ਵਿਰਾਟ ਦੇ ਨਜ਼ਦੀਕ ਪੁੱਜੀ ਇਹ ਲੜਕੀ, ਫੈਂਸ ਨੇ ਦਿੱਤੀ ਅਨੁਸ਼ਕਾ ਤੋਂ ਬਚ ਕੇ ਰਹਿਣ ਦੀ ਸਲਾਹ

ਨਵੀਂ ਦਿੱਲੀ (ਬਿਊਰੋ)— ਇਹ ਤਾਂ ਪੂਰੀ ਦੁਨੀਆ ਨੂੰ ਪਤਾ ਹੈ ਕਿ ਵਿਰਾਟ ਕੋਹਲੀ ਨੇ ਮੈਦਾਨ ਦੇ ਬਾਹਰ ਆਪਣੀ ਲੁੱਕ ਅਤੇ ਆਪਣੇ ਅੰਦਾਜ਼ ਨਾਲ ਸਾਰਿਆਂ ਨੂੰ ਆਪਣਾ ਦੀਵਾਨਾ ਬਣਾ ਕੇ ਰੱਖਿਆ ਹੋਇਆ ਹੈ। ਕੋਹਲੀ ਫੇਸਬੁੱਕ ਉੱਤੇ ਸਭ ਤੋਂ ਜ਼ਿਆਦਾ ਫਾਲੋ ਕੀਤੇ ਜਾਣ ਵਾਲੇ ਦੂਜੇ ਭਾਰਤੀ ਬਣ ਚੁੱਕੇ ਹਨ। ਹਾਲ ਹੀ ਵਿਚ ਜਿਸ ਵਿਚ ਵਿਰਾਟ ਕੋਹਲੀ ਦੇ ਇੰਸਟਾਗਰਾਮ ਅਕਾਊਂਟ ਨੂੰ ਮੋਸਟ ਇੰਗੇਜਡ ਅਕਾਊਂਟ ਦਾ ਐਵਾਰਡ ਮਿਲਿਆ ਹੈ। ਕੋਹਲੀ  ਦੇ ਇੰਸਟਾਗਰਾਮ ਅਕਾਊਂਟ ਨੂੰ 19.8 ਮਿਲੀਅਨ ਲੋਕ ਫਾਲੋ ਕਰਦੇ ਹਨ ਅਤੇ ਸਾਲ 2017 ਵਿਚ ਉਨ੍ਹਾਂ ਦੇ ਅਕਾਉਂਟ ਉੱਤੇ ਸਭ ਤੋਂ ਜ਼ਿਆਦਾ ਇੰਗੇਜਮੈਂਟ ਸੀ।
ਭਾਰਤ ਦੀਆਂ ਲੜਕੀਆਂ ਤਾਂ ਵਿਰਾਟ ਦੀਆਂ ਦੀਵਾਨੀਆਂ ਹਨ ਹੀ। ਨਾਲ ਹੀ ਵਿਦੇਸ਼ ਵਿਚ ਲੜਕੀਆਂ ਦਰਮਿਆਨ ਕੋਹਲੀ ਬਹੁਤੇ ਲੋਕਾਂ ਨੂੰ ਪਿਆਰੇ ਹਨ। ਇੰਗਲੈਂਡ ਦੀ ਟੀਮ ਦੀਆਂ ਚਾਰ-ਚਾਰ ਦਿੱਗਜ ਖਿਡਾਰਨਾਂ ਵਿਰਾਟ ਕੋਹਲੀ ਦੀਆਂ ਦੀਵਾਨੀਆਂ ਹਨ ਅਤੇ ਇਹ ਦੀਵਾਨਗੀ ਤਾਂ ਸਗੋਂ ਪ੍ਰਪੋਜਲ ਤੱਕ ਪਹੁੰਚ ਚੁੱਕੀ ਸੀ। 

