ਚੰਡੀਗੜ੍ਹ-ਮੋਹਾਲੀ ''ਚ ਭਾਰੀ ਬਾਰਸ਼, ਪਾਣੀ ''ਚ ਡੁੱਬੀਆਂ ਸੜਕਾਂ
07/09/2019 12:42:08 PM
ਚੰਡੀਗੜ੍ਹ/ਮੋਹਾਲੀ : ਚੰਡੀਗੜ੍ਹ ਅਤੇ ਮੋਹਾਲੀ 'ਚ ਮੰਗਲਵਾਰ ਸਵੇਰੇ ਕਰੀਬ 8 ਵਜੇ ਤੋਂ ਹੀ ਭਾਰੀ ਬਾਰਸ਼ ਸ਼ੁਰੂ ਹੋ ਗਈ ਅਤੇ ਮੌਸਮ ਠੰਡਾ ਹੋ ਗਿਆ।
2-3 ਘੰਟੇ ਲਗਾਤਾਰ ਪਈ ਬਾਰਸ਼ ਕਾਰਨ ਜਿੱਥੇ ਚੰਡੀਗੜ੍ਹ ਦੇ ਕਈ ਇਲਾਕਿਆਂ 'ਚ ਪਾਣੀ ਭਰ ਗਿਆ, ਉੱਥੇ ਹੀ ਮੋਹਾਲੀ ਦੀਆਂ ਸੜਕਾਂ ਪੂਰੀ ਤਰ੍ਹਾਂ ਪਾਣੀ 'ਚ ਡੁੱਬ ਗਈਆਂ।
ਇਸ ਕਾਰਨ ਸਵੇਰ ਦੇ ਸਮੇਂ ਕੰਮਾਂ-ਕਾਰਾਂ ਤੇ ਜਾਣ ਵਾਲੇ ਲੋਕਾਂ ਨੂੰ ਕਾਫੀ ਦਿੱਕਤਾਂ ਦਾ ਸਾਹਮਣਾ ਕਰਨਾ ਪਿਆ।
ਬੀਤੀ ਰਾਤ ਤੋਂ ਹੀ ਆਸਮਾਨ 'ਚ ਬੱਦਲ ਛਾਏ ਹੋਏ ਸਨ , ਜਿਸ ਤੋਂ ਬਾਅਦ ਸਵੇਰੇ ਬਾਰਸ਼ ਸ਼ੁਰੂ ਹੋ ਗਈ।
ਗਰਮੀ ਦੇ ਮਾਰੇ ਲੋਕਾਂ ਦੇ ਚਿਹਰੇ 'ਤੇ ਬਾਰਸ਼ ਨੇ ਖੁਸ਼ੀ ਲਿਆ ਦਿੱਤੀ। ਫਿਲਹਾਲ ਸ਼ਹਿਰ ਦਾ ਮੌਸਮ ਪੂਰੀ ਤਰ੍ਹਾਂ ਸੁਹਾਵਣਾ ਬਣਿਆ ਹੋਇਆ ਹੈ ਅਤੇ ਹਲਕੀ-ਹਲਕੀ ਬੂੰਦਾਬਾਂਦੀ ਜਾਰੀ ਹੈ।