15 ਸਾਲ ਤੋਂ 3 ਪ੍ਰੇਮਿਕਾਵਾਂ ਨਾਲ ਲਿਵ-ਇਨ ’ਚ ਰਹਿ ਰਿਹਾ ਸੀ ਸ਼ਖਸ, ਹੁਣ ਤਿੰਨਾਂ ਨਾਲ ਲਏ ਸੱਤ ਫੇਰੇ

ਅਲੀਰਾਜਪੁਰ- ਮੱਧ ਪ੍ਰਦੇਸ਼ ਦੇ ਅਲੀਰਾਜਪੁਰ ਜ਼ਿਲ੍ਹੇ ਤੋਂ ਇਕ ਹੈਰਾਨ ਕਰ ਦੇਣ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ। ਅਲੀਰਾਜਪੁਰ ਜ਼ਿਲ੍ਹੇ ’ਚ ਇਕ ਲਾੜੇ ਨੇ ਆਦਿਵਾਸੀ ਰੀਤੀ-ਰਿਵਾਜਾਂ ਨਾਲ ਇਕ ਨਹੀਂ ਦੋ ਨਹੀਂ ਸਗੋਂ ਕਿ 3 ਪ੍ਰੇਮਿਕਾਵਾਂ ਨਾਲ ਸੱਤ ਫੇਰੇ ਲਏ ਹਨ। ਅਜਿਹਾ ਵਿਆਹ ਕਰਵਾਉਣ ਵਾਲੇ ਲਾੜੇ ਦਾ ਨਾਂ ਸਮਰਥ ਮੌਰਿਆ ਹੈ। ਬਸ ਇੰਨਾ ਹੀ ਨਹੀਂ ਉਸ ਨੇ ਇਹ ਵਿਆਹ ਪ੍ਰੇਮਿਕਾਵਾਂ ਤੋਂ ਹੋਏ 6 ਬੱਚਿਆਂ ਦੀ ਮੌਜੂਦਗੀ ’ਚ ਕੀਤਾ। 

ਇਹ ਵੀ ਪੜ੍ਹੋ: ਇਕ ਵਿਆਹ ਅਜਿਹਾ ਵੀ; ਲਾੜਾ ਬਣ ਭੈਣ ਨੇ ਭਰਾ ਦੀ ਪਤਨੀ ਨਾਲ ਲਏ ਸੱਤ ਫੇਰੇ, ਭਰਜਾਈ ਨੂੰ ਲਾੜੀ ਬਣਾ ਲਿਆਈ ਘਰ

ਕੀ ਸੀ 3 ਪ੍ਰੇਮਿਕਾਵਾਂ ਨਾਲ ਵਿਆਹ ਕਰਾਉਣ ਪਿੱਛੇ ਤਰਕ? ਲਾੜੇ ਸਮਰਥ ਮੁਤਾਬਕ ਉਹ 15 ਸਾਲ ਪਹਿਲਾਂ ਗਰੀਬ ਸੀ, ਤਾਂ ਵਿਆਹ ਨਹੀਂ ਕਰ ਸਕੇ, ਇਸ ਲਈ ਹੁਣ ਵਿਆਹ ਕਰਵਾ ਰਹੇ ਹਨ। ਲਾੜੇ ਦਾ ਕਹਿਣਾ ਹੈ ਕਿ ਉਹ ਅਤੇ ਉਨ੍ਹਾਂ ਦੇ ਬੱਚੇ ਇਸ ਵਿਆਹ ਤੋਂ ਖੁਸ਼ ਹਨ। ਬੀਤੇ 15 ਸਾਲ ਦੌਰਾਨ ਉਨ੍ਹਾਂ ਨੂੰ 3 ਕੁੜੀਆਂ ਨਾਲ ਪਿਆਰ ਹੋਇਆ ਸੀ। ਉਹ ਵਾਰੀ-ਵਾਰੀ ਤਿੰਨਾਂ ਨੂੰ ਦੌੜਾ ਕੇ ਘਰ ਲੈ ਆਏ ਅਤੇ ਤਿੰਨਾਂ ਨੂੰ ਪਤਨੀ ਵਾਂਗ ਰੱਖਿਆ।