ਲੋਕ ਸਭਾ ਚੋਣਾਂ- ਰੈਲੀ 'ਤੇ ਯੋਗੀ ਅਤੇ ਮਮਤਾ 'ਚ ਜ਼ੁਬਾਨੀ ਜੰਗ ਤੇਜ਼

ਲਖਨਊ-ਉੱਤਰ ਪ੍ਰਦੇਸ਼ ਦੇ ਮੁੱਖ ਮੰਤਰੀ ਯੋਗੀ ਅਦਿੱਤਿਆਨਾਥ ਅੱਜ ਪੱਛਮੀ ਬੰਗਾਲ ਦੇ ਪੂਰਲੀਆ 'ਚ ਜਨਸਭਾ ਨੂੰ ਸੰਬੋਧਿਤ ਕਰਨਗੇ। ਮੁੱਖ ਮੰਤਰੀ ਯੋਗੀ ਅਦਿੱਤਿਆਨਾਥ ਹੈਲੀਕਾਪਟਰ ਰਾਹੀਂ ਝਾਰਖੰਡ-ਬੰਗਾਲ ਦੇ ਬਾਰਡਰ ਨਗੇਨ ਮੋੜ ਤੱਕ ਜਾਣਗੇ। ਉੱਥੋ ਸੜਕ ਰਾਹੀਂ ਬਾਂਗੜਾ ਜਾਣਗੇ। ਇਸ ਵਾਰ ਵੀ ਤ੍ਰਿਣਾਮੂਲ ਸਰਕਾਰ ਤੋਂ ਉਨ੍ਹਾਂ ਦੇ ਹੈਲੀਕਾਪਟਰ ਨੂੰ ਉਤਰਨ ਦੀ ਇਜ਼ਾਜਤ ਨਹੀਂ ਮਿਲੀ। 3 ਫਰਵਰੀ ਨੂੰ ਬਾਲੁਰਘਾਟ 'ਚ ਯੋਗੀ ਦੀ ਰੈਲੀ ਸੀ, ਜਿਸ ਦੇ ਲਈ ਵੀ ਹੈਲੀਕਾਪਟਰ ਲੈਂਡਿੰਗ ਦੀ ਇਜ਼ਾਜਤ ਨਹੀਂ ਦਿੱਤੀ ਗਈ ਸੀ। ਇਸ ਤੋਂ ਬਾਅਦ ਯੋਗੀ ਨੇ ਫੋਨ ਰਾਹੀਂ ਵਰਕਰਾਂ ਨੂੰ ਸੰਬੋਧਿਤ ਕੀਤਾ ਸੀ।

#WATCH WB CM Mamata Banerjee:Ask Yogi to take care of Uttar Pradesh first. So many ppl have been killed,even police were murdered,so many ppl were lynched,he himself will lose if he contests elections.He doesn’t have a place to stand in UP that’s why he's roaming around in Bengal pic.twitter.com/ijtBwTHdvX

— ANI (@ANI) February 5, 2019

ਯੋਗੀ ਆਪਣੇ ਸੂਬੇ ਤੋਂ ਚੋਣਾਂ ਹਾਰ ਜਾਣਗੇ- ਮਮਤਾ
ਮਮਤਾ ਨੇ ਕਿਹਾ ਹੈ, ''ਯੋਗੀ ਬੰਗਾਲ 'ਚ ਘੁੰਮਣਾ ਚਾਹੁੰਦਾ ਹੈ ਤਾਂ ਘੁੰਮਣ ਦਿਓ, ਉਨ੍ਹਾਂ ਨੂੰ ਇਹ ਕਹੋ ਕਿ ਪਹਿਲਾਂ ਆਪਣਾ ਉੱਤਰ ਪ੍ਰਦੇਸ਼ ਸੂਬਾ ਸੰਭਾਲੇ, ਉੱਥੇ ਕਈ ਲੋਕ ਮਾਰੇ ਜਾ ਰਹੇ ਹਨ, ਇੱਥੋ ਤੱਕ ਕਿ ਪੁਲਸ ਕਰਮਚਾਰੀਆਂ ਨੂੰ ਵੀ ਮਾਰਿਆ ਜਾ ਰਿਹਾ ਹੈ। ਕਈ ਲੋਕਾਂ ਨੂੰ ਕੁੱਟ ਕੇ ਮਾਰਿਆ ਜਾ ਰਿਹਾ ਹੈ। ਮਮਤਾ ਬੈਨਰਜੀ ਨੇ ਕਿਹਾ ਹੈ ਕਿ ਯੋਗੀ ਤੋਂ ਆਪਣਾ ਸੂਬਾ ਸੰਭਾਲਿਆ ਨਹੀਂ ਜਾ ਰਿਹਾ, ਹੁਣ ਉਹ ਚੋਣਾਂ ਹਾਰ ਜਾਣਗੇ, ਇਸ ਲਈ ਬੰਗਾਲ 'ਚ ਰੁਖ ਕਰ ਰਹੇ ਹਨ, ਜਿਸ ਕਰਕੇ ਉਹ ਬੰਗਾਲ 'ਚ ਘੁੰਮ ਰਿਹਾ ਹੈ।''

रोहंगिया आ सकते हैं, आतंकवादी आ सकते हैं, विदेशी घुसपैठिए आ सकते हैं
मगर
एक मुख्यमंत्री ,एक राष्ट्रीय अध्यक्ष, C.B.I. बंगाल नही जा सकती
सर्वोच्च न्यायालय का आदेश बंगाल में लागू नही हो सकता
राष्ट्रवादी कार्यकर्ताओं की बंगाल में हत्याएँ करा दी जाती हैं.
ममता जी.. HOW IS THE KHAUF ? pic.twitter.com/3lLFi9c3b1

— Mohsin raza (@Mohsinrazabjpup) February 4, 2019

ਯੋਗੀ ਦੇ ਮੰਤਰੀ ਨੇ ਟਵੀਟ ਰਾਹੀਂ ਮਮਤਾ 'ਤੇ ਵਿੰਨਿਆ ਨਿਸ਼ਾਨਾ-
ਯੋਗੀ ਸਰਕਾਰ ਨੇ ਮੰਤਰੀ ਮੋਹਨਸੀਨ ਰਜ਼ਾ ਨੇ ਟਵੀਟ ਕਰਕੇ ਮਮਤਾ ਸਰਕਾਰ 'ਤੇ ਹਮਲਾ ਬੋਲਿਆ ਹੈ। ਉਨ੍ਹਾਂ ਨੇ ਟਵੀਟ ਕੀਤਾ- ਰੋਹਿੰਗਿਆ ਆ ਸਕਦੇ ਹਨ, ਅੱਤਵਾਦੀ ਆ ਸਕਦੇ ਹਨ, ਵਿਦੇਸ਼ੀ ਘੁਸਪੈਠੀਏ ਆ ਸਕਦੇ ਹਨ ਪਰ ਇੱਕ ਮੁੱਖ ਮੰਤਰੀ, ਇਕ ਰਾਸ਼ਟਰੀ ਪ੍ਰਧਾਨ ਅਤੇ ਸੀ. ਬੀ. ਆਈ. ਬੰਗਾਲ 'ਚ ਨਹੀਂ ਆ ਸਕਦੀ ਹੈ। ਸੁਪਰੀਮ ਕੋਰਟ ਦਾ ਆਦੇਸ਼ ਬੰਗਾਲ 'ਚ ਲਾਗੂ ਨਹੀਂ ਹੋ ਸਕਦਾ ਹੈ। ਰਾਸ਼ਟਰਵਾਦੀ ਵਰਕਰਾਂ ਦੀ ਬੰਗਾਲ 'ਚ ਹੱਤਿਆਵਾਂ ਕਰਵਾ ਦਿੱਤੀਆਂ ਜਾਂਦੀਆਂ ਹਨ। ਮਮਤਾ ਜੀ... ਹਾਊ ਇਜ਼ ਦ ਖੌਫ?

ਮਮਤਾ ਸਰਕਾਰ ਲੋਕਤੰਤਰ ਵਿਰੋਧੀ- ਯੋਗੀ
ਯੋਗੀ ਨੇ ਐਤਵਾਰ ਨੂੰ ਕਿਹਾ ਸੀ ਕਿ ਮਮਤਾ ਸਰਕਾਰ ਭਿਆਨਕ ਅਤੇ ਲੋਕਤੰਤਰ ਵਿਰੋਧੀ ਹੋ ਚੁੱਕੀ ਹੈ। ਮਮਤਾ ਸਰਕਾਰ ਨੇ ਘਬਰਾ ਕੇ ਮੈਨੂੰ ਰੋਕਣ ਦੀ ਸਾਜ਼ਿਸ਼ ਰਚੀ। ਮੈਨੂੰ ਪੀ. ਐੱਮ. ਮੋਦੀ ਦੇ ਡਿਜੀਟਲ ਇੰਡੀਆ ਦੇ ਰਾਹੀਂ ਤੁਹਾਡੇ ਵਿਚਾਲੇ ਆਉਣਾ ਪਿਆ। ਇਸ ਤੋਂ ਪਹਿਲਾਂ ਅਮਿਤ ਸ਼ਾਹ ਨਾਲ ਇੰਝ ਹੀ ਹੋਇਆ ਹੈ।

ਭਾਜਪਾ ਨੇ ਚੋਣ ਕਮਿਸ਼ਨਰ ਨੂੰ ਕੀਤੀ ਸ਼ਿਕਾਇਤ-
ਇਸ ਮਸਲੇ 'ਤੇ ਸੋਮਵਾਰ ਨੂੰ ਭਾਜਪਾ ਨੇਤਾਵਾਂ ਨੇ ਚੋਣ ਕਮਿਸ਼ਨਰ ਨੂੰ ਮਮਤਾ ਸਰਕਾਰ ਦੀ ਸ਼ਿਕਾਇਤ ਕੀਤੀ । ਚੋਣ ਕਮਿਸ਼ਨਰ ਨਾਲ ਮੁਲਾਕਾਤ ਕਰਨ ਤੋਂ ਬਾਅਦ ਰੱਖਿਆ ਮੰਤਰੀ ਨਿਰਮਲਾ ਸੀਤਾਰਮਣ ਨੇ ਕਿਹਾ ਹੈ ਕਿ ਅਸੀਂ ਚੋਣ ਕਮਿਸ਼ਨਰ ਨੂੰ ਦੱਸਿਆ ਹੈ ਕਿ ਕਿਸ ਤਰਾਂ ਇਕ ਸਾਜ਼ਿਸ ਦੇ ਤਹਿਤ ਬੰਗਾਲ 'ਚ ਭਾਜਪਾ ਨੇਤਾਵਾਂ ਨੂੰ ਪਹੁੰਚਣ ਤੋਂ ਰੋਕਿਆ ਜਾ ਰਿਹਾ ਹੈ। ਇਹ ਲੋਕਤੰਤਰ ਦੇ ਖਿਲਾਫ ਸਾਜ਼ਿਸ ਹੈ।