ਅਨੁਸ਼ਕਾ ਦਾ ਹੈਰਾਨੀਜਨਕ ਖੁਲਾਸਾ, ਸ਼ੂਟਿੰਗ ਦੌਰਾਨ ਸ਼ਾਹਰੁਖ ਦੇ ਖਾਸ ਦੋਸਤ ਨੇ ਕੀਤੀ ਗੰਦੀ ਹਰਕਤ
3/21/2018 5:21:33 PM
ਮੁੰਬਈ(ਬਿਊਰੋ)— ਬਾਲੀਵੁੱਡ ਅਦਾਕਾਰਾ ਅਨੁਸ਼ਕਾ ਸ਼ਰਮਾ ਨੇ ਹਾਲ ਹੀ 'ਚ ਇਕ ਹੈਰਾਨੀਜਨਕ ਖੁਲਾਸਾ ਕੀਤਾ ਹੈ। ਅਸਲ 'ਚ ਅਨੁਸ਼ਕਾ ਨੇ 'ਐ ਦਿਲ ਹੈ ਮੁਸ਼ਕਿਲ' ਫਿਲਮ ਦੀ ਸ਼ੂਟਿੰਗ ਦੌਰਾਨ ਸ਼ਾਹਰੁਖ ਖਾਨ ਦੇ ਖਾਸ ਦੋਸਤ ਤੇ ਮਸ਼ਹੂਰ ਫਿਲਮਕਾਰ ਕਰਨ ਜੌਹਰ 'ਤੇ ਕਈ ਵਾਰ ਗਲਤ ਤਰੀਕੇ ਨਾਲ ਛੂੰਹਣ ਦਾ ਦੋਸ਼ ਲਗਾਇਆ ਹੈ।
'ਕਾਫੀ ਕਰਨ ਵਿਦ' ਸ਼ੋਅ 'ਚ ਅਨੁਸ਼ਕਾ ਨੇ ਕਰਨ ਜੌਹਰ ਨੂੰ ਇਥੋਂ ਤੱਕ ਕਹਿ ਦਿੱਤਾ ਸੀ ਕਿ ਉਹ ਉਨ੍ਹਾਂ ਵਿਰੁੱਧ ਸੈਕਸ਼ੂਅਲ ਹੈਰੇਸਮੈਂਟ ਦਾ ਕੇਸ ਵੀ ਦਰਜ ਕਰਵਾਉਣ ਵਾਲੀ ਸੀ।''
ਖਬਰਾਂ ਦੀ ਮੰਨੀਏ ਤਾਂ ਇਹ ਮਾਮਲਾ ਉਸ ਸਮੇਂ ਦਾ ਹੈ, ਜਦੋਂ ਕਰਨ ਨੇ ਅਨੁਸ਼ਕਾ ਨੂੰ ਕਿਹਾ ਸੀ ਕਿ ਫਿਲਮ ਦੀ ਸ਼ੂਟਿੰਗ ਦੌਰਾਨ ਉਹ ਕਾਫੀ ਖੂਬਸੂਰਤ ਲੱਗ ਰਹੀ ਸੀ, ਜਿਸ ਕਾਰਨ ਉਨ੍ਹਾਂ 'ਤੇ ਕਰਨ ਦਾ ਕ੍ਰਸ਼ ਸੀ।
ਇਸ ਗੱਲ ਦਾ ਜਵਾਬ ਦਿੰਦੇ ਹੋਏ ਅਨੁਸ਼ਕਾ ਨੇ ਸਾਰਿਆ ਸਾਹਮਣੇ ਉਸ ਘਟਨਾ ਨੂੰ ਸ਼ੇਅਰ ਕੀਤਾ।
ਕਰਨ ਕਈ ਅਭਿਨੇਤਰੀਆਂ ਨਾਲ ਕਰ ਚੁੱਕੇ ਹਨ ਅਜਿਹੀ ਹਰਕਤ
ਅਨੁਸ਼ਕਾ ਦੇ ਦੋਸ਼ਾਂ 'ਤੇ ਜਦੋਂ ਕਰਨ ਨੇ ਸਫਾਈ ਦੇਣੀ ਚਾਹੀ ਤਾਂ ਅਨੁਸ਼ਕਾ ਨੇ ਉਨ੍ਹਾਂ ਨੂੰ ਰੋਕਦੇ ਹੋਏ ਉਨ੍ਹਾਂ 'ਤੇ ਇਕ ਹੋਰ ਬਾਲੀਵੁੱਡ ਅਦਾਕਾਰਾ ਨਾਲ ਛੇੜਛਾੜ ਕਰਨ ਦਾ ਦੋਸ਼ ਲਗਾ ਦਿੱਤਾ।
ਅਨੁਸ਼ਕਾ ਨੇ ਕਰਨ ਦੇ ਇਕ ਹੋਰ ਕਾਰਨਾਮੇ ਦੀ ਖੋਲ੍ਹੀ ਪੋਲ
ਇਸੇ ਸਾਲ ਉਨ੍ਹਾਂ ਨੇ ਫੈਸ਼ਨ ਡਿਜ਼ਾਈਨਰ ਮਨੀਸ਼ ਮਲਹੋਤਰਾ ਦੀ ਪਾਰਟੀ 'ਚ ਜੈਕਲੀਨ ਫਰਨਾਂਡੀਜ਼ ਨਾਲ ਵੀ ਅਜਿਹੀ ਹਰਕਤ ਕੀਤੀ ਸੀ।
ਅਨੁਸ਼ਕਾ ਤੇ ਕਰਨ ਦੀ ਗੱਲ ਨੂੰ ਵੱਧਦੇ ਦੇਖ ਸ਼ੋਅ 'ਚ ਹਿੱਸਾ ਲੈਣ ਪੁੱਜੀ ਕੈਟਰੀਨਾ ਕੈਫ ਨੇ ਗੱਲ ਨੂੰ ਖਤਮ ਕਰਦੇ ਹੋਏ ਗਰਮ ਮਾਹੌਲ ਨੂੰ ਸ਼ਾਂਤ ਕਰਨ ਦੀ ਕੋਸ਼ਿਸ਼ ਕੀਤੀ।
ਇੰਨਾ ਹੀ ਨਹੀਂ ਕੈਟਰੀਨਾ ਨੇ ਅਨੁਸ਼ਕਾ ਨੂੰ ਕਿਹਾ ਕਿ ਹੋ ਸਕਦਾ ਹੈ ਕਿ ਤੁਹਾਨੂੰ ਗਲਤੀ ਲੱਗੀ ਹੋਵੇਗੀ ਕਿ ਕਰਨ ਤੁਹਾਨੂੰ ਗਲਤ ਤਰੀਕੇ ਨਾਲ ਛੂਹ ਰਹੇ ਹਨ।
ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ
