ਹੁਣ ਬੇਟੀ ਨੂੰ ਹਾਸਲ ਕਰਨ ਲਈ ਹਰ ਮੌਰਚੇ ''ਤੇ ਲੜਣ ਲਈ ਤਿਆਰ ਹਾਂ : ਸ਼ਮੀ

ਦੇਹਰਾਦੂਨ— ਆਪਣੀ ਪਤਨੀ ਹਸੀਨ ਜਹਾਂ ਦੇ ਗੰਭੀਰ ਦੋਸ਼ਾਂ ਨਾਲ ਘਿਰੇ ਭਾਰਤੀ ਤੇਜ਼ ਗੇਂਦਬਾਜ਼ ਸ਼ਮੀ ਹੁਣ ਆਰਾਮ ਨਾਲ ਆਪਣਾ ਅਭਿਆਸ ਕਰਨ ਲਈ ਦੇਹਰਾਦੂਨ ਪਹੁੰਚੇ ਹਨ ਤੇ ਉਸਦਾ ਕਹਿਣਾ ਹੈ ਕਿ ਮੈਂ ਆਪਣੇ ਹਕ ਦੇ ਲਈ ਕਾਨੂੰਨੀ ਲੜਾਈ ਲੜਾਂਗਾ। ਨਾਲ ਹੀ ਬੇਟੀ ਨੂੰ ਹਾਸਲ ਕਰਨ ਲਈ ਹਰ ਮੌਰਚੇ 'ਤੇ ਲੜਣ ਲਈ ਤਿਆਰ ਹੈ। ਸ਼ੁੱਕਰਵਾਰ ਨੂੰ ਦੇਹਰਾਦੂਨ ਸਥਿਤ ਅਭਿਮਨਯੂ ਕ੍ਰਿਕਟ ਅਕਾਦਮੀ ਪਹੁੰਚੇ ਤੇ ਕਿਹਾ ਕਿ ਬੀ. ਸੀ. ਸੀ. ਆਈ. ਨੇ ਉਸ ਨੂੰ ਫਿਕਸਿੰਗ ਦੇ ਦੋਸ਼ਾਂ ਤੋਂ ਬਰੀ ਕਰਨੇ ਦੇ ਫੈਸਲੇ 'ਤੇ ਖੁਸ਼ੀ ਜ਼ਾਹਿਰ ਕੀਤੀ ਹੈ।
ਸ਼ਮੀ ਆਈ. ਪੀ. ਐੱਲ. ਤੋਂ ਪਹਿਲਾ ਕੁਝ ਦਿਨ ਤਕ ਅਭਿਮਨਯੂ ਕ੍ਰਿਕਟ ਅਕਾਦਮੀ 'ਚ ਹੀ ਅਭਿਆਸ ਕਰਨਗੇ। ਸ਼ਮੀ ਦਾ ਕਹਿਣਾ ਹੈ ਕਿ ਦੇਹਰਾਦੂਨ ਦੇ ਮਾਹੌਲ 'ਚ ਮੈਂ ਉੱਭਰ ਸਕਾਂਗਾ ਤੇ ਆਪਣੇ ਖੇਡ 'ਤੇ ਪੂਰਾ ਧਿਆਨ ਦੇ ਪਵਾਂਗਾ। ਆਪਣੇ 'ਤੇ ਲੱਗੇ ਦੋਸ਼ਾਂ ਨੂੰ ਖਾਰਿਜ਼ ਕਰਦੇ ਹੋਏ ਸ਼ਮੀ ਨੇ ਕਿਹਾ ਕਿ ਉਹ ਸੱਚੇ ਹਨ ਤੇ ਅੱਗੇ ਦੀ ਲੜਾਈ ਵੀ ਜਿੱਤਾਂਗਾ। ਉਨ੍ਹਾਂ ਨੇ ਸਾਫ ਤੌਰ 'ਤੇ ਕਹਿ ਦਿੱਤਾ ਕਿ ਉਹ ਆਪਣੇ ਹਕ ਦੇ ਲਈ ਹੁਣ ਕਾਨੂੰਨੀ ਲੜਾਈ ਲੜਾਂਗਾ।