ਅਮਰੀਕਾ ਦੀਆਂ ''ਪਾਬੰਦੀਆਂ'' ਦੇ ਡਰ ਕਾਰਨ ਗੱਲਬਾਤ ਨੂੰ ਤਿਆਰ ਨਹੀਂ ਹੋਇਆ ਉੱਤਰ ਕੋਰੀਆ

03/21/2018 10:59:44 PM

ਪਿਓਂਗਯਾਂਗ — ਉੱਤਰ ਕੋਰੀਆ ਦੀ ਸਰਕਾਰੀ ਮੀਡੀਆ ਨੇ ਸਪੱਸ਼ਟ ਕੀਤਾ ਹੈ ਕਿ ਉੱਤਰ ਕੋਰੀਆ ਪਾਬੰਦੀਆਂ ਦੇ ਡਰ ਕਾਰਨ ਨਹੀਂ ਬਲਕਿ ਆਪਣੇ ਆਤਮ-ਵਿਸ਼ਵਾਸ ਕਾਰਨ ਦੱਖਣੀ ਕੋਰੀਆ ਅਤੇ ਅਮਰੀਕਾ ਨਾਲ ਗੱਲ ਕਰਨ ਨੂੰ ਤਿਆਰ ਹੈ। ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੇ ਕਿਮ ਜੋਂਗ ਓਮ ਨਾਲ ਮਿਲਣ ਦਾ ਪ੍ਰਸਤਾਵ ਸਵੀਕਾਰ ਕਰਨ ਤੋਂ ਬਾਅਦ ਕੋਰੀਅਨ ਸੈਂਟ੍ਰਲ ਨਿਊਜ਼ੀ ਏਜੰਸੀ (ਕੇ. ਸੀ. ਐੱਨ. ਏ.) ਵੱਲੋਂ ਇਹ ਗੱਲ ਸਾਹਮਣੇ ਆਈ ਹੈ। ਇਸ ਰਿਪੋਰਟ 'ਚ ਨਿੰਦਾ ਕਰਨ ਵਾਲਿਆਂ ਨੂੰ ਛੋਟੀ ਸੋਚ ਦਾ ਕਹਿ ਕੇ ਉਨ੍ਹਾਂ ਦੀ ਨਿੰਦਾ ਕੀਤੀ ਗਈ ਹੈ ਜੋ ਉੱਤਰ ਕੋਰੀਆ ਦੇ ਇਰਾਦੇ 'ਤੇ ਸਵਾਲ ਚੁੱਕੇ ਰਹੇ ਹਨ।
ਰਾਸ਼ਟਰਪਤੀ ਟਰੰਪ ਅਤੇ ਕਿਮ ਜੋਂਗ ਦੀ ਮੁਲਾਕਾਤ ਕਦੋਂ ਅਤੇ ਕਿਵੇਂ ਹੋਵੇਗੀ, ਇਸ ਦੇ ਬਾਰੇ 'ਤ ਅਜੇ ਜਾਣਕਾਰੀ ਨਹੀਂ ਮਿਲੀ। ਜੇਕਰ ਅਜਿਹਾ ਹੁੰਦਾ ਹੈ ਤਾਂ ਅਮਰੀਕਾ ਅਤੇ ਉੱਤਰ ਕੋਰੀਆ ਦੇ ਸੱਤਾ ਪ੍ਰਮੁੱਖਾਂ ਵਿਚਾਲੇ ਇਹ ਪਹਿਲੀ ਮੁਲਾਕਾਤ ਹੋਵੇਗੀ। ਇਸ ਸਾਲ ਫਰਵਰੀ 'ਚ ਹੀ ਅਮਰੀਕਾ ਨੇ ਉੱਤਰ ਕੋਰੀਆ 'ਤੇ ਹੁਣ ਤੱਕ ਦੇ ਸਭ ਤੋਂ ਵੱਡੀਆਂ ਪਾਬੰਦੀਆਂ ਲਾਈਆਂ ਸਨ ਜਿਸ ਨੂੰ ਟਰੰਪ ਦੇ ਸ਼ਬਦਾਂ 'ਚ ਕਿਹਾ ਜਾਵੇ ਤਾਂ ਇਹ ਉੱਤਰ ਕੋਰੀਆ ਖਿਲਾਫ 'ਅਧਿਕਤਮ (ਜ਼ਿਆਦਾਤਰ) ਦਬਾਅ ਦਾ ਅਭਿਆਨ' ਹੈ। ਕੇ. ਸੀ. ਐੱਨ. ਏ. ਨੇ ਸਿੱਧੇ ਤੌਰ 'ਤੇ ਤਾਂ ਇਸ ਸੰਭਾਵਿਤ ਗੱਲਬਾਤ 'ਤੇ ਕੁਝ ਨਹੀਂ ਕਿਹਾ, ਪਰ ਇਸ ਦੇ ਮੁਤਾਬਕ ਇਸ ਸ਼ਾਂਤੀ ਪ੍ਰਸਤਾਵ ਤੋਂ ਉੱਤਰ ਕੋਰੀਆ ਅਤੇ ਅਮਰੀਕਾ ਦੇ ਰਿਸ਼ਤਿਆਂ 'ਚ ਬਦਲਾਅ ਦਾ ਸੰਕੇਤ ਨਜ਼ਰ ਆਉਣ ਲੱਗਾ ਹੈ। ਸੰਭਾਵਿਤ ਗੱਲਬਾਤ ਦੀਆਂ ਖਬਰਾਂ ਆਉਣ ਤੋਂ ਬਾਅਦ ਇਹ ਪਹਿਲੀ ਵਾਰ ਹੈ ਜਦੋਂ ਕੇ. ਸੀ. ਐੱਨ. ਏ. ਨੇ ਅਮਰੀਕਾ 'ਤੇ ਉੱਤਰ ਕੋਰੀਆ ਦੀ ਬਦਲਦੀ ਨੀਤੀ ਦਾ ਜ਼ਿਕਰ ਕੀਤਾ ਹੈ।
ਮੰਗਲਵਾਰ ਨੂੰ ਆਏ ਇਸ ਸੰਪਾਦਕੀ 'ਚ ਕਿਹਾ ਗਿਆ ਹੈ, 'ਉੱਤਰ ਕੋਰੀਆ ਦਾ ਸ਼ਾਂਤੀ ਪ੍ਰਸਤਾਵ ਉਸ ਦੇ ਆਤਮ-ਵਿਸ਼ਵਾਸ ਨੂੰ ਦਿਖਾਉਂਦਾ ਹੈ ਕਿ ਜਿਸ ਦਾ ਮਤਲਬ 'ਉਨ੍ਹਾਂ ਨੇ ਉਹ ਪਾਇਆ ਜੋਂ ਉਨ੍ਹਾਂ ਚਾਹਿਆ।' ਇਹ ਕਹਿਣਾ ਬਕਵਾਸ ਹੈ ਕਿ ਉੱਤਰ ਕੋਰੀਆ ਦਾ ਇਹ ਕਦਮ ਪਾਬੰਦੀ ਜਾਂ ਦਬਾਅ ਦਾ ਨਤੀਜਾ ਹੈ। ਅਜਿਹਾ ਕਹਿਣ ਵਾਲੇ ਆਪਣੇ ਛੋਟੀ ਸੋਚ ਜ਼ਾਹਿਰ ਕਰ ਰਹੇ ਹਨ ਤਾਂ ਕਿ ਮਾਹੌਲ ਖਰਾਬ ਹੋਵੇ। ਇਸ ਮਹੀਨੇ ਦੀ ਸ਼ੁਰੂਆਤ 'ਚ ਹੀ ਮੁਲਾਕਾਤ ਦੀ ਸੰਭਾਵਨਾ 'ਤੇ ਚਰਚਾ ਸ਼ੁਰੂ ਹੋਈ। ਕਿਮ ਜੋਂਗ ਨੇ ਦੱਖਣੀ ਕੋਰੀਆ ਦੇ ਹੱਥੋਂ ਅਮਰੀਕਾ ਨੂੰ ਇਹ ਦੇਸ਼ ਪਹੁੰਚਾਇਆ ਕਿ ਉਹ ਟਰੰਪ ਨੂੰ ਮਿਲਣਾ ਚਾਹੁੰਦੇ ਹਨ ਅਤੇ ਆਪਣੇ ਪ੍ਰਮਾਣੂ ਪ੍ਰੋਗਰਾਮਾਂ ਨੂੰ ਛੇੜ ਦੇਣ ਲਈ ਪ੍ਰਤੀਬੱਧ ਹਨ। ਟਰੰਪ ਨੇ ਇਸ ਪ੍ਰਸਤਾਵ ਨੂੰ ਸਵੀਕਾਰ ਕੀਤਾ, ਪਰ ਉਸ ਤੋਂ ਬਾਅਦ ਹੀ ਇਸ ਗੱਲਬਾਤ ਨੂੰ ਲੈ ਕੇ ਉੱਤਰ ਕੋਰੀਆ ਨੇ ਕੋਈ ਅਧਿਕਾਰਕ ਬਿਆਨ ਨਹੀਂ ਦਿੱਤਾ ਹੈ। 1 ਸਾਲ ਦੀ ਉਰਗ ਕੂਟਨੀਤੀ ਅਤੇ ਧਮਕੀਆਂ ਤੋਂ ਬਾਅਦ ਇਹ ਇਕ ਵੱਡਾ ਅਤੇ ਮਹੱਤਵਪੂਰਣ ਕਦਮ ਮੰਨਿਆ ਗਿਆ।
ਦੱਖਣੀ ਕੋਰੀਆ ਦੇ ਰਾਸ਼ਟਰਪਤੀ ਮੂਨ-ਜੇ-ਇਨ ਵੀ ਅਪ੍ਰੈਲ 'ਚ ਉੱਤਰ ਕੋਰੀਆ ਦੇ ਨੇਤਾ ਕਿਮ ਜੋਂਗ ਓਮ ਨਾਲ ਮਿਲਣ ਵਾਲੇ ਹਨ ਅਤੇ ਉਨ੍ਹਾਂ ਨੇ ਸੰਕਤੇ ਦਿੱਤਾ ਹੈ ਕਿ 3 ਦੇਸ਼ਾਂ ਦੀ ਸ਼ਿਖਰ ਗੱਲਬਾਤ ਵੀ ਸੰਭਵ ਹੈ। ਦੱਖਣੀ ਕੋਰੀਆ ਅਤੇ ਉੱਤਰ ਕੋਰੀਆ ਦੇ ਰਿਸ਼ਤਿਆਂ 'ਚ ਵਿੰਟਰ ਓਲੰਪਿਕ ਦੇ ਦੌਰਾਨ ਨਰਮੀ ਦੇਖੀ ਗਈ ਸੀ ਜਦੋਂ ਦੋਵੇਂ ਦੇਸ਼ ਸੰਯੁਕਤ ਝੰਡੇ ਦੇ ਹੇਠਾਂ ਦੇਖੇ ਗਏ। ਦੱਖਣੀ ਕੋਰੀਆ ਅਤੇ ਅਮਰੀਕਾ ਨੇ ਆਪਣੀ ਸਾਲਾਨਾ ਸਾਂਝਾ ਫੌਜੀ ਅਭਿਆਸ ਨੂੰ ਰੱਦ ਕਰ ਦਿੱਤਾ ਸੀ ਜਿਸ ਕਾਰਨ ਉੱਤਰ ਅਤੇ ਦੱਖਣੀ ਕੋਰੀਆ ਦੇ ਵਿਚਾਲੇ ਗੱਲਬਾਤ ਹੋਣਾ ਤੈਅ ਹੋ ਪਾਇਆ। ਹੁਣ ਇਹ ਫੌਜੀ ਅਭਿਆਸ ਅਗਲੇ ਮਹੀਨੇ ਹੋਵੇਗਾ।


Related News