ਪੰਜਾਬੀ ਨੌਜਵਾਨ ਦੀ ਕੈਨੇਡਾ ''ਚ ਸ਼ੱਕੀ ਹਲਾਤਾਂ ''ਚ ਮੌਤ
09/12/2018 9:43:39 PM
ਬਰੈਂਪਟਨ/ਫਤਿਹਗੜ੍ਹ ਸਾਹਿਬ — ਜ਼ਿਲਾ ਫਤਿਹਗੜ੍ਹ ਸਾਹਿਬ 'ਚ ਪੈਂਦੇ ਸਟੀਲ ਸਿਟੀ ਮੰਡੀ ਗੋਬਿੰਦਗੜ੍ਹ ਦੇ ਰਹਿਣ ਵਾਲੇ 25 ਸਾਲਾ ਆਜੇਸ਼ ਚੋਪੜਾ ਦੀ ਕੈਨੇਡਾ 'ਚ ਸ਼ੱਕੀ ਹਲਾਤਾਂ 'ਚ ਮੌਤ ਹੋ ਜਾਣ ਦੀ ਖਬਰ ਮਿਲੀ ਹੈ। ਜਾਣਕਾਰੀ ਮੁਤਾਬਕ ਆਜੇਸ਼ ਚੋਪੜਾ ਕਰੀਬ ਡੇਢ ਸਾਲ ਪਹਿਲਾਂ ਕੈਨੇਡਾ 'ਚ ਪੜ੍ਹਾਈ ਕਰਨ ਲਈ ਗਿਆ ਸੀ ਅਤੇ ਬਰੈਂਪਟਨ ਸ਼ਹਿਰ 'ਚ ਰਹਿੰਦਾ ਸੀ। ਬੀਤੀ 6 ਸਤੰਬਰ ਤੋਂ ਆਜੇਸ਼ ਲਾਪਤਾ ਸੀ ਪਰ ਸੋਮਵਾਰ ਦੇਰ ਰਾਤ ਆਜੇਸ਼ ਦੀ ਮੌਤ ਖਬਰ ਮਿਲੀ, ਜਿਸ ਦੀ ਪੁਸ਼ਟੀ ਕੈਨੇਡਾ ਪੁਲਸ ਅਤੇ ਭਾਰਤੀ ਦੂਤਘਰ ਵੱਲੋਂ ਕੀਤੀ ਗਈ ਹੈ। ਉਥੇ ਪਰਿਵਾਰ ਨੇ ਵਿਦੇਸ਼ ਮੰਤਰੀ ਸੁਸ਼ਮਾ ਸਵਰਾਜ ਤੋਂ ਮ੍ਰਿਤਕ ਦੇਹ ਭਾਰਤ ਲੈ ਕੇ ਆਉਣ ਲਈ ਮਦਦ ਦੀ ਗੁਹਾਰ ਲਾਈ ਹੈ।
