ਵਿਦੇਸ਼ੀ ਤਾਕਤਾਂ ਨੇ ਇਸ ਤਰ੍ਹਾਂ ਬਣਾਇਆ ਇਕ ਮਕੈਨਿਕ ਨੂੰ ਅੱਤਵਾਦੀ

ਲੁਧਿਆਣਾ(ਮਹੇਸ਼)-ਪਿੰਡ ਚੂਹੜਵਾਲ ਦਾ ਇਕ ਮਕੈਨਿਕ ਰਮਨਦੀਪ ਸਿੰਘ ਰਮਨਾ ਕੈਨੇਡੀਅਨ ਉਰਫ ਬੁੱਗਾ (27) ਅੱਜ ਖਤਰਨਾਕ ਅੱਤਵਾਦੀ ਬਣ ਚੁੱਕਾ ਹੈ ਅਤੇ ਨੈਸ਼ਨਲ ਇਨਵੈਸਟੀਗੇਸ਼ਨ ਏਜੰਸੀ ਦੀ ਗ੍ਰਿਫਤ ਵਿਚ ਹੈ, ਜਿਸ 'ਤੇ ਪੰਜਾਬ 'ਚ ਪਿਛਲੇ 2 ਸਾਲਾਂ 'ਚ ਹੋਈ ਟਾਰਗੈੱਟ ਕਿਲਿੰਗ 'ਚ ਸ਼ਮੂਲੀਅਤ ਦੇ ਦੋਸ਼ ਵਿਚ ਅਤੇ ਉਹ ਇਸ ਸਭ ਦੇ ਲਈ ਦੁਬਈ ਤੋਂ ਟਰੇਨਿੰਗ ਵੀ ਲੈ ਚੁੱਕਿਆ ਹੈ, ਜਿੱਥੇ ਉਸ ਨੇ ਹਥਿਆਰ ਚਲਾਉਣਾ ਅਤੇ ਰੇਕੀ ਕਰਨਾ ਸਿਖਿਆ। ਇਸ ਮਾਮੂਲੀ ਮਕੈਨਿਕ ਦੇ ਅੱਤਵਾਦੀ ਬਣਨ ਦੀ ਕਹਾਣੀ ਬਹੁਤ ਰੌਚਕ ਹੈ। ਇਕ ਸੀਨੀਅਰ ਅਧਿਕਾਰੀ ਅਨੁਸਾਰ ਰਮਨਦੀਪ ਦਾ ਜਨਮ 20 ਅਕਤੂਬਰ 1989 ਨੂੰ ਰਾਜਪੂਤ ਪਰਿਵਾਰ 'ਚ ਹੋਇਆ। ਰਮਨਦੀਪ ਨੇ ਆਪਣੀ ਪਹਿਲੀ ਸਿੱਖਿਆ ਪਿੰਡ ਦੇ ਸਰਕਾਰੀ ਸਕੂਲ ਤੋਂ ਹਾਸਲ ਕੀਤੀ। 5ਵੀਂ ਤੋਂ ਬਾਅਦ ਉਸ ਨੇ 10ਵੀਂ ਤੱਕ ਦੀ ਸਿੱਖਿਆ ਪਿੰਡ ਮਾਂਗਟ ਦੇ ਸਰਕਾਰੀ ਸਕੂਲ 'ਚ ਪ੍ਰਾਪਤ ਕੀਤੀ। 2005 ਤੋਂ 2007 ਤੱਕ ਰਾੜਾ ਸਾਹਿਬ ਗੁਰਦੁਆਰਾ 'ਚ ਉਸ ਨੇ ਗੁਰਬਾਣੀ ਦਾ ਪਾਠ ਸਿਖਿਆ। ਇਸ ਦੇ ਬਾਅਦ ਉਸ ਨੇ ਭਾਈ ਬਾਲਾ ਚੌਕ ਨੇੜੇ ਏ. ਟੀ. ਡੀ. ਸੀ. ਸਿਲਾਈ ਮਸ਼ੀਨਾਂ ਦਾ ਕੰਮ ਸਿਖਿਆ। ਇਸ ਤੋਂ ਬਾਅਦ ਉਸ ਨੇ ਸ਼ਹਿਰ ਦੀਆਂ ਨਾਮੀ ਫਰਮਾਂ 'ਚ ਬਤੌਰ ਮਕੈਨਿਕ ਦੀ ਨੌਕਰੀ ਵੀ ਕੀਤੀ, ਜਿਥੇ ਉਹ ਦਿਹਾੜੀ ਦਾ 1000 ਰੁਪਏ ਤੋਂ ਜ਼ਿਆਦਾ ਕਮਾ ਲਿਆ ਕਰਦਾ ਸੀ। ਅਕਤੂਬਰ 2014 ਵਿਚ ਫੇਸਬੁੱਕ 'ਤੇ ਤਰਨਤਾਰਨ, ਜੋਧਪੁਰ 'ਚ ਗੁਰੂ ਗ੍ਰੰਥ ਸਾਹਿਬ ਦੇ ਪਾਵਨ ਸਰੂਪਾਂ ਨੂੰ ਅਗਨੀਭੇਟ ਕੀਤੇ ਜਾਣ ਅਤੇ ਸਿੱਖਾਂ 'ਚ ਹੋਈ ਝੜਪ ਦੇ ਬਾਰੇ ਪਤਾ ਲੱਗਾ। ਤਦ ਉਸ ਦਾ ਖੂਨ ਖੋਲ੍ਹ ਉੱਠਿਆ। ਤਦ ਉਹ ਰਣਜੀਤ ਸਿੰਘ ਢੱਡਰੀਆਂ ਵਾਲੇ ਦੇ ਸੰਮੇਲਨ 'ਚ ਜਾਇਆ ਕਰਦਾ ਸੀ। ਨਵੰਬਰ 2014 'ਚ ਲੁਧਿਆਣਾ ਦੇ ਦਾਣਾ ਮੰਡੀ ਸਥਿਤ ਸੰਤ ਢੱਡਰੀਆਂ ਵਾਲਾ ਦੇ ਹੋਏ ਸੰਮੇਲਨ 'ਚ ਉਹ ਆਪਣੇ ਚਾਚੇ ਦੇ ਬੇਟੇ ਗੋਪੀ ਨਾਲ ਗਿਆ, ਜਿਥੇ ਉਨ੍ਹਾਂ ਦੇ ਪ੍ਰਵਚਨਾਂ ਤੋਂ ਪ੍ਰਭਾਵਿਤ ਹੋਇਆ। 
ਸ਼ਿਵ ਸੈਨਾ ਅਮਿਤ ਅਰੋੜਾ 'ਤੇ ਅਸਫਲ ਹਮਲੇ ਨੂੰ ਲੈ ਕੇ ਰਮਨਦੀਪ ਤੋਂ ਖਫਾ ਹੋ ਗਿਆ ਸੀ ਬਾਈ
ਅਧਿਕਾਰੀ ਨੇ ਦੱਸਿਆ ਕਿ ਇਸ ਦੇ ਬਾਅਦ ਰਮਨਦੀਪ ਨੂੰ ਸ਼ਿਵ ਸੈਨਾ ਦੇ 2 ਟਾਰਗੈੱਟ ਦਿੱਤੇ ਗਏ, ਜਿਸ ਵਿਚ ਆਰ. ਪੀ. ਪੁਰੀ ਅਤੇ ਅਮਿਤ ਅਰੋੜਾ ਸਨ। ਰਮਨਦੀਪ ਨੇ ਦੋਵਾਂ ਦੀ ਰੇਕੀ ਕੀਤੀ ਪਰ ਅਮਿਤ ਅਰੋੜਾ ਉਸ ਨੂੰ ਸਾਫਟ ਟਾਰਗੈੱਟ ਲੱਗਿਆ। 3 ਫਰਵਰੀ ਦੀ ਸ਼ਾਮ ਨੂੰ ਵਾਰਦਾਤ ਨੂੰ ਅੰਜਾਮ ਦੇਣ ਤੋਂ ਪਹਿਲਾਂ ਰਮਨਦੀਪ ਨੇ 3 ਦਿਨਾਂ ਤੱਕ ਉਸ ਦਾ ਪਿੱਛਾ ਕਰ ਕੇ ਰੇਕੀ ਕੀਤੀ। ਵਾਰਦਾਤ ਨੂੰ ਅੰਜਾਮ ਦੇਣ ਲਈ ਪਵੇਲੀਅਨ ਦੇ ਬਾਹਰ ਤੋਂ ਇਕ ਬਾਈਕ ਚੋਰੀ ਕੀਤੀ ਗਈ। 2 ਵਾਰ ਉਹ ਹਮਲਾ ਕਰਨ 'ਚ ਅਸਫਲ ਵੀ ਹੋਇਆ ਪਰ ਰਮਨਦੀਪ ਅਤੇ ਸ਼ੇਰਾ ਨੂੰ ਉਸ ਸਮੇਂ ਮੌਕਾ ਮਿਲ ਗਿਆ ਜਦ ਅਮਿਤ ਆਪਣੇ ਗੰਨਮੈਨ ਤੇ ਡਰਾਈਵਰ ਦੇ ਨਾਲ ਸੂਪ ਪੀਣ ਲਈ ਇਕ ਰੇਹੜੀ 'ਤੇ ਰੁਕਿਆ। ਰਮਨਦੀਪ ਨੂੰ ਅਮਿਤ ਦੀ ਕਾਲੇ ਰੰਗ ਦੀ ਗੱਡੀ ਅਤੇ ਨੰਬਰ ਦੀ ਪਛਾਣ ਸੀ।
