ਆਨਲਾਈਨ ਮੰਗਵਾਇਆ ਸੀ ਫੋਨ, ਫਿਰ ਡਿੱਬੇ ''ਚ ਜੋ ਨਿਕਲਿਆ ਉਸ ਨੂੰ ਦੇਖ ਫਟੀਆਂ ਰਹਿ ਗਈਆਂ ਅੱਖਾਂ

ਨਵੀਂ ਦਿੱਲੀ—ਆਨਲਾਈਨ ਸ਼ਾਪਿੰਗ ਕਰਨ ਵਾਲੇ ਸਾਵਧਾਨ ਹੋ ਜਾਣ, ਕਿਉਂਕਿ ਕਿਤੇ ਇਸ ਤਰ੍ਹਾਂ ਨਾ ਹੋਵੇ ਕਿ ਆਨਲਾਈਨ ਸ਼ਾਪਿੰਗ ਦੇ ਚੱਕਰ 'ਚ ਤੁਸੀਂ ਠੱਗੀ ਦਾ ਸ਼ਿਕਾਰ ਨਾ ਹੋ ਜਾਓ ਅਤੇ ਆਪਣੀ ਮਿਹਨਤ ਦੀ ਕਮਾਈ ਲੁਟਾ ਬੈਠੋ। ਕੁਝ ਇਸ ਤਰ੍ਹਾਂ ਹੀ ਇਕ ਮਾਮਲਾ ਝਾਰਖੰਡ 'ਚ ਸਾਹਮਣੇ ਆਇਆ ਹੈ, ਜਿੱਥੇ ਆਨਲਾਈਨ ਸ਼ਾਪਿੰਗ ਤੋਂ ਮੰਗਵਾਇਆ ਤਾਂ ਨਵਾਂ ਮੋਬਾਇਲ ਸੀ, ਪਰ ਡਿੱਬੇ 'ਚ ਨਿਕਲੀ ਲਕਸ਼ਮੀ ਗਣੇਸ਼ ਜੀ ਦੀ ਮੂਰਤੀ ਅਤੇ ਲਾਕੇਟ।

ਜਾਣਕਾਰੀ ਮੁਤਾਬਕ ਰਮੇਸ਼ ਮਹਾਨੰਦ ਨਾਂ ਦੇ ਆਦਮੀ ਨੇ ਤਿੰਨ ਹਜ਼ਾਰ ਰੁਪਏ ਦੇ ਕੇ ਆਨਲਾਈਨ ਸ਼ਾਪਿੰਗ ਦੇ ਰਾਹੀਂ ਚਾਈਨੀਜ਼ ਕੰਪਨੀ ਦਾ ਇਕ ਨਵਾਂ ਮੋਬਾਇਲ ਫੋਨ ਆਰਡਰ ਕੀਤਾ ਸੀ। ਮੰਗਲਵਾਰ ਦੇ ਦਿਨ ਰਮੇਸ਼ ਨੂੰ ਸੂਚਨਾ ਮਿਲੀ ਸੀ ਕਿ ਜੀ.ਪੀ.ਓ. 'ਚ ਉਨ੍ਹਾਂ ਦਾ ਇਕ ਪਾਰਸਲ ਆਇਆ ਹੈ। ਰਮੇਸ਼ ਨੇ ਜਦੋਂ ਡਿੱਬਾ ਖੌਲ ਕੇ ਦੇਖਿਆ ਤਾਂ ਉਸ ਦੀਆਂ ਅੱਖਾਂ ਫਟੀਆਂ ਰਹਿ ਗਈਆਂ। ਡਿੱਬੇ 'ਚ ਮੋਬਾਇਲ ਫੋਨ ਦੀ ਥਾਂ ਲਕਸ਼ਮੀ ਗਣੇਸ਼ ਦੀ ਮੂਰਤੀ, ਲਾਕੇਟ, ਸ਼੍ਰੀਯੰਤਰ ਅਤੇ ਚਰਨਪਾਦੁਕਾ ਰੱਖੇ ਹੋਏ ਸੀ। ਇਸ ਦੇ ਬਾਅਦ ਰਮੇਸ਼ ਨੇ ਏਜੰਟ ਦੇ ਨੰਬਰ 'ਤੇ ਕਈ ਵਾਰ ਕਾਲ ਕੀਤਾ, ਪਰ ਕਿਸੇ ਨੇ ਫੋਨ ਨਹੀਂ ਚੁੱਕਿਆ।