12 ਦਿਨ ਬਾਅਦ ਵੀ ਨਰਸ ਦੀ ਹੱਤਿਆ ਕਰਨ ਵਾਲੇ ਪ੍ਰੇਮੀ ਨੂੰ ਫੜਨ ''ਚ ਨਾਕਾਮ ਰਹੀ ਪੁਲਸ
01/13/2020 3:45:10 PM
ਚੰਡੀਗੜ੍ਹ (ਸੁਸ਼ੀਲ ਰਾਏ) : ਸਕਾਈ ਹੋਟਲ 'ਚ ਪ੍ਰੇਮਿਕਾ ਨਰਸ ਦੀ ਹੱਤਿਆ ਕਰਨ ਵਾਲੇ ਫਰਾਰ ਪ੍ਰੇਮੀ ਮਨਿੰਦਰ ਸਿੰਘ ਨੂੰ ਫੜਨ 'ਚ ਚੰਡੀਗੜ੍ਹ ਪੁਲਸ ਨਾਕਾਮ ਰਹੀ ਹੈ। ਨਰਸ ਸਰਬਜੀਤ ਕੌਰ ਦੀ ਹੱਤਿਆ ਨੂੰ 12 ਦਿਨ ਬੀਤ ਚੁੱਕੇ ਹਨ, ਹਤਿਆਰੇ ਪ੍ਰੇਮੀ ਨੂੰ ਗ੍ਰਿਫਤਾਰ ਕਰਨ ਦੇ ਲਈ ਪੁਲਸ ਨੇ ਕਈ ਕੋਸ਼ਿਸ਼ਾਂ ਕੀਤੀਆਂ ਸਨ ਪਰ ਮਨਿੰਦਰ ਸਿੰਘ ਕਾਫੀ ਚਲਾਕ ਹੈ, ਉਸ ਦੇ ਸਾਹਮਣੇ ਪੁਲਸ ਦੀਆਂ ਸਾਰੀਆਂ ਕੋਸ਼ਿਸ਼ਾਂ ਨਾਕਾਮ ਸਾਬਤ ਰਹੀਆਂ ਹਨ। ਸੰਗਰੂਰ ਨਿਵਾਸੀ ਨਰਸ ਸਰਬਜੀਤ ਕੌਰ ਆਪਣੇ ਪ੍ਰੇਮੀ ਮਨਿੰਦਰ ਦੇ ਨਾਲ 30 ਦਸੰਬਰ ਨੂੰ ਇੰਡਸਟਰੀਅਲ ਏਰੀਆ ਫੇਜ਼-2 ਸਥਿਤ ਹੋਟਲ ਸਕਾਈ ਦੇ ਕਮਰਾ ਨੰ. 301 ਵਿਚ ਠਹਿਰੇ ਹੋਏ ਸਨ। ਦੋਵਾਂ ਨੇ ਚੈੱਕ ਆਊਟ 1 ਜਨਵਰੀ ਨੂੰ ਕਰਨਾ ਸੀ ਪਰ ਉਨ੍ਹਾਂ ਨੇ ਕਮਰਾ ਨਹੀਂ ਖੋਲ੍ਹਿਆ।
ਹੋਟਲ ਸਟਾਫ ਨੇ ਮਾਸਟਰ ਚਾਬੀ ਨਾਲ ਕਮਰਾ ਖੋਲ੍ਹਿਆ ਤਾ ਅੰਦਰ ਬੈੱਡ 'ਤੇ ਨਰਸ ਲਹੂ-ਲੁਹਾਨ ਹਾਲਤ 'ਚ ਪਈ ਸੀ। ਉਸ ਦੀ ਗਰਦਨ 'ਤੇ ਸੂਏ ਨਾਲ ਵਾਰ ਕੀਤਾ ਹੋਇਆ ਸੀ। ਪੁਲਸ ਨੇ ਮੌਕੇ 'ਤੇ ਪਹੁੰਚ ਕੇ ਛਾਣਬੀਣ ਦੇ ਬਾਅਦ ਹੱਤਿਆਰੇ ਪ੍ਰੇਮੀ ਮਨਿੰਦਰ ਖਿਲਾਫ ਕਤਲ ਦਾ ਮਾਮਲਾ ਦਰਜ ਕੀਤਾ ਸੀ। ਸੀ. ਸੀ. ਟੀ. ਵੀ. ਫੁਟੇਜ 'ਚ ਸਰਬਜੀਤ ਅਤੇ ਮਨਿੰਦਰ ਦੋਵੇਂ ਹੋਟਲ 'ਚ ਇਕੱਠੇ ਆਉਂਦੇ ਹੋਏ ਦਿਖਾਈ ਦਿੱਤੇ ਸਨ। ਹੱਤਿਆਰਾ ਮਨਿੰਦਰ ਹੋਟਲ ਤੋਂ 30 ਦਸੰਬਰ ਦੀ ਰਾਤ 11.59 ਵਜੇ ਬਾਹਰ ਜਾਂਦਾ ਹੋਇਆ ਦਿਖਾਈ ਦਿੱਤਾ ਸੀ। ਇਸ ਦੇ ਬਾਅਦ ਦੋਸ਼ੀ ਮੁੜ ਹੋਟਲ 'ਚ ਨਹੀਂ ਆਇਆ।
ਦੱਸਣਯੋਗ ਹੈ ਕਿ ਸੰਗਰੂਰ ਵਾਸੀ ਮ੍ਰਿਤਕਾ ਨਰਸ ਸਰਬਜੀਤ ਕੌਰ ਆਪਣੇ ਪ੍ਰੇਮੀ ਮਨਿੰਦਰ ਨਾਲ 30 ਦਸੰਬਰ ਨੂੰ ਫੇਜ਼-2 ਸਥਿਤ ਹੋਟਲ ਸਕਾਈ ਦੇ ਕਮਰੇ 'ਚ ਰੁਕੀ ਸੀ। ਪੁਲਸ ਨੇ ਮੌਕੇ 'ਤੇ ਪੁੱਜ ਕੇ ਜਾਂਚ ਤੋਂ ਬਾਅਦ ਕਾਤਲ ਪ੍ਰੇਮੀ ਮਨਿੰਦਰ ਖਿਲਾਫ ਕਤਲ ਦਾ ਮਾਮਲਾ ਦਰਜ ਕੀਤਾ ਸੀ।