ਰਮਨਦੀਪ ਨੇ ਜਦ ਅਮਿਤ 'ਤੇ ਗੋਲੀ ਚਲਾਈ ਤਾਂ ਉਹ ਸੂਪ ਪੀ ਰਿਹਾ ਸੀ ਤੇ ਕਾਰ ਦੇ ਦਰਵਾਜ਼ੇ ਦਾ ਅੱਧਾ ਸ਼ੀਸ਼ਾ ਖੁੱਲ੍ਹਿਆ ਹੋਇਆ ਸੀ। ਅਮਿਤ ਦੀ ਕਿਸਮਤ ਚੰਗੀ ਰਹੀ ਕਿ ਸਟਾਰਟ ਬਾਈਕ ਦਾ ਅਚਾਨਕ ਕਲੱਚ ਛੁੱਟ ਗਿਆ ਅਤੇ ਰਮਨਦੀਪ ਦਾ ਨਿਸ਼ਾਨਾ ਖੁੰਝ ਗਿਆ। ਗੋਲੀ ਸਿਰ 'ਚ ਲੱਗਣ ਦੀ ਬਜਾਏ ਉਸ ਦੀ ਗਰਦਨ ਨੂੰ ਚੀਰਦੀ ਹੋਈ ਨਿਕਲ ਗਈ। ਰੌਲਾ ਪੈਣ ਕਾਰਨ ਦੋਵਾਂ ਨੂੰ ਮੌਕੇ 'ਤੇ ਭੱਜਣਾ ਪਿਆ, ਤਾਜਪੁਰ ਦੇ ਕੋਲ ਪਹੁੰਚੇ ਤੇ ਰਮਨਦੀਪ ਬਾਈਕ ਤੋਂ ਉਤਰ ਗਿਆ ਤੇ ਉਸ ਨੇ ਪਿਸਟਲ ਗੰਦੇ ਨਾਲੇ ਦੇ ਨੇੜੇ ਜ਼ਮੀਨ 'ਚ ਦਬਾ ਦਿੱਤੀ ਅਤੇ ਉਥੋਂ ਵੱਖ-ਵੱਖ ਲੋਕਾਂ ਤੋਂ ਲਿਫਟ ਲੈਂਦਾ ਹੋਇਆ ਰਾਤ 10 ਵਜੇ ਦੇ ਕਰੀਬ ਆਪਣੇ ਘਰ ਪਹੁੰਚ ਗਿਆ। ਇਸ ਨਾਕਾਮ ਹਮਲੇ ਕਾਰਨ ਬਾਈ ਰਮਨਦੀਪ ਸਿੰਘ ਤੋਂ ਖਫਾ ਹੋ ਗਿਆ ਸੀ ਅਤੇ ਖਰੀਆਂ-ਖੋਟੀਆਂ ਵੀ ਸੁਣਾਈਆਂ ਸੀ ਕਿ ਕਦ ਤੱਕ ਫੁਕਰੀਆਂ ਮਾਰਦੇ ਰਹਿਣਗੇ।
ਇਥੋਂ ਆਇਆ ਉਹ ਵਿਦੇਸ਼ੀ ਤਾਕਤਾਂ ਦੀ ਨਜ਼ਰ 'ਚ
ਜਿਸ ਦੇ ਬਾਅਦ ਉਸ ਨੇ ਆਪਣੀ ਫੇਸਬੁੱਕ ਆਈ ਡੀ 'ਤੇ ਭਿੰਡਰਾਂਵਾਲੇ ਦੇ ਪੋਸਟਰ ਅਪਲੋਡ ਕਰਨੇ ਸ਼ੁਰੂ ਕਰ ਦਿੱਤੇ ਅਤੇ ਇਕ ਵਿਸ਼ੇਸ਼ ਧਾਰਮਕ ਭਾਈਚਾਰੇ ਦੇ ਖਿਲਾਫ ਕੁਮੈਂਟ ਕਰਨੇ ਸ਼ੁਰੂ ਕਰ ਦਿੱਤੇ। ਇਥੋਂ ਜ਼ਿੰਦਗੀ 'ਚ ਬਦਲਾਅ ਆ ਗਿਆ ਅਤੇ ਵਿਦੇਸ਼ੀ ਤਾਕਤਾਂ ਦੀ ਨਜ਼ਰ ਉਸ 'ਤੇ ਪੈ ਗਈ। ਫੇਸਬੁੱਕ 'ਤੇ ਜਗਤਾਰ ਸਿੰਘ ਤੂਫਾਨੀ ਨਾਮਕ ਆਈ. ਡੀ. ਤੋਂ ਉਸ ਨੂੰ ਕੱਟੜਪੰਥੀ ਦੇ ਮੈਸੇਜ ਆਉਣੇ ਸ਼ੁਰੂ ਹੋ ਗਏ। ਮੈਸੰਜਰ 'ਚ ਇਨ੍ਹਾਂ ਦੀ ਆਪਸੀ ਗੱਲਬਾਤ ਵੀ ਹੋਈ ਤੇ ਉਸ ਨੂੰ ਸਿੱਖ ਕੌਮ ਲਈ ਕੁਝ ਕਰ ਗੁਜ਼ਰਨ ਦੇ ਲਈ ਉਸ ਦਾ ਮਾਈਂਡ ਵਾਸ਼ ਕੀਤਾ ਗਿਆ। ਉਹ ਕੁੱਝ ਵੀ ਕਰ ਗੁਜ਼ਰਨ ਦੇ ਲਈ ਤਿਆਰ ਹੋ ਗਿਆ। 
ਦੁਬਈ 'ਚ ਦਿੱਤੀ ਗਈ ਹਥਿਆਰ ਚਲਾਉਣ ਤੇ ਰੇਕੀ ਕਰਨ ਦੀ ਟਰੇਨਿੰਗ
ਅਧਿਕਾਰੀ ਨੇ ਦੱਸਿਆ ਕਿ ਦੁਬਈ ਪਹੁੰਚਣ 'ਤੇ ਉਸ ਦੇ ਰਹਿਣ ਦੀ ਪਹਿਲਾਂ ਤੋਂ ਹੀ ਇਕ ਹੋਟਲ 'ਚ ਵਿਵਸਥਾ ਕੀਤੀ ਗਈ ਸੀ। ਪੀਲੇ ਰੰਗ ਦਾ ਪਟਕਾ ਪਹਿਨ ਕੇ ਉਹ ਦਿਨ ਭਰ ਇਧਰ-ਓਧਰ ਘੁੰਮਦਾ ਰਿਹਾ ਪਰ ਉਸ ਨੂੰ ਕੋਈ ਨਹੀਂ ਮਿਲਿਆ। ਫਿਰ ਅੱਧੀ ਰਾਤ ਨੂੰ ਉਸ ਨੂੰ ਹੋਟਲ ਦੇ ਲੈਂਡ ਦੇ ਇਕ ਵਿਅਕਤੀ ਨੇ ਫੋਨ 'ਤੇ ਸੰਪਰਕ ਕੀਤਾ ਤੇ ਉਸ ਕੋਲ ਆਇਆ, ਜਿਸ ਨੇ 1984 'ਚ ਹੋਏ ਦਿੱਲੀ ਦੇ ਦੰਗਿਆਂ ਤੇ ਹਰਿਮੰਦਰ ਸਾਹਿਬ 'ਤੇ ਹੋਏ ਅਟੈਕ ਨੂੰ ਤਾਜ਼ਾ ਕਰ ਕੇ ਉਸ ਦਾ ਮਾਈਂਡ ਪੂਰੀ ਤਰ੍ਹਾਂ ਵਾਸ਼ ਕਰ ਦਿੱਤਾ। ਉਥੇ ਉਸ ਨੂੰ ਪਹਿਲਾਂ ਰੇਕੀ ਕਰਨ ਦੀ ਟਰੇਨਿੰਗ ਦਿੱਤੀ ਗਈ, ਜਿਸ ਲਈ ਉਸ ਨੂੰ ਟਾਈਗਰ, ਬੇਬੀ, ਫੈਂਟਸ ਅਤੇ ਅੰਗਰੇਜ਼ੀ ਜਾਸੂਸੀ 'ਤੇ ਆਧਾਰਿਤ ਫਿਲਮਾਂ ਦਿਖਾਈਆਂ ਗਈਆਂ। ਰੇਕੀ ਕਰਦੇ ਸਮੇਂ ਉਸ ਨੂੰ ਸਿਖਾਇਆ ਗਿਆ ਕਿ ਬਾਈਕ ਦੀ ਨੰਬਰ ਪਲੇਟ ਇਸ ਤਰ੍ਹਾਂ ਦੀ ਹੋਣੀ ਚਾਹੀਦੀ ਹੈ, ਜਿਸ ਤੋਂ ਨੰਬਰ ਨਾ ਪੜ੍ਹਿਆ ਜਾ ਸਕੇ। ਉਸ ਨੂੰ ਬ੍ਰਾਂਡਿਡ ਕੱਪੜੇ ਪਹਿਨ ਕੇ ਰੇਕੀ ਕਰਨ ਤੋਂ ਵੀ ਸਖ਼ਤ ਤੌਰ 'ਤੇ ਮਨ੍ਹਾ ਕੀਤਾ ਗਿਆ।
