ਮਮਤਾ ਬੈਨਰਜੀ ਬੋਲੀ- ਨਹੀਂ ਦੇ ਸਕਾਂਗੀ ਟੀਮ ਨੂੰ ਆਗਿਆ

ਕੋਲਕਾਤਾ— ਪੱਛਮੀ ਬੰਗਾਲ ਦੀ ਮੁੱਖ ਮੰਤਰੀ ਮਮਤਾ ਬੈਨਰਜੀ ਨੇ ਕੋਵਿਡ 19 'ਤੇ ਕੋਲਕਾਤਾ ਸਮੇਤ ਦੇਸ਼ ਦੇ ਕੁਝ ਸ਼ਹਿਰਾ 'ਤ ਕੇਂਦਰ ਵਲੋਂ ਟੀਮ ਭੇਜਣ ਦਾ ਵਿਰੋਧ ਕੀਤਾ ਹੈ। ਮਮਤਾ ਬੈਨਰਜੀ ਨੇ ਕਿਹਾ ਕਿ ਆਖਿਰ ਕਿਸ ਆਧਾਰ 'ਤੇ ਕੇਂਦਰ ਸਰਕਾਰ ਦੀ ਅੰਤਰ ਮੰਤਰਾਲਾ ਕੇਂਦਰੀ ਟੀਮ (ਆਈ. ਐੱਮ. ਸੀ. ਟੀ.) ਭੇਜਣ ਦਾ ਫੈਸਲਾ ਕਰ ਰਹੀ ਹੈ। ਪੱਛਮੀ ਬੰਗਾਲ ਦੀ ਸੀ. ਐੱਮ. ਨੇ ਕਿਹਾ ਕਿ ਉਹ ਪੀ. ਐੱਮ. ਨਰਿੰਦਰ ਮੋਦੀ ਤੇ ਅਮਿਤ ਸ਼ਾਹ ਨੂੰ ਅਪੀਲ ਕਰਦੀ ਹੈ ਕਿ ਕੇਂਦਰ ਟੀਮ ਭੇਜਣ ਦਾ ਆਧਾਰ ਦੱਸੋ, ਉਦੋਂ ਤਕ ਉਹ ਦਿਸ਼ਾ 'ਚ ਅੱਗੇ ਕੋਈ ਕਦਮ ਨਹੀਂ ਵਧਾ ਸਕੇਗੀ। 

We welcome all constructive support & suggestions, especially from the Central Govt in negating the #Covid19 crisis. However, the basis on which Centre is proposing to deploy IMCTs in select districts across India including few in WB under Disaster Mgmt Act 2005 is unclear.(1/2)

— Mamata Banerjee (@MamataOfficial) April 20, 2020

ਜ਼ਿਕਰਯੋਗ ਹੈ ਕਿ ਕੇਂਦਰ ਸਰਕਾਰ ਨੇ ਸੋਮਵਾਰ ਨੂੰ ਕਿਹਾ ਕਿ ਦੇਸ਼ ਦੇ ਕੁਝ ਸ਼ਹਿਰਾਂ ਜਿਵੇਂ ਮੁੰਬਈ, ਪੁਣੇ, ਇੰਦੌਰ, ਜੈਪੁਰ, ਕੋਲਕਾਤਾ ਤੇ ਪੱਛਮੀ ਬੰਗਾਲ ਦੇ ਕੁਝ ਦੂਜੇ ਸ਼ਹਿਰਾਂ 'ਚ ਕੋਰੋਨਾ ਨਾਲ ਪਾਜ਼ੀਟਿਵ ਦੀ ਸਥਿਤੀ ਗੰਭੀਰ ਹੈ। ਕੇਂਦਰ ਨੇ ਕਿਹਾ ਕਿ ਇਨ੍ਹਾਂ ਸਥਾਨਾ 'ਤੇ ਲਾਕਡਾਊਨ ਦਾ ਉਲੰਘਣ ਕੋਰੋਨਾ ਦੇ ਪਾਜ਼ੀਟਿਵ ਨੂੰ ਹੋਰ ਵਧਾ ਸਕਦਾ ਹੈ।