ਵਿਧਾਨ ਸਭਾ ਹਲਕਾ ਬਟਾਲਾ ਦਾ ਇਤਿਹਾਸ
12/20/2016 1:39:13 PM
ਬਟਾਲਾ : ਬਟਾਲਾ ਵਿਧਾਨ ਸਭਾ ਸੀਟ ''ਤੇ ਜੇਕਰ ਨਜ਼ਰ ਮਾਰੀਏ ਤਾਂ 1962 ਤੋਂ ਬਾਅਦ ਕਾਂਗਰਸ ਨੇ 6 ਅਤੇ ਭਾਜਪਾ ਨੇ 5 ਵਾਰ ਇਸ ਸੀਟ ''ਤੇ ਕਬਜ਼ਾ ਕੀਤਾ ਹੈ। 2012 ਦੀਆਂ ਹੋਈਆਂ ਚੋਣਾਂ ਵਿਚ ਅਕਾਲੀ ਦਲ ਦੇ ਉਮੀਦਵਾਰ ਦੇ ਖਿਲਾਫ ਬਟਾਲਾ ਤੋਂ ਕਾਂਗਰਸ ਦੇ ਉਮੀਦਵਾਰ ਅਸ਼ਵਨੀ ਸੇਖੜੀ ਇਹ ਸੀਟ ਜਿੱਤਣ ਵਿਚ ਕਾਮਯਾਬ ਰਹੇ। ਨਾਜਾਇਜ਼ ਕਬਜ਼ਿਆਂ, ਟ੍ਰੈਫਿਕ ਸਮੱਸਿਆ ਤੇ ਨਗਰ ਕੌਂਸਲ ਦੀ ਪ੍ਰਧਾਨਗੀ ਦਾ ਮੁੱਦਾ ਇਸ ਸੀਟ ''ਤੇ ਛਾਇਆ ਰਿਹਾ ਹੈ।
ਸੀਟ ਦਾ ਇਤਿਹਾਸ
ਸਾਲ | ਪਾਰਟੀ | ਉਮੀਦਵਾਰ |
1962 | ਕਾਂਗਰਸ | ਪੰ. ਮੋਹਨ ਲਾਲ |
1969 | ਭਾਜਪਾ | ਬਿਕਰਮਜੀਤ ਸਿੰਘ ਸ਼ਹਾਪੁਰ |
1972 | ਕਾਂਗਰਸ | ਵਿਸ਼ਵਾ ਮਿੱਤਰ ਸੇਖੜੀ |
1977 | ਭਾਜਪਾ | ਪੰਨਾ ਲਾਲ ਨਈਅਰ |
1980 | ਕਾਂਗਰਸ | ਗੋਪਾਲ ਕ੍ਰਿਸ਼ਨ ਚਤਰਥ |
1985 | ਕਾਂਗਰਸ | ਅਸ਼ਵਨੀ ਸੇਖੜੀ |
1992 | ਭਾਜਪਾ | ਜਗਦੀਸ਼ ਰਾਜ ਸਾਹਨੀ |
1997 | ਭਾਜਪਾ | ਜਗਦੀਸ਼ ਰਾਜ ਸਾਹਨੀ |
2002 | ਕਾਂਗਰਸ | ਅਸ਼ਵਨੀ ਸੇਖੜੀ |
2007 | ਭਾਜਪਾ | ਜਗਦੀਸ਼ ਰਾਜ ਸਾਹਨੀ |
2012 | ਕਾਂਗਰਸ | ਅਸ਼ਵਨੀ ਸੇਖੜੀ |
2014 ਦੀਆਂ ਲੋਕ ਸਭਾ ਚੋਣਾਂ ਦੀ ਸਥਿਤੀ