ਨਿਸ਼ਾਨਾ ਖੁੰਝ ਜਾਣ 'ਤੇ ਵੀ ਖੁਸ਼ ਸੀ ਬਾਈ 
ਅਧਿਕਾਰੀ ਨੇ ਦੱਸਿਆ ਕਿ 18 ਜਨਵਰੀ ਦੀ ਸਵੇਰ ਕਰੀਬ 6.30 ਵਜੇ ਰਮਨਦੀਪ ਅਤੇ ਸ਼ੇਰਾ ਬਿਨਾਂ ਨੰਬਰ ਦੀ ਬਾਈਕ 'ਤੇ ਸਵਾਰ ਹੋ ਕੇ ਨਿਊ ਕਿਦਵਈ ਨਗਰ ਦੇ ਸ਼ਹੀਦੀ ਪਾਰਕ 'ਚ ਪਹੁੰਚੇ ਜਿੱਥੇ ਰਮਨਜੀਤ ਨੇ ਜਨਕਪੁਰੀ ਸ਼ਾਖਾ ਦੇ ਮੁੱਖ ਸਿੱਖਿਅਕ ਨਰੇਸ਼ ਕੁਮਾਰ 'ਤੇ ਗੋਲੀ ਚਲਾਈ ਪਰ ਨਿਸ਼ਾਨਾ ਖੁੰਝ ਜਾਣ ਦੇ ਕਾਰਨ ਨਰੇਸ਼ ਬਚ ਗਿਆ। ਜਦ ਉਸ ਨੇ ਦੂਜੀ ਗੋਲੀ ਚਲਾਉਣ ਦੀ ਕੋਸ਼ਿਸ਼ ਕੀਤੀ ਤਾਂ ਪਿਸਟਲ ਨਹੀਂ ਚੱਲਿਆ ਗੋਲੀ ਫਸ ਗਈ, ਜਿਸ ਕਾਰਨ ਮਜਬੂਰ ਹੋ ਕੇ ਦੋਵੇਂ ਉਥੋ ਭੱਜ ਨਿਕਲੇ। 
ਉਥੋਂ ਫਰਾਰ ਹੋਣ ਦੇ ਬਾਅਦ ਦੋਵੇਂ ਚੀਮਾ ਚੌਕ ਪਹੁੰਚੇ, ਜਿਥੇ ਰਮਨਦੀਪ ਬਾਈਕ ਤੋਂ ਉਤਰ ਗਿਆ ਅਤੇ ਢੋਲੇਵਾਲ ਤੋਂ ਬੱਸ ਫੜ ਕੇ ਖੰਨਾ ਪਹੁੰਚ ਗਿਆ, ਜਦਕਿ ਉਸ ਦਾ ਸਾਥੀ ਸ਼ੇਰਾ ਚੀਮਾ ਚਲਾ ਗਿਆ। ਬਾਅਦ 'ਚ ਰਮਨਜੀਤ ਵੱਖ-ਵੱਖ ਲੋਕਾਂ ਤੋਂ ਲਿਫਟ ਲੈਂਦਾ ਹੋਇਆ ਆਪਣੇ ਪਿੰਡ ਪਹੁੰਚ ਗਿਆ। ਇਸ ਹਮਲੇ ਦੌਰਾਨ ਦੋਵਾਂ ਨੇ ਕਿਸੇ ਨੂੰ ਵੀ ਆਪਣੀ ਪਛਾਣ ਨਹੀਂ ਹੋਣ ਦਿੱਤੀ। ਹਾਲਾਂਕਿ ਇਸ ਮਾਮਲੇ 'ਚ ਰਮਨਜੀਤ ਅਤੇ ਸ਼ੇਰਾ ਬੁਰੀ ਤਰ੍ਹਾਂ ਅਸਫਲ ਹੋਏ ਸਨ ਪਰ ਬਾਵਜੂਦ ਇਸ ਦੇ ਉਸ ਦਾ ਬਾਈ ਖੁਸ਼ ਸੀ ਅਤੇ ਉਸ ਦੀ ਹੌਸਲਾ ਅਫਜ਼ਾਈ ਕਰਦਾ ਰਿਹਾ। ਵਾਰਦਾਤ ਨੂੰ ਅੰਜਾਮ ਦੇਣ ਤੋਂ ਪਹਿਲਾਂ ਦੋਵੇਂ ਇਕ ਗੁਰਦੁਆਰੇ ਕੋਲ ਸਵੇਰੇ ਕਰੀਬ 5.30 ਵਜੇ ਮਿਲੇ ਸਨ।
ਦੁਬਈ ਦਾ ਲਵਾਇਆ ਵਿਜ਼ਿਟਰ ਵੀਜ਼ਾ
