ਲੁਧਿਆਣਾ: ਸਿਧਵਾਂ ਨਹਿਰ 'ਚ ਡਿੱਗੀ ਕਾਰ, ਮਾਂ-ਧੀ ਸੀ ਸਵਾਰ (ਵੀਡੀਓ)

ਲੁਧਿਆਣਾ(ਅਭਿਸ਼ੇਕ)— ਲੁਧਿਆਣਾ 'ਚ ਅੱਜ ਸਵੇਰੇ ਉਸ ਸਮੇਂ ਵੱਡਾ ਹਾਦਸਾ ਵਾਪਰ ਗਿਆ ਜਦੋਂ ਸ਼ਹਿਰ 'ਚੋਂ ਲੰਘਦੀ ਸਿਧਵਾਂ ਨਹਿਰ 'ਚ ਇਕ ਕਾਰ ਬੇਕਾਬੂ ਹੋ ਕੇ ਡਿੱਗ ਗਈ। ਦੱਸਿਆ ਜਾ ਰਿਹਾ ਹੈ ਕਿ ਹੌਂਡਾ ਸਿਟੀ ਕਾਰ ਨੂੰ ਮਹਿਲਾ ਚਲਾ ਰਹੀ ਸੀ, ਜੋ ਕਿ ਆਪਣੀ ਧੀ ਨੂੰ ਸਕੂਲ ਛੱਡਣ ਲਈ ਜਾ ਰਹੀ ਸੀ ਪਰ ਅਚਾਨਕ ਹੀ ਟਾਇਰ ਫਟਣ ਕਾਰਨ ਕਾਰ ਬੇਕਾਬੂ ਹੋ ਗਈ ਅਤੇ ਇਹ ਹਾਦਸਾ ਵਾਪਰ ਗਿਆ।

ਗਨੀਮਤ ਰਹੀ ਕਿ ਇਸ ਹਾਦਸੇ ਵਿਚ ਮਾਂ ਤੇ ਧੀ ਦੋਵੇਂ ਸੁਰੱਖਿਅਤ ਬਚ ਗਈਆਂ ਹਨ। ਨਹਿਰ 'ਚ ਪਾਣੀ ਘੱਟ ਹੋਣ ਕਾਰਨ ਜਾਨੀ ਨੁਕਸਾਨ ਨਹੀਂ ਹੋਇਆ।