ਹੋਲੀ ਮਾਰਚ ''ਚ ਪਰ ਯੂ. ਪੀ. ਤੇ ਬਿਹਾਰ ਜਾਣ ਵਾਲੀਆਂ ਟਰੇਨਾਂ ਹੁਣ ਤੋਂ ਹੀ ਫੁੱਲ

ਜਲੰਧਰ (ਗੁਲਸ਼ਨ)— ਹੋਲੀ ਦੇ ਤਿਉਹਾਰ ਨੂੰ ਹਾਲੇ ਕਰੀਬ ਡੇਢ ਮਹੀਨਾ ਬਾਕੀ ਹੈ ਪਰ ਆਪਣੇ ਪਿੰਡ ਜਾ ਕੇ ਪਰਿਵਾਰ ਵਾਲਿਆਂ ਨਾਲ ਤਿਉਹਾਰ ਮਨਾਉਣ ਵਾਲੇ ਪ੍ਰਵਾਸੀ ਲੋਕਾਂ ਨੇ ਹੁਣੇ ਤੋਂ ਹੀ ਤਿਆਰੀ ਸ਼ੁਰੂ ਕਰ ਦਿੱਤੀ ਹੈ। ਇਸ ਵਾਰ 1 ਅਤੇ 2 ਮਾਰਚ ਨੂੰ ਹੋਲੀ ਦਾ ਤਿਉਹਾਰ ਮਨਾਇਆ ਜਾ ਰਿਹਾ ਹੈ। ਇਸ ਤਿਉਹਾਰ ਨੂੰ ਲੈ ਕੇ ਟਰੇਨਾਂ ਹੁਣੇ ਤੋਂ ਫੁੱਲ ਹੋ ਗਈਆਂ ਹਨ। ਯੂ. ਪੀ. ਬਿਹਾਰ ਨੂੰ ਜਾਣ ਵਾਲੀਆਂ ਲਗਭਗ ਸਾਰੀਆਂ ਟਰੇਨਾਂ ਵਿਚ ਹੋਲੀ ਤੱਕ ਕਨਫਰਮ ਸੀਟਾਂ ਨਹੀਂ ਹਨ। ਟਰੇਨਾਂ 'ਚ ਕਨਫਰਮ ਸੀਟ ਨਾ ਹੋਣ ਕਾਰਨ ਤਿਉਹਾਰ ਦੇ ਦਿਨਾਂ 'ਚ ਆਪਣੇ ਪਿੰਡ ਜਾਣ ਵਾਲੇ ਰੇਲ ਯਾਤਰੀਆਂ ਨੂੰ ਪਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪਵੇਗਾ। ਅਜਿਹੇ ਹਾਲਾਤ ਵਿਚ ਯਾਤਰੀਆਂ ਕੋਲ ਤਤਕਾਲ ਬੁਕਿੰਗ ਹੀ ਇਕਮਾਤਰ ਸਹਾਰਾ ਰਹਿ ਜਾਂਦਾ ਹੈ। ਹੋਲੀ ਦੇ ਸੀਜ਼ਨ ਵਿਚ ਤਤਕਾਲ ਬੁਕਿੰਗ ਕਰਵਾਉਣਾ ਵੀ ਆਸਾਨ ਕੰਮ ਨਹੀਂ ਹੈ। ਤਤਕਾਲ ਬੁਕਿੰਗ ਲਈ ਲੰਬੀਆਂ  ਲਾਈਨਾਂ ਵਿਚ ਲੱਗਣਾ ਪੈਂਦਾ ਹੈ। ਜਿਸ ਦੇ ਬਾਵਜੂਦ ਤਤਕਾਲ ਬੁਕਿੰਗ ਦੇ ਸਮੇਂ ਪਹਿਲਾਂ 1-2 ਫਾਰਮ ਨਿਕਲਣ ਦੇ ਬਾਅਦ ਵੀ ਵੇਟਿੰਗ ਸ਼ੁਰੂ ਹੋ ਜਾਂਦੀ ਹੈ। ਵੇਟਿੰਗ ਟਿਕਟ ਹੋਣ ਦੇ ਕਾਰਨ ਲਾਈਨ ਵਿਚ ਖੜ੍ਹੇ ਹੋ ਕੇ ਯਾਤਰੀਆਂ ਨੂੰ ਮਾਯੂਸ ਹੋ ਕੇ ਵਾਪਸ ਮੁੜਨਾ ਪੈਂਦਾ ਹੈ।
ਇਨ੍ਹਾਂ ਟਰੇਨਾਂ 'ਚ ਚੱਲ ਰਹੀ ਵੇਟਿੰਗ

ਫਿਰੋਜ਼ਪੁਰ ਮੰਡਲ ਨੇ ਸਪੈਸ਼ਲ ਟਰੇਨ ਚਲਾਉਣ ਦਾ ਨਹੀਂ ਕੀਤਾ ਐਲਾਨ
ਹੋਲੀ ਦੇ ਮੱਦੇਨਜ਼ਰ ਟਰੇਨਾਂ ਵਿਚ ਵਧਣ ਵਾਲੀ ਭੀੜ ਨੂੰ ਲੈ ਕੇ ਰੇਲਵੇ ਵਿਭਾਗ ਨੇ ਫਿਲਹਾਲ ਫਿਰੋਜ਼ਪੁਰ ਮੰਡਲ ਤੋਂ ਕੋਈ ਵੀ ਵੀ ਸਪੈਸ਼ਲ ਟਰੇਨ ਚਲਾਉਣ ਦਾ ਐਲਾਨ ਨਹੀਂ ਕੀਤਾ ਹੈ। ਅੰਮ੍ਰਿਤਸਰ ਤੋਂ ਵੀ ਕੋਈ ਸਪੈਸ਼ਲ ਟਰੇਨ ਚਲਾਉਣ ਦੀ ਸੂਚਨਾ ਅਜੇ ਤੱਕ ਨਹੀਂ ਹੈ। ਯੂ. ਪੀ. ਜਾਣ ਵਾਲੇ ਸੰਜੇ, ਮੁੰਨਾ ਲਾਲ, ਸੀਤਾ ਰਾਮ ਅਤੇ ਹੋਰ ਰੇਲ ਯਾਤਰੀਆਂ ਨੇ ਕਿਹਾ ਕਿ ਹੋਲੀ ਦੇ ਤਿਉਹਾਰ ਨੂੰ ਦੇਖਦੇ ਹੋਏ ਰੇਲਵੇ ਵਿਭਾਗ ਨੂੰ ਫਿਰੋਜ਼ਪੁਰ ਮੰਡਲ ਤੋਂ ਵੀ ਸਪੈਸ਼ਲ ਟਰੇਨਾਂ ਚਲਾਉਣੀਆਂ ਚਾਹੀਦੀਆਂ ਹਨ ਤਾਂ ਕਿ ਤਿਉਹਾਰ ਮਨਾਉਣ ਆਪਣੇ ਘਰਾਂ ਨੂੰ ਜਾਣ ਵਾਲੇ ਲੋਕਾਂ ਨੂੰ ਪਰੇਸ਼ਾਨੀ ਨਾ ਝੱਲਣੀ ਪਵੇ।