ਪਾਸਪੋਰਟ ਬਣਨ ਲਈ ਰਮਨਦੀਪ ਨੂੰ ਆਕਾ, ਜਿਸ ਨੂੰ ਉਹ ਬਾਈ ਕਹਿੰਦਾ ਸੀ, ਨੇ ਵਿਦੇਸ਼ ਭੇਜਣ ਵਾਲੇ ਏਜੰਟ ਤੋਂ ਦੁਬਈ ਜਾਂ ਫਿਲੀਪੀਨ ਦਾ ਵਿਜ਼ਿਟਰ ਵਿਜ਼ਾ ਲਾਉਣ ਨੂੰ ਕਿਹਾ। ਇਸ ਲਈ ਬਕਾਇਦਾ ਉਸ ਨੂੰ 60000 ਰੁਪਏ ਦੀ ਰਾਸ਼ੀ ਦਿੱਤੀ ਗਈ, ਜੋ ਉਸ ਨੂੰ ਜਗਰਾਓਂ ਦੇ ਰਾਏਕੋਟ ਸਥਿਤ ਇਕ ਗੁਰਦੁਆਰਾ ਸਾਹਿਬ ਕੋਲ ਇਕ ਕਲੀਨ ਸ਼ੇਵ ਅਣਜਾਣ ਵਿਅਕਤੀ ਦੇ ਕੇ ਗਿਆ। ਦੁਬਈ ਦਾ ਵੀਜ਼ਾ ਲੱਗਣ ਦੇ ਬਾਅਦ ਉਹ ਫਰਵਰੀ 2015 ਵਿਚ ਦੁਬਈ ਚਲਾ ਗਿਆ। 
ਤਤਕਾਲ 'ਚ ਬਣਾਇਆ ਪਾਸਪੋਰਟ 
ਫੇਸਬੁੱਕ 'ਤੇ ਹੋਈ ਗੱਲਬਾਤ 'ਚ ਰਮਨਦੀਪ ਨੂੰ ਜਨਵਰੀ 2015 ਨੂੰ ਤਤਕਾਲ ਪ੍ਰਭਾਵ ਤੋਂ ਪਾਸਪੋਰਟ ਬਣਵਾਉਣ ਦਾ ਆਦੇਸ਼ ਦਿੱਤਾ ਗਿਆ, ਜਿਸ ਦੇ ਲਈ ਉਸ ਨੂੰ ਬਕਾਇਦਾ 10000 ਰੁਪਏ ਵੀ ਮੁਹੱਈਆ ਕਰਵਾਏ ਗਏ। ਇਸ ਦੀ ਰਾਸ਼ੀ ਦੀ ਪਹਿਲਾਂ ਪਟਿਆਲਾ ਅਤੇ ਫਿਰ ਜਲੰਧਰ ਲੱਕੀ ਡਾਬਾ ਦੇ ਨੇੜੇ ਇਕ ਗੁਰਦੁਆਰਾ ਕੋਲ ਬੁਲਾਇਆ ਗਿਆ, ਜਿੱਥੇ ਉਸ ਨੂੰ ਇਕ ਵਿਅਕਤੀ ਪੈਕੇਟ ਫੜਾ ਗਿਆ, ਜਿਸ ਵਿਚ 10000 ਰੁਪਏ ਸਨ। ਉਸ ਨੇ ਇਕ ਪ੍ਰਾਈਵੇਟ ਏਜੰਟ ਨੂੰ 7500 ਰੁਪਏ ਦੇ ਕੇ ਤਤਕਾਲ 'ਚ ਪਾਸਪੋਰਟ ਬਣਵਾਇਆ ਅਤੇ ਚੰਡੀਗੜ੍ਹ ਫੋਟੋ ਖਿਚਵਾਉਣ ਲਈ ਗਿਆ। ਕੁੱਝ ਦਿਨ ਬਾਅਦ ਜਦ ਪਾਸਪੋਰਟ ਬਣ ਕੇ ਆਇਆ ਤਾਂ ਉਸ ਨੇ ਇਹ ਜਾਣਕਾਰੀ ਫੇਸਬੁੱਕ 'ਤੇ ਜਗਤਾਰ ਸਿੰਘ ਤੂਫਾਨ ਨੂੰ ਦਿੱਤੀ। 
60,000 ਰੁਪਏ ਦੇ ਕੇ ਖਤਰਨਾਕ ਗੈਂਗਸਟਰ ਗੁਗਨੀ ਦੇ ਮੈਨੇਜਰ ਤੋਂ ਖਰੀਦਿਆ 9 ਐੱਮ. ਐੱਮ. ਦਾ ਪਿਸਟਲ ਤੇ 10 ਕਾਰਤੂਸ 
