ਰੌਂਗਟੇ ਖੜ੍ਹੇ ਕਰ ਦੇਣਗੀਆਂ ਤਸਵੀਰਾਂ, ਉਹ ਚੀਕਦਾ ਰਿਹਾ ਪਰ ਚੱਲਦੇ ਰਹੇ ਲੱਤਾਂ-ਮੁੱਕੇ

ਜਬਲਪੁਰ— ਮੱਧ ਪ੍ਰਦੇਸ਼ ਦੇ ਜਬਲਪੁਰ ਵਿਚ ਇਨਸਾਨੀਅਤ ਨੂੰ ਸ਼ਰਮਸਾਰ ਕਰਨ ਦੇਣ ਵਾਲਾ ਵੀਡੀਓ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ। ਇਕ ਮਾਮੂਲੀ ਜਿਹੀ ਗਲਤੀ ਕਾਰਨ ਆਟੋ ਡਰਾਈਵਰ ਨੂੰ ਸ਼ਰੇਆਮ ਬੇਰਹਿਮੀ ਨਾਲ ਕੁੱਟਿਆ ਗਿਆ ਅਤੇ ਲੋਕ ਤਮਾਸ਼ਬੀਨ ਬਣ ਵੇਖਦੇ ਰਹੇ। ਵੀਡੀਓ ਨੂੰ ਵੇਖਣ ਮਗਰੋਂ ਲੋਕਾਂ ਦੇ ਰੌਂਗਟੇ ਖੜ੍ਹੇ ਹੋ ਜਾਣਗੇ। ਵੀਡੀਓ ਅਤੇ ਤਸਵੀਰਾਂ 'ਚ ਆਟੋ ਡਰਾਈਵਰ ਨੂੰ 3-4 ਦਬੰਗ ਬਣੇ ਨੌਜਵਾਨ ਬੇਰਹਿਮੀ ਨਾਲ ਕੁੱਟਮਾਰ ਕਰ ਰਹੇ ਹਨ। ਆਟੋ ਡਰਾਈਵਰ ਬਚਾਓ-ਬਚਾਓ ਚੀਕਦਾ ਰਿਹਾ ਪਰ ਆਲੇ-ਦੁਆਲੇ ਦੇ ਲੋਕ ਵੀਡੀਓ ਬਣਾਉਣ 'ਚ ਰੁੱਝੇ ਰਹੇ ਪਰ ਕਿਸੇ ਨੇ ਉਸ ਨੂੰ ਬਚਾਉਣ ਜਾਂ ਪੁਲਸ ਨੂੰ ਬੁਲਾਉਣ ਦੀ ਹਿੰਮਤ ਨਹੀਂ ਦਿਖਾਈ। ਆਖ਼ਰਕਾਰ ਨੌਜਵਾਨ ਆਟੋ ਡਰਾਈਵਰ ਨੂੰ ਅੱਧ ਮਰਿਆ ਕਰ ਕੇ ਆਪਣੀ ਬਾਈਕ 'ਤੇ ਚੁੱਕ ਕੇ ਲੈ ਗਏ।

संस्कारधानी जबलपुर में ऑटो चालक की बेरहमी से पिटाई का वायरल होता वीडियो... ऑटो चालक बचाओ-बचाओ चलाता रहा और लोग तमाशबीन बने वीडियो बनाते रहे...@jabalpurpolice pic.twitter.com/01BrnfN73a

— Punjab Kesari-MadhyaPradesh/Chhattisgarh (@punjabkesarimp) October 13, 2020

ਦੱਸਿਆ ਜਾ ਰਿਹਾ ਹੈ ਕਿ ਆਟੋ ਅਤੇ ਸਕੂਟੀ ਦੀ ਟੱਕਰ ਹੋਣ ਤੋਂ ਬਾਅਦ ਨੌਜਵਾਨ ਭੜਕ ਗਏ ਅਤੇ ਆਟੋ ਡਰਾਈਵਰ ਨੂੰ ਲੱਤਾਂ-ਮੁੱਕਿਆਂ ਨਾਲ ਕੁੱਟਣਾ ਸ਼ੁਰੂ ਕਰ ਦਿੱਤਾ। ਨੌਜਵਾਨਾਂ ਦੀ ਬਦਮਾਸ਼ੀ ਇਸ ਕਦਰ ਸੀ ਕਿ ਮੰਨੋ ਉਨ੍ਹਾਂ 'ਤੇ ਖੂਨ ਸਵਾਰ ਹੋਵੇ, ਇਸ ਦੌਰਾਨ ਇਕ ਵਾਰ ਵੀ ਅਜਿਹਾ ਨਹੀਂ ਲੱਗਾ ਕਿ ਉਨ੍ਹਾਂ ਨੂੰ ਕਿਸੇ ਪੁਲਸ ਜਾਂ ਕਾਨੂੰਨ ਦਾ ਕੋਈ ਖ਼ੌਫ ਹੋਵੇ। ਘਟਨਾ ਦੌਰਾਨ ਮੌਕੇ 'ਤੇ ਪੁਲਸ ਨਹੀਂ ਪੁੱਜੀ।

ਹਮਲਾਵਰ ਬਿਨਾਂ ਨੰਬਰ ਦੀ ਬਾਈਕ ਅਤੇ ਕਾਰ 'ਤੇ ਸਵਾਰ ਹੋ ਕੇ ਪੁੱਜੇ ਸਨ। ਚਸ਼ਮਦੀਦਾਂ ਦਾ ਕਹਿਣਾ ਹੈ ਕਿ ਹਮਲਾਵਰਾਂ ਖ਼ਿਲਾਫ਼ ਮੁਕੱਦਮਾ ਦਰਜ ਕੀਤਾ ਜਾਣਾ ਚਾਹੀਦਾ ਹੈ। ਹਾਲਾਂਕਿ ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ ਆਧਾਰਤਾਲ ਥਾਣੇ ਵਿਚ ਦੋਸ਼ੀਆਂ ਖ਼ਿਲਾਫ਼ ਮਾਮਲਾ ਦਰਜ ਹੋਇਆ ਹੈ ਪਰ ਦੋਸ਼ੀ ਅਜੇ ਵੀ ਪੁਲਸ ਦੀ ਗ੍ਰਿਫ਼ਤ 'ਚੋਂ ਬਾਹਰ ਹਨ।