...ਜਦੋਂ ਇੰਸਪੈਕਟਰ ਪਿਤਾ ਨੂੰ ਦਰਵਾਜ਼ੇ ਤੋਂ ਚੁੱਪਚਾਪ ਦੇਖਦੀ ਰਹੀ ਮਾਸੂਮ ਬੇਟੀ (ਤਸਵੀਰਾਂ)

ਇੰਦੌਰ- ਕਹਿੰਦੇ ਹਨ ਕੁਝ ਤਸਵੀਰਾਂ ਹਜ਼ਾਰ ਸ਼ਬਦਾਂ ਤੋਂ ਵਧੇਰੇ ਹੁੰਦੀਆਂ ਹਨ, ਜੋ ਇਕ ਝਲਕ ਵਿਚ ਬਹੁਤ ਕੁਝ ਬਿਆਨ ਕਰ ਜਾਂਦੀਆਂ ਹਨ। ਕੋਰੋਨਾ ਦੇ ਦੌਰ ਵਿਚ ਇਕ ਅਜਿਹੀ ਹੀ ਤਸਵੀਰ ਵਾਇਰਲ ਹੋ ਰਹੀ ਹੈ, ਜਿਸ ਵਿਚ ਇਕ ਪੁਲਸ ਇੰਸਪੈਕਟਰ ਆਪਣੇ ਹੀ ਘਰ ਦੇ ਬਾਹਰ ਬੈਠਕੇ ਖਾਣਾ ਖਾ ਰਹੇ ਹਨ ਤੇ ਉਹਨਾਂ ਦੀ ਮਾਸੂਮ ਬੇਟੀ ਉਹਨਾਂ ਨੂੰ ਦਰਵਾਜ਼ੇ ਤੋਂ ਚੁੱਪਚਾਪ ਦੇਖ ਰਹੀ ਹੈ।

ਅਸਲ ਵਿਚ ਇਸ ਤਸਵੀਰ ਵਿਚ ਇੰਦੌਰ ਤੁਕੋਗੰਜ ਥਾਣਾ ਇੰਚਾਰਜ ਨਿਰਮਲ ਸ਼੍ਰੀਵਾਸ ਹਨ ਤੇ ਉਹਨਾਂ ਦੀ ਬੇਟੀ ਹੈ। ਡਿਊਟੀ ਤੋਂ ਸਮਾਂ ਮਿਲਦੇ ਦੀ ਨਿਰਮਲ ਖਾਣਾ ਖਾਣ ਘਰ ਪਹੁੰਚੇ। ਡਿਊਟੀ ਕਾਰਣ ਉਹਨਾਂ ਨੇ ਘਰ ਦੇ ਬਾਹਰ ਹੀ ਭੋਜਨ ਕੀਤਾ। ਬੱਚੀ ਨੇ ਕੋਲ ਆਉਣ ਦੀ ਜ਼ਿੱਦ ਕੀਤੀ ਪਰ ਉਹਨਾਂ ਨੇ ਬੇਟੀ ਨੂੰ ਸਮਝਾਇਆ ਤੇ ਆਪਣੇ ਤੋਂ ਦੂਰ ਰੱਖਿਆ। ਇਸ ਦਾ ਕਾਰਣ ਇਹ ਹੈ ਕਿ ਨਿਰਮਲ ਡਿਊਟੀ ਦੌਰਾਨ ਘਰੋਂ ਬਾਹਰ ਰਹਿੰਦੇ ਹਨ ਤੇ ਉਹਨਾਂ ਨੂੰ ਇਨਫੈਕਸ਼ਨ ਦਾ ਖਤਰਾ ਹੈ। ਇਸੇ ਖਤਰੇ ਕਾਰਨ ਉਹਨਾਂ ਨੇ ਘਰ ਦੇ ਅੰਦਰ ਜਾਣਾ ਠੀਕ ਨਹੀਂ ਸਮਝਿਆ ਤੇ ਬੱਚੀ ਨੂੰ ਆਪਣੇ ਕੋਲ ਨਹੀਂ ਆਉਣ ਦਿੱਤਾ।

ਇਸ ਤਸਵੀਰ ਨੂੰ ਲੋਕ ਬਹੁਤ ਸ਼ੇਅਰ ਕਰ ਰਹੇ ਹਨ। ਮੱਧ ਪ੍ਰਦੇਸ਼ ਦੇ ਮੁੱਖ ਮੰਤਰੀ ਸ਼ਿਵਰਾਜ ਸਿੰਘ ਚੌਹਾਨ ਨੇ ਵੀ ਇਸ ਨੂੰ ਸ਼ੇਅਰ ਕਰਦੇ ਹੋਏ ਲਿਖਿਆ ਕਿ ਇਕ ਪਿਤਾ ਹੋਣ ਦਾ ਫਰਜ਼ ਤੇ ਦੇਸ਼ ਦੇ ਬੇਟੇ ਹੋਣ ਦਾ ਕਰਜ਼, ਇੰਦੌਰ ਦੇ ਨਿਰਮਲ ਜੀ ਤੁਹਾਨੂੰ ਤੇ ਤੁਹਾਡੇ ਜਿਹੇ ਲੱਖਾਂ ਭਾਰਤ ਦੇ ਬੇਟੇ-ਬੇਟੀਆਂ ਨੂੰ ਸਲਾਮ।