'ਲਵ ਮੈਰਿਜ' ਦੀ ਖ਼ੌਫ਼ਨਾਕ ਸਜ਼ਾ, ਭਰਾਵਾਂ ਨੇ ਭੈਣ ਦਾ ਗਲਾ ਵੱਢ ਕੇ ਕੀਤਾ ਕਤਲ, ਨਹਿਰ 'ਚ ਸੁੱਟੀ 6 ਮਹੀਨੇ ਦੀ ਬੱਚੀ
11/21/2022 5:07:13 PM
ਗੁਰਦਾਸਪੁਰ/ਪਾਕਿਸਤਾਨ (ਵਿਨੋਦ)- ਪਾਕਿਸਤਾਨ ਵਿਖੇ ਇਕ ਕੁੜੀ ਨੂੰ 'ਲਵ ਮੈਰਿਜ' ਕਰਵਾਉਣ ਦੀ ਕੀਮਤ ਆਪਣੀ ਜਾਨ ਦੇ ਕੇ ਚੁਕਾਉਣੀ ਪਈ। ਪਾਕਿਸਤਾਨ ਦੇ ਜ਼ਿਲ੍ਹਾ ਬਟਰਗ੍ਰਾਂਮ ਅਧੀਨ ਚਾਂਜਲ ਪੁਲਸ ਸਟੇਸ਼ਨ ਅਧੀਨ ਪਿੰਡ ਪਿਸ਼ੋਰਾ ’ਚ ਇਕ ਘਰ ਤੋਂ ਬਹੁਤ ਜ਼ਿਆਦਾ ਬਦਬੂ ਆਉਣ ’ਤੇ ਲੋਕਾਂ ਨੇ ਇਸ ਦੀ ਸੂਚਨਾ ਪੁਲਸ ਨੂੰ ਦਿੱਤੀ। ਸੂਤਰਾਂ ਅਨੁਸਾਰ ਪੁਲਸ ਨੇ ਮੌਕੇ ’ਤੇ ਪਹੁੰਚ ਕੇ ਘਰ ਤੋਂ ਇਕ ਕੁੜੀ ਦੀ ਲਾਸ਼ ਬਰਾਮਦ ਕੀਤੀ। ਜਿਸ ਦੀ ਪਛਾਣ ਸਾਂਗਲਾ ਜ਼ਿਲ੍ਹੇ ’ਚ ਚਕੇਸਰ ਵਾਸੀ ਹਰਲੀਨ ਬੀਬੀ ਦੇ ਰੂਪ ਵਿਚ ਹੋਈ। ਕੁੜੀ ਦਾ ਕਤਲ ਗਲਾ ਵੱਢ ਕੇ ਕੀਤਾ ਗਿਆ ਹੈ। ਉਕਤ ਔਰਤ 7 ਦਿਨ ਪਹਿਲਾਂ ਹੀ ਆਪਣੀ ਭੈਣ ਦੇ ਘਰ ਆਪਣੀ 6 ਮਹੀਨੇ ਦੀ ਕੁੜੀ ਦੇ ਨਾਲ ਆਈ ਸੀ।
ਇਹ ਵੀ ਪੜ੍ਹੋ : ਵਿਸ਼ਵ ਪ੍ਰਵਾਸੀਆਂ ’ਚ ਭਾਰਤੀਆਂ ਦੀ ਗਿਣਤੀ ਵਧੀ, ਪਿਛਲੇ 3 ਸਾਲਾਂ 'ਚ 13 ਲੱਖ ਲੋਕਾਂ ਨੇ ਰੁਜ਼ਗਾਰ ਲਈ ਛੱਡਿਆ ਦੇਸ਼
ਪੁਲਸ ਨੇ ਪਹਿਲਾ ਤਾਂ ਸ਼ੱਕ ਦੇ ਆਧਾਰ ’ਤੇ ਔਰਤ ਦੇ ਜੀਜਾ ਅਤੇ ਉਸ ਦੀ ਭੈਣ ਨੂੰ ਹਿਰਾਸਤ ਵਿਚ ਲਿਆ ਪਰ ਜਾਂਚ ਵਿਚ ਪਾਇਆ ਕਿ ਜਿਸ ਦਿਨ ਉਹ ਆਪਣੀ ਭੈਣ ਦੇ ਘਰ ਆਈ ਸੀ, ਉਸੇ ਦਿਨ ਹੀ ਮ੍ਰਿਤਕਾ ਦੀ ਭਾਬੀ ਉਸ ਨੂੰ ਆਪਣੇ ਨਾਲ ਲੈ ਗਈ ਸੀ। ਜਿਸ ’ਤੇ ਪੁਲਸ ਨੇ ਮ੍ਰਿਤਕਾ ਦੀ ਭਾਬੀ ਨੂੰ ਹਿਰਾਸਤ ਵਿਚ ਲੈ ਕੇ ਪੁੱਛਗਿੱਛ ਕੀਤੀ ਤਾਂ ਉਸ ਨੇ ਦੱਸਿਆ ਕਿ ਮ੍ਰਿਤਕਾ ਹਰਲੀਨ ਬੀਬੀ ਨੇ ਲਗਭਗ ਦੋ ਸਾਲ ਪਹਿਲਾਂ ਆਪਣੀ ਮਰਜ਼ੀ ਦੇ ਮੁੰਡੇ ਨਾਲ ਨਿਕਾਹ ਕੀਤਾ ਸੀ ਅਤੇ ਉਸ ਦੇ ਤਿੰਨੇ ਭਰਾ ਇਸ ਨਿਕਾਹ ਖ਼ਿਲਾਫ਼ ਸਨ।
ਨਿਕਾਹ ਤੋਂ ਬਾਅਦ ਹਰਲੀਨ ਬੀਬੀ ਨਾਲ ਸੰਪਰਕ ਨਹੀਂ ਹੋ ਰਿਹਾ ਸੀ। ਹੁਣ ਜਦ ਉਹ ਆਪਣੀ ਭੈਣ ਨੂੰ ਮਿਲਣ ਲਈ ਆਈ ਤਾਂ ਉਹ ਆਪਣੇ ਪਤੀ ਦੇ ਕਹਿਣ ’ਤੇ ਉਸ ਨੂੰ ਆਪਣੇ ਘਰ ਲੈ ਆਈ ਸੀ। ਤਿੰਨਾਂ ਭਰਾਵਾਂ ਨੇ ਹਰਲੀਨ ਦਾ ਕਤਲ ਕਰਕੇ ਇਕ ਖਾਲੀ ਘਰ ਵਿਚ ਉਸ ਦੀ ਲਾਸ਼ ਨੂੰ ਸੁੱਟ ਦਿੱਤਾ ਸੀ ਜਦਕਿ ਉਸ ਦੀ 6 ਮਹੀਨੇ ਦੀ ਬੱਚੀ ਨੂੰ ਨਹਿਰ ਦੇ ਪਾਣੀ ਵਿਚ ਸੁੱਟ ਦਿੱਤਾ। ਪੁਲਸ ਨੇ ਮ੍ਰਿਤਕਾ ਦੇ ਤਿੰਨੋਂ ਭਰਾਵਾਂ ਨੂੰ ਗ੍ਰਿਫ਼ਤਾਰ ਕਰ ਲਿਆ ਅਤੇ ਨਹਿਰ ਤੋਂ ਉਸ ਦੀ ਕੁੜੀ ਦੀ ਲਾਸ਼ ਤਾਲਾਸ਼ ਕੀਤੀ ਜਾ ਰਹੀ ਹੈ। ਮ੍ਰਿਤਕਾ ਦਾ ਪਤੀ ਵੀ ਅਜੇ ਡਰ ਦੇ ਮਾਰੇ ਲੁਕ ਗਿਆ ਹੈ, ਕਿਉਂਕਿ ਉਸ ਨੂੰ ਡਰ ਹੈ ਕਿ ਉਸ ਦਾ ਵੀ ਕਤਲ ਕਰ ਦਿੱਤਾ ਜਾਵੇਗਾ।
ਇਹ ਵੀ ਪੜ੍ਹੋ : ਪਿੰਡ ਦੀ ਫਿਰਨੀ 'ਤੇ ਧੀਆਂ ਨੂੰ ਛੱਡ ਫ਼ਰਾਰ ਹੋਈ ਸੀ ਪਤਨੀ, ਹੁਣ ਪਤੀ ਨੇ ਤਸਵੀਰਾਂ ਵਿਖਾ ਕਰ ਦਿੱਤੇ ਵੱਡੇ ਖ਼ੁਲਾਸੇ
ਨੋਟ - ਇਸ ਖ਼ਬਰ ਸੰਬੰਧੀ ਕੀ ਹੈ ਤੁਹਾਡੀ ਰਾਏ, ਕੁਮੈਂਟ ਕਰਕੇ ਦੱਸੋ।