਚ ਖੇਡ ਦੀ 15ਵੀਂ ਚਾਲ 'ਚ ਉਸ ਨੇ ਰਾਜਾ 'ਤੇ ਜ਼ੋਰਦਾਰ ਹਮਲਾ ਬੋਲ ਦਿੱਤਾ। ਇਕ ਪਾਸੇ ਜਿਥੇ ਵਿਦਿਤ ਦੇ ਵਜ਼ੀਰ ਅਤੇ ਘੋੜੇ ਨੇ ਆਪਣੀ ਸ਼ਾਨਦਾਰ ਹਾਜ਼ਰੀ ਨਾਲ ਖੇਡ 'ਚ ਇਲਮਪਾਰਥੀ ਦੇ ਰਾਜਾ ਨੂੰ ਪ੍ਰੇਸ਼ਾਨੀ 'ਚ ਪਾ ਦਿੱਤਾ ਤਾਂ ਦੂਜੇ ਪਾਸੇ ਇਲਮਪਾਰਥੀ ਦੇ ਮੋਹਰੇ ਹਾਲੇ ਤਕ ਖੇਡ 'ਚ ਓਨਾ ਕੰਟਰੋਲ ਨਹੀਂ ਦਿਖਾ ਪਾ ਰਹੇ ਸਨ। ਉਸ ਦੇ ਪਿਆਦਿਆਂ ਦੀ ਕਮਜ਼ੋਰ ਸਥਿਤੀ ਨੇ ਉਸ ਨੂੰ ਹੋਰ ਪ੍ਰੇਸ਼ਾਨੀ 'ਚ ਪਾ ਰੱਖਿਆ ਸੀ।
29 ਚਾਲਾਂ ਤਕ ਦੋਵੇਂ ਖਿਡਾਰੀ ਹਮਲਾ ਅਤੇ ਬਚਾਅ ਕਰਦੇ ਰਹੇ। ਇਸ ਦੌਰਾਨ ਵਿਦਿਤ ਨੇ ਆਪਣੇ ਘੋੜੇ ਦੀ ਸਥਿਤੀ 'ਚ ਲਗਾਤਾਰ ਬਦਲਾਅ ਬਣਾਈ ਰੱਖਿਆ। ਫਿਲਹਾਲ ਇਸ ਤੋਂ ਬਾਅਦ ਵਿਦਿਤ ਨੇ 30ਵੀਂ ਚਾਲ 'ਚ ਇਲਮਪਾਰਥੀ ਦੇ ਵਜ਼ੀਰ ਨੂੰ ਖੇਡ ਤੋਂ ਬਾਹਰ ਕਰਨ ਦੇ ਪ੍ਰਸਤਾਵ ਨੂੰ ਸਵੀਕਾਰ ਕਰਦੇ ਹੋਏ ਉਸ ਦੇ ਪਿਆਦਿਆਂ ਨੂੰ ਹੋਰ ਖਰਾਬ ਸਥਿਤੀ 'ਚ ਪਹੁੰਚਾ ਦਿੱਤਾ। ਹਾਲਾਂਕਿ ਇਸ ਤੋਂ ਬਾਅਦ ਖੇਡ 'ਚ ਕਈ ਅਜਿਹੇ ਮੌਕੇ ਆਏ ਜਦ ਦੋਵੇਂ ਖਿਡਾਰੀ ਬਿਹਤਰ ਚਾਲ ਚੱਲ ਸਕਦੇ ਸਨ। ਆਖਿਰ 'ਚ ਵਿਦਿਤ ਨੇ 2 ਹਾਥੀ ਅਤੇ ਘੋੜੇ ਨਾਲ ਇਲਮਪਾਰਥੀ ਦੇ ਹਾਥੀ ਅਤੇ ਊਠ ਦੇ ਮੁਕਾਬਲੇ 'ਚ ਆਪਣੀ ਸ੍ਰੇਸ਼ਠਤਾ ਸਿੱਧ ਕਰਦੇ ਹੋਏ 70 ਚਾਲਾਂ 'ਚ ਟਾਪ ਸੀਡ ਤਮਿਲਨਾਡੂ ਦੇ ਇਲਮਪਾਰਥੀ ਨੂੰ ਹਰਾਉਂਦੇ ਹੋਏ ਵੱਡਾ ਉਲਟਫੇਰ ਕੀਤਾ। ਬਾਲਗ ਵਰਗ 'ਚ ਜਲੰਧਰ ਦੇ ਹੀ ਅਯਾਨ ਸੱਭਰਵਾਲ ਅਤੇ ਬਾਲਗ ਵਰਗ 'ਚ ਅਨਹਿਤਾ ਵਰਮਾ ਆਪਣੇ ਦੋਵੇਂ ਮੈਚਾਂ 'ਚ ਜਿੱਤ ਦਰਜ ਕਰਕੇ ਅੱਗੇ ਵਧ ਰਹੇ ਹਨ। 

ਚੋਟੀ ਦੇ 3 ਖਿਡਾਰੀ ਵਿਸ਼ਵ ਚੈਂਪੀਅਨਸ਼ਿਪ 'ਚ ਕਰਨਗੇ ਭਾਰਤ ਦੀ ਅਗਵਾਈ
ਇਸ ਪ੍ਰਤੀਯੋਗਿਤਾ 'ਚ ਭਾਰਤ ਦੇ ਸਾਰੇ ਸੂਬਿਆਂ ਤੋਂ ਕਰੀਬ 350 ਖਿਡਾਰੀ ਭਾਗ ਲੈ ਰਹੇ ਹਨ। ਇਸ 'ਚੋਂ ਚੁਣੇ ਚੋਟੀ ਦੇ 3 ਖਿਡਾਰੀ ਅਗਲੇ ਸਾਲ ਸਪੇਨ ਦੇ ਸੇਂਤੀਯਾਗੋ 'ਚ ਭਾਰਤ ਦੀ ਅਗਵਾਈ ਵਿਸ਼ਵ ਚੈਂਪੀਅਨਸ਼ਿਪ 'ਚ ਕਰਨਗੇ। 11 ਰਾਊਂਡਾਂ ਦੀ ਪ੍ਰਤੀਯੋਗਿਤਾ 'ਚ ਅਜੇ ਸ਼ੁਰੂਆਤੀ 2 ਰਾਊਂਡ ਖੇਡੇ ਗਏ ਹਨ, ਜਦਕਿ 9 ਮੈਚ ਖੇਡੇ ਜਾਣੇ ਬਾਕੀ ਹਨ।


ਹਮਲਾਵਰ ਸ਼ਤਰੰਜ ਖੇਡਣਾ ਪਸੰਦ ਕਰਦੇ ਹਨ ਵਿਦਿਤ : ਕੋਚ ਦਿਨੇਸ਼ ਘੇਰਾ
ਪੰਜਾਬ ਦੇ ਜਲੰਧਰ ਦੇ ਰਹਿਣ ਵਾਲੇ ਵਿਦਿਤ ਜੈਨ ਪਿਛਲੇ 3 ਸਾਲਾਂ ਤੋਂ ਸ਼ਤਰੰਜ ਸਿੱਖ ਰਹੇ ਹਨ ਅਤੇ ਉਹ ਹਮਲਾਵਰ ਸ਼ਤਰੰਜ ਖੇਡਣਾ ਪਸੰਦ ਕਰਦੇ ਹਨ। ਉਨ੍ਹਾਂ ਦੇ ਕੋਚ ਦਿਨੇਸ਼ ਘੇਰਾ ਨੇ ਦੱਸਿਆ ਕਿ ਪਿਛਲੇ ਕੁਝ ਸਮੇਂ ਤੋਂ ਜਦ ਤੋਂ ਜਲੰਧਰ 'ਚ 'ਪੰਜਾਬ ਕੇਸਰੀ' ਗਰੁੱਪ ਵੱਲੋਂ ਸ਼ਤਰੰਜ ਨੂੰ ਬੜ੍ਹਾਵਾ ਦਿੰਦੇ ਹੋਏ ਪ੍ਰਤੀਯੋਗਿਤਾ ਕਰਵਾਈ ਜਾ ਰਹੀ ਹੈ ਉਦੋਂ ਤੋਂ ਬੱਚਿਆਂ ਨੂੰ ਚੰਗੀ ਤਿਆਰੀ ਕਰਨ ਦਾ ਮੌਕਾ ਮਿਲ ਰਿਹਾ ਹੈ।