ਅਜੇ ਤੱਕ ਨਹੀਂ ਨਿਕਲ ਸਕਿਆ ਹਲਕਾ ਸਨੌਰ ''ਚ ਘੱਗਰ, ਟਾਂਗਰ ਸਮੇਤ ਮਾਰਕੰਡਾ ਦੀ ਤਬਾਹੀ ਦਾ ਹੱਲ

 ਪਟਿਆਲਾ— ਜ਼ਿਲਾ ਪਟਿਆਲਾ ਦਾ ਸ਼ੁੱਧ ਪੇਂਡੂ ਹਲਕਾ ਸਨੌਰ ਜਿਸ ਦਾ ਨਾਂ ਪਹਿਲਾਂ ਡਕਾਲਾ ਸੀ, ਹੜ੍ਹ ਦੀ ਮਾਰ ''ਚ ਆਉਣ ਵਾਲਾ ਹਲਕਾ ਹੈ। ਹਲਕੇ ''ਚ ਬਸਕਾ ਸਨੌਰ ਦੇ ਇਲਾਵਾ 248 ਪਿੰਡ ਹਨ। ਹਰਿਆਣਾ ਦੇ ਨਾਲ ਲੱਗਣ ਕਾਰਨ ਸਮੂਚੇ ਹਲਕੇ ''ਚ ਹਰਿਆਣਾ ਟਚ ਹੈ। ਸਾਰੇ ਇਲਾਕੇ ਦੀਆਂ ਰਿਸ਼ਤੇਦਾਰੀਆਂ ਹਰਿਆਣਾ ''ਚ ਪੈਂਦੀਆਂ ਹਨ। ਇਥੋਂ ਤੱਕ ਜਦੋਂ ਪੰਜਾਬ ''ਚ ਫਸਲ ਨਹੀਂ ਵਿੱਕਦੀ ਤਾਂ ਇਸ ਹਲਕੇ ਦੇ ਲੋਕ ਨਜ਼ਦੀਕੀ ਹਰਿਆਣਾ ਦੇ ਕਸਬੇ ਗੁਹਲਾ-ਚੀਕਾ, ਪਿਹੋਵਾ ਆਦਿ ਦੀਆਂ ਮੰਡੀਆਂ ''ਚ ਆਪਣੀ ਫਸਲ ਵੇਚਣ ਜਾਂਦੇ ਹਨ। ਇਲਾਕੇ ''ਚੋਂ ਲੰਘਦੀਆਂ ਨਦੀਆਂ ਘੱਗਰ ਨਦੀ, ਟਾਂਗਰ ਨਦੀ, ਮਾਰਕੰਡਾ ''ਚ ਤਬਾਹੀ ਹੁੰਦੀ ਰਹਿੰਦੀ ਹੈ। ਹਰ ਚੋਣਾਂ ਦੌਰਾਨ ਇਲਾਕੇ ਨੂੰ ਹੜ੍ਹ ਨੂੰ ਬਚਾਉਣ ਲਈ ਘੱਗਰ ਪ੍ਰਾਜੈਕਟ ਦੀ ਗੱਲ ਕੀਤੀ ਜਾਂਦੀ ਹੈ ਪਰ ਹਕੀਕਤ ''ਚ ਕੁਝ ਨਹੀਂ ਹੁੰਦਾ। ਇਸ ਇਲਾਕੇ ਦੇ ਲੋਕ ਰਵਾਇਤੀ ਫਸਲਾਂ ਦੇ ਨਾਲ-ਨਾਲ ਸਬਜ਼ੀਆਂ ਵੱਲ ਵੀ ਵਿਸ਼ੇਸ਼ ਧਿਆਨ ਦਿੰਦੇ ਹਨ। ਹਲਕੇ ''ਚ ਪਹਿਲੀ ਵਾਰ ਏ. ਸੀ. ਸਬਜ਼ੀ ਮੰਡੀ ਬਣੀ ਹੈ।