J&K: ਪੁੰਛ 'ਚ ਪਾਕਿ ਨੇ ਕੀਤੀ ਜੰਗਬੰਦੀ ਦੀ ਉਲੰਘਣਾ, ਤਿੰਨ ਨਾਗਰਿਕਾਂ ਦੀ ਮੌਤ
07/17/2020 11:14:42 PM
ਸ਼੍ਰੀਨਗਰ - ਜੰਮੂ-ਕਸ਼ਮੀਰ ਦੇ ਪੁੰਛ ਜ਼ਿਲ੍ਹੇ ਦੇ ਖਾਰੀ ਖਮਰਾਰਾ ਸੈਕਟਰ 'ਚ ਸ਼ੁੱਕਰਵਾਰ ਨੂੰ LoC 'ਤੇ ਪਾਕਿਸਤਾਨ ਨੇ ਗੋਲੀਬਾਰੀ ਕੀਤੀ ਜਿਸ 'ਚ 3 ਨਾਗਰਿਕਾਂ ਦੀ ਮੌਤ ਹੋ ਗਈ।
ਦੱਸਿਆ ਜਾ ਰਿਹਾ ਹੈ ਕਿ ਖਾਰੀ ਖਮਰਾਰਾ ਸੈਕਟਰ 'ਚ ਪਾਕਿਸਤਾਨ ਦੀ ਗੋਲੀਬਾਰੀ ਦੀ ਚਪੇਟ 'ਚ ਮੁਹੰਮਦ ਰਫੀਕ ਦਾ ਘਰ ਆ ਗਿਆ। ਇਸ 'ਚ ਮੁਹੰਮਦ ਰਫੀਕ (58), ਉਨ੍ਹਾਂ ਦੀ ਪਤਨੀ ਰਾਫਿਆ ਬੀ (50) ਅਤੇ ਉਨ੍ਹਾਂ ਦਾ ਬੇਟਾ (15/16) ਇਰਫਾਨ ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ। LoC 'ਤੇ ਗੋਲੀਬਾਰੀ ਅਜੇ ਵੀ ਜਾਰੀ ਹੈ। ਘਟਨਾ ਦੇ ਵੇਰਵੇ ਦਾ ਇੰਤਜਾਰ ਹੈ .
ਦੱਸ ਦਈਏ ਕਿ ਐੱਲ.ਓ.ਸੀ. 'ਤੇ ਪਾਕਿਸਤਾਨੀ ਫ਼ੌਜ ਦੀ ਇਹ ਕਾਇਰਾਨਾ ਹਰਕਤ ਲਗਾਤਾਰ ਜਾਰੀ ਹੈ। ਪੁੰਛ ਜ਼ਿਲ੍ਹੇ ਦੇ ਬਾਲਾਕੋਟ ਸੈਕਟਰ 'ਚ 8 ਜੁਲਾਈ ਨੂੰ ਵੀ ਪਾਕਿਸਤਾਨ ਵਲੋਂ ਜੰਗਬੰਦੀ ਦੀ ਉਲੰਘਣਾ ਕੀਤੀ ਗਈ ਸੀ। ਜਿਸ 'ਚ ਇੱਕ ਨਾਗਰਿਕ ਦੀ ਮੌਤ ਹੋ ਗਈ ਸੀ, ਜਦੋਂ ਕਿ ਦੂਸਰਾ ਗੰਭੀਰ ਰੂਪ ਨਾਲ ਜ਼ਖ਼ਮੀ ਹੋ ਗਿਆ ਸੀ।