ਨਸ਼ੇ ਨੇ ਨਿਗਲਿਆ ਮਾਪਿਆ ਦਾ ਇਕਲੌਤਾ ਪੁੱਤ (ਵੀਡੀਓ)

ਖੰਨਾ (ਵਿਪਨ ਬੀਜਾ) : ਵਿਧਾਨ ਸਭਾ ਚੋਣਾਂ ਤੋਂ ਪਹਿਲਾਂ ਹੱਥ ਵਿਚ ਗੁਟਕਾ ਸਾਹਿਬ ਫੜ ਕੇ ਖਾਧੀ ਇਹ ਸਹੁੰ ਸ਼ਾਇਦ ਕੈਪਟਨ ਸਾਬ੍ਹ ਨੂੰ ਭੁੱਲ ਗਈ ਹੋਵੇ ਪਰ ਜਦੋਂ ਵੀ ਚਿੱਟੇ ਨਾਲ ਪੰਜਾਬ ਦੇ ਘਰ 'ਚ ਸੱਥਰ ਵਿਛੇਗਾ, ਇਹ ਸਹੁੰ ਚੇਤੇ ਕਰਵਾਈ ਜਾਵੇਗੀ। ਕਿਉਂਕਿ ਸਰਕਾਰ ਬਣਨ ਦੇ 2 ਸਾਲ ਬਾਅਦ ਵੀ ਪੰਜਾਬ 'ਚ ਚਿੱਟੇ ਦਾ ਕਹਿਰ ਜਾਰੀ ਹੈ। ਅਜਿਹਾ ਹੀ ਇਕ ਮਾਮਲਾ ਖੰਨਾ ਦੇ ਪਿੰਡ ਰੱਬੋ 'ਚ ਸਾਹਮਣੇ ਆਇਆ ਹੈ, ਜਿੱਥੇ ਇਕ ਨੌਜਵਾਨ ਦੀ ਨਸ਼ੇ ਦੀ ਓਵਰਡੋਜ਼ ਕਾਰਨ ਮੌਤ ਹੋ ਗਈ।

ਜਾਣਕਾਰੀ ਮੁਤਾਬਕ ਪਿੰਡ ਰੱਬੋ ਦਾ ਨੌਜਵਾਨ ਗੁਰਵਿੰਦਰ ਸਿੰਘ ਪਿਛਲੇ 3-4 ਸਾਲਾਂ ਤੋਂ ਨਸ਼ੇ ਦਾ ਆਦੀ ਸੀ। ਗੁਰਵਿੰਦਰ ਮਾਪਿਆ ਦਾ ਇਕਲੌਤਾ ਪੁੱਤ ਸੀ ਤੇ ਵਿਦੇਸ਼ ਰਹਿੰਦੇ ਪਿਤਾ ਨੂੰ ਇਸ ਗੱਲ ਦਾ ਭਣਕ ਨਾ ਲੱਗੀ ਕਿ ਉਹ ਨਸ਼ੇ ਦਾ ਆਦੀ ਹੈ, ਜਦੋਂ ਉਨ੍ਹਾਂ ਨੂੰ ਪਤਾ ਲੱਗਾ, ਉਦੋਂ ਤੱਕ ਬਹੁਤ ਦੇਰ ਹੋ ਚੁੱਕੀ ਸੀ।

ਕਰਜ਼ਾਈ ਹੋਏ ਮਾਪਿਆਂ ਨੇ ਇਲਾਜ ਕਰਵਾਇਆ ਪਰ ਪੁੱਤ ਨੂੰ ਬਚਾ ਨਹੀਂ ਸਕੇ। ਹਾਲਾਂਕਿ ਪੁਲਸ ਪੋਸਟਮਾਰਟ ਰਿਪੋਰਟ ਤੋਂ ਬਾਅਦ ਹੀ ਮੌਤ ਦੇ ਕਾਰਣ ਦਾ ਪਤਾ ਲੱਗਣ ਦੀ ਗੱਲ ਕਹਿ ਰਹੀ ਹੈ ਪਰ ਜੇ ਮਾਪਿਆਂ ਦੀ ਮੰਨੀਏ ਤਾਂ ਉਨ੍ਹਾਂ ਦੇ ਪੁੱਤ ਨੂੰ ਚਿੱਟੇ ਨੇ ਖਾ ਲਿਆ। ਨਸ਼ੇ ਕਾਰਣ ਹੋਈ ਇਸ ਮੌਤੇ ਨੇ ਇਕ ਵਾਰ ਫਿਰ ਸਰਕਾਰ ਦੇ ਪੰਜਾਬ 'ਚੋਂ ਨਸ਼ਾ ਖਤਮ ਕਰਨ ਦੇ ਦਾਅਵਿਆਂ ਦੀ ਪੋਲ ਖੋਲ੍ਹ ਕੇ ਰੱਖ ਦਿੱਤੀ ਹੈ।