ਬਟਾਲਾ ਵਿਧਾਨ ਸਭਾ ਸੀਟ ਜਿਸ ''ਤੇ 6 ਵਾਰ ਕਾਂਗਰਸ ਦਾ ਅਤੇ 5 ਵਾਰ ਭਾਜਪਾ ਦਾ ਕਬਜ਼ਾ ਰਿਹਾ ਹੈ, ਇਥੇ ਹਮੇਸ਼ਾ ਕਾਂਗਰਸ ਤੇ ਭਾਜਪਾ ਵਿਚ ਫੱਸਵੀਂ ਟੱਕਰ ਹੁੰਦੀ ਰਹੀ ਹੈ, ਜਦਕਿ ਪਿਛਲੀਆਂ ਵਿਧਾਨ ਸਭਾ ਚੋਣਾਂ ਵਿਚ ਬਟਾਲਾ ਤੋਂ ਸ਼੍ਰੋਮਣੀ ਅਕਾਲੀ ਦਲ ਦੇ ਉਮੀਦਵਾਰ ਲਖਬੀਰ ਸਿੰਘ ਲੋਧੀਨੰਗਲ ਚੋਣ ਲੜੇ ਸਨ ਪਰ ਉਹ ਕਾਂਗਰਸੀ ਉਮੀਦਵਾਰ ਅਸ਼ਵਨੀ ਸੇਖੜੀ ਤੋਂ 17000 ਦੇ ਕਰੀਬ ਵੋਟਾਂ ਦੇ ਫਰਕ ਨਾਲ ਚੋਣ ਹਾਰੇ ਸਨ ਪਰ ਇਸ ਵਾਰ ਫਿਰ ਸ਼੍ਰੋਮਣੀ ਅਕਾਲੀ ਦਲ ਬਾਦਲ ਨੇ ਲਖਬੀਰ ਸਿੰਘ ਲੋਧੀਨੰਗਲ ''ਤੇ ਵਿਸ਼ਵਾਸ ਪ੍ਰਗਟਾਉਂਦਿਆਂ ਇਥੋਂ ਦੀ ਟਿਕਟ ਉਨ੍ਹਾਂ ਨੂੰ ਦੇ ਦਿੱਤੀ ਹੈ, ਜਦਕਿ ਕਾਂਗਰਸ ਵੱਲੋਂ ਸੰਭਾਵੀ ਉਮੀਦਵਾਰ ਅਸ਼ਵਨੀ ਸੇਖੜੀ ਹਨ ਪਰ ਅਜੇ ਕਾਂਗਰਸ ਹਾਈਕਮਾਂਡ ਵੱਲੋਂ ਇਸ ਦਾ ਰਸਮੀ ਐਲਾਨ ਨਹੀਂ ਕੀਤਾ ਗਿਆ ਹੈ। ਓਧਰ ਦੂਜੇ ਪਾਸੇ ਜੇਕਰ ਆਮ ਆਦਮੀ ਪਾਰਟੀ ਦੀ ਗੱਲ ਕਰੀਏ ਤਾਂ ਅਜੇ ਤੱਕ ਆਮ ਆਦਮੀ ਪਾਰਟੀ ਦਾ ਕੋਈ ਚਿਹਰਾ ਉਮੀਦਵਾਰ ਦੇ ਤੌਰ ''ਤੇ ਸਾਹਮਣੇ ਨਹੀਂ ਆਇਆ ਹੈ ਅਤੇ ਆਪ ਤੇ ਕਾਂਗਰਸ ਦੀ ਟਿਕਟ ਐਲਾਨਣ ਤੋਂ ਬਾਅਦ ਹੀ ਇਥੋਂ ਦੇ ਵੋਟਰਾਂ ਦਾ ਰੁਝਾਨ ਪਤਾ ਲੱਗੇਗਾ।
ਜਾਤੀ ਸਮੀਕਰਨ
ਹਿੰਦੂ | 33 ਫੀਸਦੀ |
ਸਿੱਖ | 33 ਫੀਸਦੀ |
ਐੱਸ. ਸੀ./ਬੀ. ਸੀ. | 33 ਫੀਸਦੀ |