48 ਘੰਟੇ ਬਾਅਦ ਬੋਰਵੈੱਲ 'ਚੋਂ ਸੁਰੱਖਿਅਤ ਕੱਢਿਆ ਗਿਆ ਮਾਸੂਮ
03/22/2019 5:49:50 PM
ਹਿਸਾਰ-ਹਰਿਆਣਾ ਦੇ ਹਿਸਾਰ 'ਚ 60 ਫੁੱਟ ਡੂੰਘੇ ਬੋਰਵੈੱਲ 'ਚ ਫਸੇ ਡੇਢ ਸਾਲਾ ਮਾਸੂਮ ਨੂੰ ਬਚਾਅ ਦਲ ਨੇ ਬਚਾਅ ਲਿਆ ਹੈ। ਰੈਸਕਿਊ ਆਪਰੇਸ਼ਨ ਕਰੀਬ 48 ਘੰਟੇ ਬਾਅਦ ਖਤਮ ਹੋ ਗਿਆ। ਬੱਚੇ ਨੂੰ ਸੁਰੱਖਿਅਤ ਬਾਹਰ ਕੱਢ ਲਿਆ ਗਿਆ ਹੈ ਅਤੇ ਉਸ ਨੂੰ ਮੈਡੀਕਲ ਲਈ ਹਸਪਤਾਲ ਲਿਜਾਇਆ ਗਿਆ ਹੈ। ਜਿਥੇ ਉਸ ਦਾ ਇਲਾਜ ਕੀਤਾ ਜਾ ਰਿਹਾ ਹੈ। ਮੌਕੇ 'ਤੇ ਫੌਜ ਦੇ ਜਵਾਨ, ਐੱਨ. ਡੀ. ਆਰ. ਐੱਫ. ਦੀਆਂ 2 ਟੀਮਾਂ, ਪੁਲਸ ਫੋਰਸ, ਪ੍ਰਸ਼ਾਸਨਿਕ ਅਧਿਕਾਰੀ, ਜ਼ਿਲੇ ਦੇ ਉੱਚ ਅਫ਼ਸਰ ਅਤੇ ਕਾਫੀ ਗਿਣਤੀ 'ਚ ਲੋਕ ਮੌਜੂਦ ਹਨ।
ਜ਼ਿਕਰਯੋਗ ਹੈ ਕਿ ਹਿਸਾਰ ਦੇ ਬਾਲਸਮੰਦ ਖੇਤਰ ਦੀ ਇਕ ਢਾਣੀ ਕੋਲ ਬੁੱਧਵਾਰ ਨੂੰ ਬੱਚੇ ਖੇਡ ਰਹੇ ਸਨ। ਸ਼ਾਮ 5.15 ਵਜੇ ਡੇਢ ਸਾਲ ਦਾ ਨਦੀਮ ਇਕ ਖੁੱਲ੍ਹੇ ਬੋਰਵੈੱਲ 'ਚ ਡਿੱਗ ਗਿਆ।