SBI ਵਿਚ ਨਿਕਲਣ ਵਾਲੀਆਂ ਹਨ 2000 ਨੌਕਰੀਆਂ, 25 ਹਜ਼ਾਰ ਰੁਪਏ ਹੋਵੇਗੀ ਤਨਖ਼ਾਹ
07/02/2020 6:55:07 PM
ਨਵੀਂ ਦਿੱਲੀ — ਸਟੇਟ ਬੈਂਕ ਆਫ਼ ਇੰਡੀਆ (ਐਸਬੀਆਈ) ਸਮੂਹ ਨੇ ਫੈਸਲਾ ਕੀਤਾ ਹੈ ਕਿ ਉਹ ਅਗਲੇ 6 ਮਹੀਨਿਆਂ 'ਚ 2000 ਜੂਨੀਅਰ ਤੋਂ ਮਿਡਲ ਪੱਧਰ ਦੇ ਐਗਜ਼ੀਕਿਊਟਿਵਜ਼ ਨੂੰ ਨੌਕਰੀ ਦੇਵੇਗਾ। ਸੂਤਰਾਂ ਮੁਤਾਬਕ ਬੈਂਕ ਪੇਂਡੂ ਖੇਤਰਾਂ 'ਚ ਚੰਗੀ ਗ੍ਰੋਥ ਲਈ ਅਤੇ ਆਪਣਾ ਕਾਰੋਬਾਰ ਵਧਾਉਣ ਲਈ ਅਜਿਹਾ ਕਰ ਰਿਹਾ ਹੈ। ਜ਼ਿਕਰਯੋਗ ਹੈ ਕਿ ਕੋਵਿਡ-19 ਕਾਰਨ ਦੇਸ਼ ਭਰ ਦੇ ਕਾਰੋਬਾਰਾਂ ਦੀ ਆਮਦਨੀ 'ਚ ਕਮੀ ਆਈ ਹੈ।
ਇਸ ਕਾਰਨ ਹੋ ਰਹੀਆਂ ਹਨ ਭਰਤੀਆਂ
ਇਹ ਭਰਤੀਆਂ ਵਿਕਰੀ ਅਤੇ ਕਾਲ ਸੈਂਟਰ ਲਈ ਹੋਣਗੀਆਂ ਤਾਂ ਜੋ ਕੰਪਨੀ ਦੇ ਕ੍ਰੈਡਿਟ ਕਾਰਡ ਦੇ ਕਾਰੋਬਾਰ ਨੂੰ ਵਧਾਇਆ ਜਾ ਸਕੇ। ਇਸ ਲਈ ਪੇਂਡੂ ਅਤੇ ਖੇਤੀਬਾੜੀ ਖੇਤਰਾਂ ਦੇ ਤਜ਼ਰਬੇਕਾਰ ਲੋਕਾਂ ਨੂੰ ਨੌਕਰੀਆਂ ਦਿੱਤੀਆਂ ਜਾਣਗੀਆਂ। ਵਿੱਤੀ ਸਮਾਨਤਾ 'ਤੇ ਕੇਂਦ੍ਰਤ ਕਰਨ ਲਈ ਬੈਂਕ ਨੇ ਇਕ ਵੱਖਰਾ ਵਰਟੀਕਲ ਵੀ ਬਣਾਇਆ ਹੈ, ਜਿਸ ਲਈ ਤਕਰੀਬਨ 400 ਲੋਕਾਂ ਦੀ ਭਰਤੀ ਕੀਤੀ ਜਾਏਗ। ਜ਼ਿਕਰਯੋਗ ਹੈ ਕਿ ਐਸਬੀਆਈ ਕਾਰਡ ਕੁਝ ਮਹੀਨੇ ਪਹਿਲਾਂ ਹੀ ਸਟਾਕ ਮਾਰਕੀਟ ਵਿਚ ਸੂਚੀਬੱਧ ਹੋਇਆ ਹੈ। ਹੁਣ ਬੈਂਕ ਆਪਣੇ ਕਾਰੋਬਾਰ ਨੂੰ ਵਧਾਉਣ ਬਾਰੇ ਸੋਚ ਰਹੇ ਹਨ। ਲਗਭਗ 1500 ਲੋਕਾਂ ਦੀ ਸਿਰਫ ਵਿਕਰੀ ਅਤੇ ਕਾਲ ਸੈਂਟਰਾਂ ਵਿਚ ਭਰਤੀ ਕੀਤੀ ਜਾਵੇਗੀ।
ਇਹ ਵੀ ਪੜ੍ਹੋ- ਕੋਰੋਨਾ 'ਤੇ ਜਿੱਤ ਪ੍ਰਾਪਤ ਕਰਨ ਵਾਲੇ ਮਰੀਜ਼ਾਂ ਨੂੰ ਪੂਰੀ ਜ਼ਿੰਦਗੀ ਰਹਿ ਸਕਦੀਆਂ ਨੇ ਇਹ ਸਿਹਤ ਸਮੱਸਿਆਵਾਂ
ਭਰਤੀ ਕੀਤੇ ਜਾਣ ਵਾਲੇ ਲੋਕਾਂ ਵਿਚੋਂ ਕੁਝ ਜੂਨੀਅਰ ਕਰਮਚਾਰੀ ਹੋਣਗੇ ਅਤੇ ਕੁਝ ਮੱਧ ਪੱਧਰੀ ਹੋਣਗੇ। ਉਨ੍ਹਾਂ ਨੂੰ 15 ਹਜ਼ਾਰ ਤੋਂ ਲੈ ਕੇ 25 ਹਜ਼ਾਰ ਤੱਕ ਦੀ ਤਨਖਾਹ ਦਿੱਤੀ ਜਾਵੇਗੀ। ਪਿਛਲੇ ਸਾਲ ਵੀ ਐਸਬੀਆਈ ਨੇ 2000 ਅਧਿਕਾਰੀ ਅਤੇ ਲਗਭਗ 8000 ਕਲਰਕਾਂ ਦੀ ਭਰਤੀ ਕੀਤੀ ਸੀ।
ਇਹ ਵੀ ਪੜ੍ਹੋ- ਐਪਸ ਬੈਨ 'ਤੇ ਚੀਨ ਦੀ ਧਮਕੀ, ਕਿਹਾ-ਮੋਦੀ ਸਰਕਾਰ ਨੇ ਦਬਾਅ ਕੀਤੇ ਐਪਸ ਬੈਨ