ਅਧਿਕਾਰੀ ਨੇ ਦੱਸਿਆ ਕਿ ਰੇਕੀ ਕਰਨ ਦੇ ਬਾਅਦ ਵਾਰਦਾਤ ਨੂੰ ਅੰਜਾਮ ਦੇਣ ਲਈ ਰਮਨਦੀਪ ਨੂੰ ਹਥਿਆਰ ਦੀ ਲੋੜ ਸੀ, ਜਿਸ ਲਈ ਉਸ ਨੂੰ ਪੈਸਾ ਵੀ ਚਾਹੀਦਾ ਸੀ ਅਤੇ ਹਥਿਆਰ ਮੁਹੱਈਆ ਕਰਵਾਉਣ ਵਾਲਾ ਵੀ, ਜਿਸ 'ਤੇ ਉਸ ਨੇ ਫਿਰ ਆਪਣੇ ਆਕਾ ਨਾਲ ਸੰਪਰਕ ਕੀਤਾ, ਜਿਸ ਨੇ ਪੈਸਾ ਹਾਸਲ ਕਰਨ ਲਈ ਉਸ ਨੂੰ ਪਟਿਆਲਾ ਦੇ ਇਕ ਗੁਰਦੁਆਰਾ ਦੇ ਕੋਲ ਬੁਲਾਇਆ, ਜਿਥੇ ਉਸ ਨੂੰ ਇਕ ਨਕਾਬਪੋਸ਼ ਵਿਅਕਤੀ ਪੈਸਿਆਂ ਨਾਲ ਭਰਿਆ ਇਕ ਪੈਕੇਟ ਫੜਾ ਗਿਆ। ਉਸ 'ਚ 1.50 ਲੱਖ ਰੁਪਏ ਸਨ। ਹਥਿਆਰ ਹਾਸਲ ਕਰਨ ਲਈ ਉਸ ਨੇ ਫੇਸਬੁੱਕ ਖਤਰਨਾਕ ਗੈਂਗਸਟਰ ਗੁਗਨੀ ਗਰੇਵਾਲ ਨਾਲ ਸੰਪਰਕ ਕੀਤਾ, ਜਿਸ ਨੇ ਉਸ ਨੂੰ ਲੁਧਿਆਣਾ ਪੇਸ਼ੀ ਦੌਰਾਨ ਮਿਲਣ ਨੂੰ ਕਿਹਾ। ਰਮਨਜੀਤ ਜਦ ਗੁਗਨੀ ਨੂੰ ਮਿਲਿਆ ਅਤੇ ਉਸ ਦੇ ਕੰਨ 'ਚ ਹਥਿਆਰ ਦੀ ਡਿਮਾਂਡ ਕੀਤੀ ਤਾਂ ਗੁਗਨੀ ਨੇ ਉਸ ਨੂੰ ਆਪਣੇ ਪੈਟਰੋਲ ਪੰਪ ਦੇ ਮੈਨੇਜਰ ਅਨਿਲ ਕੁਮਾਰ ਕਾਲਾ ਨੂੰ ਮਿਲਣ ਨੂੰ ਕਿਹਾ। ਅਨਿਲ ਨੇ ਰਮਨਜੀਤ ਤੋਂ 60,000 ਰੁਪਏ ਲੈਣ ਤੋਂ ਬਾਅਦ ਉਸ ਨੂੰ 9 ਐੱਮ. ਐੱਮ. ਦੀ ਇਕ ਪਿਸਟਲ ਅਤੇ 10 ਕਾਰਤੂਸ ਦੇ ਦਿੱਤੇ, ਜਿਸ ਨੂੰ ਲੈ ਕੇ ਉਹ ਵਾਪਸ ਘਰ ਆ ਗਿਆ ਅਤੇ ਉਸ ਨੂੰ ਬੈੱਡ ਹੇਠਾਂ ਲੁਕਾ ਦਿੱਤਾ। ਹਥਿਆਰ ਤੇ ਗੋਲੀ-ਸਿੱਕੇ ਦੀ ਇਹ ਡੀਲ ਨਵੰਬਰ 2015 ਵਿਚ ਹੋਈ। 
ਵਾਰਦਾਤ 'ਚ ਚੋਰੀ ਦਾ ਬਾਈਕ ਵਰਤਨ ਦੀ ਦਿੱਤੀ ਟਰੇਨਿੰਗ 
