ਥਾਈਲੈਂਡ 'ਚ ਮੋਦੀ ਨੇ 550ਵੇਂ ਪ੍ਰਕਾਸ਼ ਪੁਰਬ ਨੂੰ ਸਮਰਪਿਤ 'ਯਾਦਗਾਰੀ ਸਿੱਕੇ' ਕੀਤੇ ਜਾਰੀ

ਬੈਂਕਾਕ/ਨਵੀਂ ਦਿੱਲੀ (ਬਿਊਰੋ): ਥਾਈਲੈਂਡ ਦੇ ਤਿੰਨ ਦਿਨੀਂ ਦੌਰੇ 'ਤੇ ਬੈਂਕਾਕ ਪਹੁੰਚੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਸ਼ਨੀਵਾਰ ਨੂੰ ਭਾਰਤੀ ਮੂਲ ਦੇ ਲੋਕਾਂ ਨੂੰ ਸੰਬੋਧਿਤ ਕੀਤਾ। ਇਸ ਤੋਂ ਪਹਿਲਾਂ ਬੈਂਕਾਕ ਵਿਚ ਆਯੋਜਿਤ 'ਸਵਾਸਦੀ ਪੀ.ਐੱਮ. ਮੋਦੀ' ਭਾਈਚਾਰਕ ਪ੍ਰੋਗਰਾਮ ਦੌਰਾਨ ਉਨ੍ਹਾਂ ਨੇ ਸ੍ਰੀ ਗੁਰੂ ਨਾਨਕ ਦੇਵ ਜੀ ਦੇ 550ਵੇਂ ਪ੍ਰਕਾਸ਼ ਪੁਰਬ ਦੇ ਸਿਲਸਿਲੇ ਵਿਚ ਇਕ ਸਿੱਕਾ ਜਾਰੀ ਕੀਤਾ। 

ਅੱਜ ਬੈਂਕਾੱਕ ਵਿਖੇ ਗੁਰੂ ਨਾਨਕ ਦੇਵ ਜੀ ਦੇ 550ਵੇਂ ਪ੍ਰਕਾਸ਼ ਪੁਰਬ ਨੂੰ ਸਮਰਪਿਤ ਤੇ ਉਨ੍ਹਾਂ ਦੇ ਸਨਮਾਨ ਵਿੱਚ ਯਾਦਗਾਰੀ ਸਿੱਕੇ ਜਾਰੀ ਕੀਤੇ ਗਏ। ਮੈਨੂੰ ਖੁਸ਼ੀ ਹੈ ਕਿ ਗੁਰੂ ਨਾਨਕ ਦੇਵ ਜੀ ਦੇ ਸਿਧਾਂਤਾ, ਸਿੱਖਿਆਵਾਂ ਦਾ ਨਾ ਸਿਰਫ਼ ਥਾਈਲੈਂਡ ਸਗੋਂ ਪੂਰੀ ਦੁਨੀਆਂ ਵਿੱਚ ਸਤਿਕਾਰ ਕੀਤਾ ਜਾਂਦਾ ਹੈ। pic.twitter.com/vFNe4ULWrL

— Narendra Modi (@narendramodi) November 2, 2019

ਇੱਥੇ ਦੱਸ ਦਈਏ ਕਿ ਥਾਈਲੈਂਡ ਵਿਚ ਕਰੀਬ 2.5 ਲੱਖ ਲੋਕ ਭਾਰਤੀ ਭਾਈਚਾਰੇ ਦੇ ਲੋਕ ਰਹਿੰਦੇ ਹਨ। ਇਸ ਮੌਕੇ ਮੋਦੀ ਨੇ ਤਮਿਲ ਕਲਾਸਿਕ 'ਤਿਰੂਕੁਰਲ' ਦਾ ਥਾਈ ਅਨੁਵਾਦ ਵੀ ਜਾਰੀ ਕੀਤਾ।

Thailand: Prime Minister Narendra Modi releases a commemorative coin marking the 550th birth anniversary of Guru Nanak Dev & also releases a Thai translation of Tamil classic 'Tirukkural', at the #SawasdeePMModi event in Bangkok. pic.twitter.com/EosGzVbkXY

— ANI (@ANI) November 2, 2019

'ਤਿਰੂਕੁਰਲ' ਕਵੀ ਤਿਰੂਵਲੁਵਰ ਵੱਲੋਂ ਲਿਖਿਆ ਗਿਆ ਹੈ। ਇਸ ਦਾ ਅਨੁਵਾਦ ਕਈ ਭਾਸ਼ਾਵਾਂ ਵਿਚ ਕੀਤਾ ਗਿਆ ਹੈ। ਥਾਈਲੈਂਡ ਵਿਚ ਤਮਿਲ ਭਾਈਚਾਰੇ ਨੇ ਪਹਿਲੀ ਵਾਰ ਥਾਈ ਭਾਸ਼ਾ ਵਿਚ ਇਸ ਦਾ ਅਨੁਵਾਦ ਕੀਤਾ ਸੀ।