ਨਹਿਰੂ, ਇੰਦਰਾ ਦੇ ਉਤਰਾਧਿਕਾਰੀਆਂ ਨੇ ਯੋਗ ਦਾ ਸਮਾਨ ਨਹੀਂ ਕੀਤਾ, ਇਸ ਲਈ ਕਾਂਗਰਸ ਸੱਤਾ ਤੋਂ ਹੋਈ ਬਾਹਰ : ਰਾਮਦੇਵ

ਮੁੰਬਈ—ਯੋਗ ਗੁਰੂ ਰਾਮਦੇਵ ਨੇ ਬੁੱਧਵਾਰ ਨੂੰ ਕਿਹਾ ਕਿ ਜਵਾਹਰ ਲਾਲ ਨਹਿਰੂ ਅਤੇ ਇੰਦਰਾ ਗਾਂਧੀ ਨੇ ਲੋਕਾਂ ਤੋਂ ਲੁੱਕ ਕੇ ਯੋਗ ਕੀਤਾ ਪਰ ਉਨ੍ਹਾਂ ਦੇ ਉਤਰਾਧਿਕਾਰੀਆਂ ਨੇ ਇਸ ਨੂੰ ਸਮਾਨ ਨਹੀਂ ਦਿੱਤਾ ਅਤੇ ਇਸ ਲਈ ਸੱਤਾ ਉਨ੍ਹਾਂ ਤੋਂ ਦੂਰ ਚੱਲ ਗਈ ਕਿਉਂਕਿ ਜੋ ਯੋਗ ਕਰਦੇ ਹਨ ਭਗਵਾਨ ਸਿੱਧਾ ਉਨ੍ਹਾਂ ਨੂੰ ਆਪਣਾ ਆਸ਼ੀਰਵਾਦ ਦਿੰਦੇ ਹਨ। ਰਾਮਦੇਵ ਨੇ ਭਰੋਸਾ ਜਤਾਇਆ ਕਿ ਪ੍ਰਧਾਨ ਮੰਤਰੀ ਦੀ ਅਗਵਾਈ 'ਚ ਧਾਰਾ 370 ਅਤੇ ਤਿੰਨ ਤਲਾਕ ਵਰਗੇ ਮੁੱਦਿਆਂ 'ਤੇ ਵੱਡੇ ਕੰਮ ਕੀਤੇ ਜਾਣਗੇ। ਰਾਮਦੇਵ 21 ਜੂਨ ਨੂੰ ਮਹਾਰਾਸ਼ਟਰ ਦੇ ਨਾਂਦੇੜ 'ਚ ਅੰਤਰ ਰਾਸ਼ਰਟੀ ਯੋਗ ਦਿਵਸ ਪ੍ਰੋਗਰਾਮ 'ਚ ਸ਼ਾਮਲ ਹੋਣਗੇ। ਇਸ 'ਚ ਮੁੱਖ ਮੰਤਰੀ ਦੇਵੇਂੜ ਫਣਡਵੀਸ ਵੀ ਭਾਗ ਲੈਣਗੇ।

ਉਨ੍ਹਾਂ ਨੇ ਕਿਹਾ ਕਿ ਮੋਦੀ ਅਜਿਹੇ ਪਹਿਲੇ ਪ੍ਰਧਾਨ ਮੰਤਰੀ ਹਨ ਜੋ ਲੋਕਾਂ ਵਿਚਾਲੇ ਜਾ ਕੇ ਯੋਗ ਕਰਦੇ ਹਨ। ਉਨ੍ਹਾਂ ਨੇ ਕਿਹਾ ਕਿ ਭਾਜਪਾ ਦੇ ਸਾਰੇ ਕੇਂਦਰੀ ਮੰਤਰੀ, ਮੁੱਖ ਮੰਤਰੀ, ਸੰਸਦ ਯੋਗ ਕਰਦੇ ਹਨ। ਰਾਮਦੇਵ ਨੇ ਕਿਹਾ ਕਿ ਇਸ ਨੂੰ ਗੌਰਵ ਪ੍ਰਾਪਤ ਹੋਇਆ ਹੈ। ਇਸ ਤੋਂ ਪਹਿਲਾਂ ਇੰਦਰਾ ਜੀ ਅਤੇ ਨਹਿਰੂ ਜੀ ਲੁੱਕ ਕੇ ਹੀ ਯੋਗ ਕਰਦੇ ਸਨ।