ਟਰੇਨਿੰਗ ਦੌਰਾਨ ਉਸ ਨੂੰ ਸਿਖਾਇਆ ਗਿਆ ਕਿ ਵਾਰਦਾਤ ਨੂੰ ਅੰਜਾਮ ਦਿੰਦੇ ਸਮੇਂ ਚੋਰੀ ਦਾ ਮੋਟਰਸਾਈਕਲ ਜਾਂ ਫਿਰ ਅਣਜਾਣ ਵਿਅਕਤੀ ਤੋਂ ਮੋਟਰਸਾਈਕਲ ਖਰੀਦਣ ਨੂੰ ਕਿਹਾ ਗਿਆ ਅਤੇ ਵਾਰਦਾਤ ਤੋਂ ਬਾਅਦ ਆਪਣੀ ਪਛਾਣ ਛੁਪਾਉਣ ਲਈ ਭੇਸ ਬਦਲਣ ਦੀ ਟਰੇਨਿੰਗ ਦਿੱਤੀ ਗਈ। ਜਦ ਇਨ੍ਹਾਂ ਸਾਰੀਆਂ ਗੱਲਾਂ 'ਚ ਉਹ ਨਿਪੁੰਨ ਹੋ ਗਿਆ ਤਾਂ ਉਸ ਨੂੰ ਟਰੇਨਿੰਗ ਸੈਂਟਰ ਤੋਂ 38 ਬੋਰ ਦਾ ਹਥਿਆਰ ਚਲਾਉਣ ਦੀ ਟਰੇਨਿੰਗ ਦਿੱਤੀ। 10 ਦਿਨਾਂ ਤੱਕ ਇਹ ਸਿਲਸਿਲਾ ਚੱਲਦਾ ਰਿਹਾ। ਤਦ ਉਸ ਨੂੰ ਟਰੇਨਰ ਨੇ 1200 ਯੂ. ਐੱਸ. ਏ. ਡਾਲਰ ਤੇ 1400 ਦਰਾਮ ਵੀ ਦਿੱਤੇ ਸਨ ਅਤੇ ਜਦ ਉਹ ਭਾਰਤ ਵਾਪਸ ਆਇਆ ਤਾਂ ਉਸ ਨੂੰ ਸਪੋਰਟਸ ਸ਼ੂਜ਼ ਦਾ ਇਕ ਜੋੜਾ ਵੀ ਗਿਫਟ ਦੇ ਰੂਪ 'ਚ ਦਿੱਤਾ ਗਿਆ।
ਆਰ. ਐੱਸ. ਐੱਸ. ਸ਼ਾਖਾ ਦੀ ਰੇਕੀ ਕਰਨ ਨੂੰ ਕਿਹਾ 
ਦੁਬਈ ਤੋਂ ਮੁੜਨ ਤੋਂ ਬਾਅਦ ਰਮਨਦੀਪ ਦੀ 2-3 ਮਹੀਨਿਆਂ ਤੱਕ ਕਿਸੇ ਨਾਲ ਗੱਲ ਨਹੀਂ ਹੋਈ। ਇਸ ਦੌਰਾਨ ਜਗਤਾਰ ਸਿੰਘ ਤੂਫਾਨੀ ਨਾਮਕ ਵੀ ਆਈ. ਡੀ. ਬੰਦ ਹੋ ਚੁੱਕੀ ਸੀ। ਫਿਰ ਉਸ ਨੂੰ ਸ਼ਰਮਾ ਜੀ ਨਾਮਕ ਫੇਸਬੁੱਕ ਆਈ. ਡੀ. ਤੋਂ ਮੈਸੇਜ ਆਉਣੇ ਸ਼ੁਰੂ ਹੋ ਗਏ, ਜਿਸ ਦੇ ਨਾਲ ਉਸ ਦੀ ਸਕਾਈਪ ਐਪ 'ਤੇ ਗੱਲ ਹੋਣ ਲੱਗੀ। ਉਸ ਤੋਂ ਰਾਸ਼ਟਰੀ ਸਵੈਮ ਸੇਵਕ ਸੰਘ (ਆਰ. ਐੱਸ. ਐੱਸ.) ਦੀ ਸ਼ਾਖਾ ਦੀ ਰੇਕੀ ਕਰਨ ਨੂੰ ਕਿਹਾ ਗਿਆ। ਲੋਕਲ ਹੋਣ ਕਾਰਨ ਉਸ ਨੂੰ ਨਿਊੂ ਕਿਦਵਈ ਨਗਰ ਸਥਿਤ ਸ਼ਹੀਦੀ ਪਾਰਕ 'ਚ ਲੱਗਣ ਵਾਲੀ ਸ਼ਾਖਾ ਦੀ ਰੇਕੀ ਕੀਤੀ ਤੇ ਆਉਣ ਅਤੇ ਜਾਣ ਦਾ ਰਸਤਾ ਤੈਅ ਕੀਤਾ।