ਸ਼ੈਲਰ ’ਚ ਪਏ ਬਾਰਦਾਨੇ ਨੂੰ ਲੱਗੀ ਅੱਗ, ਲੱਖਾਂ ਦਾ ਨੁਕਸਾਨ

ਸੰਗਰੂਰ (ਸ਼ਾਮ)- ਤਪਾ-ਢਿੱਲਵਾਂ ਰੋਡ ’ਤੇ ਅੱਜ ਸ਼ਾਮ ਇਕ ਸ਼ੈਲਰ ’ਚ ਪਏ ਬਾਰਦਾਨੇ ਨੂੰ ਭਾਰੀ ਅੱਗ ਲੱਗਣ ਕਾਰਨ ਲੱਖਾਂ ਰੁਪਏ ਦਾ ਨੁਕਸਾਨ ਹੋਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ। ਸ਼੍ਰੀ ਓਮ ਕ੍ਰਿਸ਼ਨਾ ਰਾਈਸ ਮਿੱਲਜ਼ ਦੇ ਮਾਲਕ ਸੁਸ਼ੀਲ ਕੁਮਾਰ ਦਾ ਕਹਿਣਾ ਹੈ ਕਿ ਅੱਜ ਸ਼ਾਮ ਕੋਈ 5 ਵਜੇ ਦੇ ਕਰੀਬ ਉਸ ਨੇ ਮਿਲਿੰਗ ਵਾਲੇ ਰੂਮ ’ਚੋਂ ਧੂੰਆਂ ਨਿਕਲਦਾ ਦੇਖਿਆ ਤਾਂ ਝੋਨੇ ਦੀਆਂ ਖਾਲੀ ਕੀਤੀਆਂ ਬੋਰੀਆਂ ਦੇ ਲੱਗੇ ਵੱਡੇ ਢੇਰ ਨੂੰ ਅੱਗ ਲੱਗੀ ਹੋਈ ਸੀ, ਉਸ ਨੇ ਤੁਰੰਤ ਫਾਇਰ ਬ੍ਰਿਗੇਡ ਨੂੰ ਸੂਚਿਤ ਕੀਤਾ ਤਾਂ ਫਾਇਰ ਬ੍ਰਿਗੇਡ ਦੀ ਗੱਡੀ ਪੁੱਜਦੇ ਹੀ ਅੱਗ ਹੋਰ ਤੇਜ਼ ਹੁੰਦੀ ਰਹੀ ਤਾਂ 2 ਗੱਡੀਆਂ ਨੂੰ ਹੋਰ ਬੁਲਾਇਆ ਗਿਆ। ਸ਼ੈਲਰ ਦੀਆਂ ਛੱਤਾਂ ਚੁੱਕ ਕੇ ਅੱਗ ’ਤੇ ਕਾਬੂ ਪਾਉਣ ਲਈ ਯਤਨ ਤੇਜ਼ ਕਰ ਦਿੱਤੇ ਪਰ ਖਬਰ ਲਿਖੇ ਜਾਣ ਤੱਕ ਅੱਗ ’ਚੋਂ ਧੂਆਂ ਨਿਕਲ ਰਿਹਾ ਸੀ। ਇਸ ਘਟਨਾ ਦਾ ਪਤਾ ਲੱਗਦੈ ਹੀ ਵੱਡੀ ਗਿਣਤੀ ’ਚ ਮੰਡੀ ਨਿਵਾਸੀ ਪਹੁੰਚ ਗਏ ਅਤੇ ਇਸ ਘਟਨਾ ’ਚ ਲੱਖਾਂ ਰੁ. ਦਾ ਨੁਕਸਾਨ ਹੋਣ ਦਾ ਅੰਦਾਜ਼ਾ ਲਾਇਆ ਜਾ ਰਿਹਾ ਹੈ। ਅੱਗ ਲੱਗਣ ਦਾ ਕਾਰਨ ਸ਼ਾਰਟ ਸਰਕਟ ਦੱਸਿਆ ਜਾ ਰਿਹਾ ਹੈ।