ਜਲੰਧਰ ਦੇ ਮਸ਼ਹੂਰ ਸਿਵਲ ਹਸਪਤਾਲ 'ਚ ਪੈਦਾ ਹੁੰਦੇ ਹੀ ਹੋਈ ਬੱਚੇ ਦੀ ਅਦਲਾ-ਬਦਲੀ, ਹੋਇਆ ਭਾਰੀ ਹੰਗਾਮਾ (ਤਸਵੀਰਾਂ)
Friday, Oct 06, 2017 - 12:40 PM (IST)
ਜਲੰਧਰ — ਇਥੋਂ ਦੇ ਸਿਵਲ ਹਸਪਤਾਲ 'ਚ ਸਟਾਫ ਦੀ ਇਕ ਵੱਡੀ ਲਾਪਰਵਾਹੀ ਕਾਰਨ ਪਰਿਵਾਰਕ ਮੈਂਬਰਾਂ ਵਲੋਂ ਹੰਗਾਮਾ ਕੀਤੇ ਜਾਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਸੂਤਰਾਂ ਤੋਂ ਮਿਲੀ ਜਾਣਕਾਰੀ ਮੁਤਾਬਕ ਪਰਿਵਾਰਕ ਮੈਂਬਰਾਂ ਵਲੋਂ ਇਹ ਹੰਗਾਮਾ ਨਵ-ਜੰਮੇ ਬੱਚਿਆਂ ਦੀ ਅਦਲਾ-ਬਦਲੀ ਹੋ ਜਾਣ ਕਾਰਨ ਹੋਇਆ। ਦੱਸਿਆ ਜਾ ਰਿਹਾ ਹੈ ਕਿ ਬਲਜੀਤ ਕੌਰ ਪਤਨੀ ਧਰਮਿੰਦਰ ਲਾਲ ਵਾਸੀ ਪਿੰਡ ਮਡਾਲਾ ਕਲਾ ਨੂੰ ਜਲੰਧਰ ਦੇ ਸਿਵਲ ਹਸਪਤਾਲ 'ਚ ਡਿਲੀਵਰੀ ਲਈ ਲਿਆਂਦਾ ਗਿਆ। ਡਿਲੀਵਰੀ ਤੋਂ ਤੁੰਰਤ ਬਾਅਦ ਬਲਜੀਤ ਕੌਰ ਨੂੰ ਦੱਸਿਆ ਗਿਆ ਉਸ ਦੇ ਬੇਟਾ ਪੈਦਾ ਹੋਇਆ ਹੈ ਤੇ ਡਿਲਵਰੀ ਤੋਂ 2 ਘੰਟੇ ਬਾਅਦ ਉਸ ਨੂੰ ਬੇਟੀ ਪਕੜਾ ਦਿੱਤੀ ਗਈ ਜਿਸ ਤੋਂ ਬਾਅਦ ਉਕਤ ਮਹਿਲਾ ਨੇ ਹਸਪਤਾਲ 'ਚ ਹੰਗਾਮਾ ਖੜ੍ਹਾ ਕਰ ਦਿੱਤਾ ਕਿ ਉਸ ਨੂੰ ਕਿਹਾ ਗਿਆ ਸੀ ਉਸ ਨੇ ਪੁੱਤਰ ਨੂੰ ਜਨਮ ਦਿੱਤਾ ਹੈ।
ਬਲਜੀਤ ਕੌਰ ਦੇ ਭਰਾ ਸਨੀ ਨੇ ਦੱਸਿਆ ਕਿ ਸਵੇਰੇ ਹੀ ਉਸ ਦੀ ਭਐਣ ਦਾ ਆਪਰੇਸ਼ਨ ਹੋਇਆ ਸੀ, ਜਿਸ ਦੇ 2 ਘੰਟੇ ਬਾਅਦ ਉਸ ਦੇ ਹੱਥ 'ਚ ਲੜਕੀ ਪਕੜਾ ਦਿੱਤੀ ਗਈ ਤੇ ਕਿਹਾ ਗਿਆ ਕਿ ਤੁਹਾਡੇ ਬੇਟੀ ਪੈਦਾ ਹੋਈ ਹੈ। ਮੌਕੇ 'ਤੇ ਭਾਰੀ ਹੰਗਾਮਾ ਹੋਣ ਤੋਂ ਬਾਅਦ ਮੌਜੂਦਾ ਸਫਾਈ ਕਰਮਚਾਰੀ ਨੇ ਗਲਤੀ ਮੰਨੀ ਤੇ ਕਿਹਾ ਕਿ ਉਸ ਕੋਲੋਂ ਗਲਤੀ ਨਾਲ ਬੱਚਾ ਬਦਲ ਹੋ ਗਿਆ ਸੀ ਤੇ ਬਲਜੀਤ ਕੌਰ ਨੇ ਲੜਕੇ ਨੂੰ ਹੀ ਜਨਮ ਦਿੱਤਾ ਹੈ।
ਉਥੇ ਹੀ ਹਸਪਤਾਲ ਦੀ ਡਾਕਟਰ ਗੁਰਮੀਤ ਕੌਰ ਨੇ ਗਲਤੀ ਮੰਨਦੇ ਹੋਏ ਕਿਹਾ ਕਿ ਲੜਕਾ ਬਲਜੀਤ ਕੌਰ ਦਾ ਹੀ ਹੈ ਤੇ ਦੋਨਾਂ ਮਹਿਲਾਵਾਂ ਨੂੰ ਹੀ ਬੱਚੇ ਦੇ ਜਨਮ ਦੇ ਤੁਰੰਤ ਬਾਅਦ ਹੀ ਦੱਸ ਦਿੱਤਾ ਗਿਆ ਸੀ ਕਿ ਕਿਸ ਨੂੰ ਕਿਹੜਾ ਬੱਚਾ ਪੈਦਾ ਹੋਇਆ ਹੈ ਪਰ ਇਹ ਗਲਤੀ ਬੱਚਿਆਂ ਨੂੰ ਝੂਲੇ 'ਤੇ ਲੈ ਜਾਂਦੇ ਸਮੇਂ ਸਫਾਈ ਕਰਮਚਾਰੀ ਕੋਲੋਂ ਹੋ ਗਈ, ਜਿਸ ਨੂੰ ਸੁਧਾਰ ਲਿਆ ਗਿਆ ਹੈ। ਇਸ ਘਟਨਾ ਤੋਂ ਬਾਅਦ ਡਾਕਟਰ ਨੇ ਪਰਿਵਾਰਕ ਮੈਂਬਰਾਂ ਤੋਂ ਮੁਆਫੀ ਵੀ ਮੰਗੀ।