ਇੰਗਲੈਂਡ ਦੀ ਇਸ ਖਿਡਾਰਨ ਨੇ ਵਿਰਾਟ ਨੂੰ ਵਿਆਹ ਲਈ ਕੀਤਾ ਪ੍ਰਪੋਜ਼
ਪਰ ਅਸੀ ਗੱਲ ਕਰ ਰਹੇ ਹਾਂ ਡੇਨੀਅਲ ਵੇਟ ਦੀ, ਜੋ ਕਿ ਵਿਰਾਟ ਦੀ ਬਹੁਤ ਵੱਡੀ ਫੈਨ ਹੈ। ਵੇਟ ਇੰਗਲੈਂਡ ਦੀ ਕ੍ਰਿਕਟ ਖਿਡਾਰਨ ਹੈ, ਜਿਨ੍ਹਾਂ ਨੇ ਟਵਿੱਟਰ ਉੱਤੇ ਖੁਲ੍ਹੇਆਮ ਕੋਹਲੀ ਨੂੰ ਵਿਆਹ ਲਈ ਪ੍ਰਪੋਜ਼ ਕਰ ਦਿੱਤਾ ਸੀ। ਡੇਨੀਅਲ ਇਸ ਸਮੇਂ ਇੰਗਲੈਂਡ ਦੇ ਭਾਰਤ ਦੌਰੇ ਉੱਤੇ ਆਪਣੀ ਟੀਮ ਨਾਲ ਆਈ ਹੈ। ਪਰ ਵਿਰਾਟ ਦੇ ਫੈਂਸ ਉਨ੍ਹਾਂ ਦੇ ਟਵੀਟਸ ਉੱਤੇ ਖਾਸੀ ਨਜ਼ਰ ਰੱਖਦੇ ਹਨ। ਵਿਰਾਟ ਦੇ ਵਿਆਹ ਦੇ ਬਾਅਦ ਵੀ ਵੇਟ ਦਾ ਵਿਰਾਟ ਪ੍ਰਤੀ ਲਗਾਉ ਘੱਟ ਨਹੀਂ ਹੋਇਆ। ਉਨ੍ਹਾਂ ਨੇ ਵਿਰਾਟ ਨੂੰ ਵਿਆਹ ਦੀਆਂ ਵਧਾਈਆਂ ਵੀ ਦਿੱਤੀਆਂ ਸਨ।

ਵਿਰਾਟ ਦੇ ਫੈਂਸ ਨੂੰ ਮਿਲਿਆ ਮੌਕਾ
ਵੇਟ ਦੇ ਭਾਰਤ ਆਉਣ ਦੀ ਖਬਰ ਆਈ ਤਾਂ ਸੋਸ਼ਲ ਮੀਡੀਆ ਉੱਤੇ ਲੋਕਾਂ ਨੂੰ ਚਰਚਾ ਦਾ ਮੁੱਦਾ ਮਿਲ ਗਿਆ। ਹਾਲ ਹੀ ਵਿਚ ਵੇਟ ਨੇ ਜਿਵੇਂ ਹੀ ਆਪਣੇ ਮੁੰਬਈ ਆਉਣ ਦੇ ਬਾਅਦ ਮੁੰਬਈ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ ਉੱਤੇ ਸ਼ੇਅਰ ਕੀਤੀਆਂ ਤਾਂ ਉਨ੍ਹਾਂ ਨੂੰ ਇੱਥੋਂ ਤੱਕ ਦੱਸ ਦਿੱਤਾ ਗਿਆ ਕਿ ਉਹ ਵਿਰਾਟ ਦੇ ਘਰ ਤੋਂ ਕਿੰਨੀ 'ਦੂਰ' ਹੈ।

ਫੈਂਸ ਦੱਸਣ ਲੱਗੇ ਵਿਰਾਟ ਦੇ ਘਰ ਦਾ ਪਤਾ
ਜਿਵੇਂ ਹੀ ਵੇਟ ਨੇ ਆਪਣੀ ਲੋਕੇਸ਼ਨ ਸ਼ੇਅਰ ਕੀਤੀ, ਫੈਂਸ ਨੇ ਝੱਟਪੱਟ ਹੀ ਉਨ੍ਹਾਂ ਨੂੰ ਦੱਸ ਦਿੱਤਾ ਕਿ ਹੁਣ ਉਹ ਵਿਰਾਟ ਦੇ ਕਿੰਨੇ ਕਰੀਬ ਆ ਗਈ ਹੈ। ਫੈਂਸ ਨੇ ਉਨ੍ਹਾਂ ਨੂੰ ਦੱਸਿਆ ਕਿ ਉਹ ਵਿਰਾਟ ਦੇ ਘਰ ਤੋਂ ਸਿਰਫ 12 ਕਿਲੋਮੀਟਰ ਹੀ ਦੂਰ ਹੈ। ਇੱਥੋਂ ਤੱਕ ਕਿ ਉਨ੍ਹਾਂ ਨੂੰ ਮੈਪ ਤੋਂ ਜਾਣਕਾਰੀ ਵੀ ਦੇ ਦਿੱਤੀ ਗਈ ਕਿ ਕਿੰਝ ਇਹ ਦੂਰੀ ਤੈਅ ਕੀਤੀ ਜਾ ਸਕਦੀ ਹੈ ਅਤੇ ਉੱਥੇ ਪੁੱਜਣ ਦੇ ਕਿੰਨੇ ਰਸਤੇ ਹਨ ਅਤੇ ਉੱਥੇ ਪੁੱਜਣ ਵਿੱਚ ਕਿੰਨਾ ਸਮਾਂ ਲੱਗੇਗਾ।